Hôiv đôngx tỉnh Yên Bái khóa 19 nhiv kruôr kriz cơưv jiês tiv 12 chiê sêiz shuôk, ntâuk gri ntâu tsênhv njiêz cik txos hâux lưv kriz uô têx tsưr ziv huôv tsar kinh têr, xar hôiv, côx phax-ngaz tuk tỉnh hâur 6 luz hli hâur shôngk shông, tso tơưv têx jênhv vưv, tsưr ziv 6 luz hli kaz shông. Chủ tịch hôiv đôngx tỉnh Yên Bái-Tạ Văn Long puz pâuz: 6 luz hli hâur shôngk shông, chuôz ndê hax huv sâuv thax tsav tâu xar muôx 6% ntâu, sơưr tiv 5 hâur 14 tỉnh thax tsav Trung du thiêz tox siêz Bắc Bộ thiêz sơưr tiv 23 hâur 63 tỉnh, thành phố tas nro têz qơưk; tas nro pênhr yưv trâu huôv tsar muôx 7.600 tiv đêiv, ndê 7% ntâu… Ntơưv jiês cơưv no, Hôiv đôngx tỉnh Yên Bái njuôk xav zuôr sêiz shuôk, sêiz lax, thôngz đhâu 27 nghị quyết, hâur co muôx iz cxiê nghị quyết cik txos chor vênhv thix yưv pênhr côngz, cui tênhv phênhv paz trâu huôv tsar uô nox lơưr Tsaz yênhx tsưr ziv têz qơưk huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz, Tsaz yênhx tsưr ziv têz qơưk txo grêk yêiz pluôs truôx đrênhk./.

Tuấn Xuân-Lik Thox cxêik nhênhv

“Huôv tsar yuôx njuôz lơưr saz tsiv grê reik đros ju lix” zos njiêz luv jiês diễn đàn cxiz kôngz @ kôngz nuv zos Tsênhv qơư cxiz kôngz tỉnh Lai Châu tsưr tsix hnuz xiêz 7/7 ntơưv Lai Châu. Sở kôngz nuv thiêz huôv tsar nôngx cxênhz tỉnh Lai Châu li pov cov ntơưv diễn đàn khav tênhv, sâm Lai Châu zos nôngz sâm lok six muôx tsiv grê. Zơưv Nguyễn Anh Tuấn, Chủ tịch Hiệp hội sâm Lai Châu puz pâuz: Mênhv chêx huv đros chiê chos sâm nhoz Lai Châu tsuv siêz 1 cxênhz 200 yiv. Chêx chôngk nhoz têx jos nênhs La Hủ, Hmôngz, Hà Nhì... iz mênhx cxưx nhiês muôx nhiês cêr vênhx huôv jông. Hâux lưv huôv tsar chos sâm reik đros ju lix tsi taz heik kriê tâu vênhx huôv mênhx cxưx jông, sâm Lai Châu mak tsênhv muôz siêz tâu sâm li tsiv grê:

“Iz mênhx cxưx nhiês muôx nhiês vênhx huôv jông tâu pox nhuôk tuôr tsês thiêz phuôx huiz hâur niêx shông lok six jông, viv li đhâu tsoz sâm no têx lênhx nênhs xar muk ndis shuôk uô si tâu muk ndis seiz vax chos, nriêr pâuz lok pox nhuôk li vênhx huôx tiv phaz. Đhâu tsoz sâm mak sik côngv đros uô ju lix zuôr paz chox vênhx huôv mênhx cxưx jông nhoz tiv phaz tâu tas nro têz qơưk pâuz txos”./.

(Khắc Kiên-Txâur Vax cxeik nhênhv)

Đros muôx têx chiv xênhz, vênhx huôv đros ntâu xor xưv du lịch jông, tỉnh Sơn La tưz txêik tok chôngz tsôngv kruô du lịch hâur têx hli hâur shôngk shông no. Hâur 6 luz hli, tưz muôx nhos 2,8 triệu lênhx kruô tuôx ndis shuôk, uô si ntơưv Sơn La; paz sâu tâu txix dịch vụ muôx 3.000 tiv đêiv, ndê muôx 2,3 jiês pir li six chênhz shông uô ntêx. Hâur co, chôngz tsôngv kruô tuôx trâu tox siêz Mộc châu, Tà Xùa, pak đêx tênhv Quỳnh Nhai… Zơưv Trần Xuân Việt, Phưv Giám đốc Sở Vênhx huôv, Thể thao thiêz Du lịch tỉnh Sơn La puz pâuz, chiê zaz zâuv ziv hnuz ziv chôngz tsôngv kruô du lịch tuôx trâu ntơưv thax tsav qơưk, đrâuv gra siêz tsơưr lươngv dịch vụ; cxơưz cxiz, paz trâu doanh nghiệp lữ hành txuôk đros trâu chor qơư du lịch, qơư dịch vụ… Sơn La tsênhv sir jos hlôngr yiêz hâur huôv tsar du lịch./.

Lê Hạnh-Lik Thox cxêik nhênhv

Ntơưv đơưv Cao Pha nhoz jos Ái, xã Chiềng Xôm, TP Sơn La, tỉnh Sơn La, Phongx phax tar zax zênhz thiêz nênhs phamv cxâuv, Bộ chỉ huiz Bộ đội pênhz phax tỉnh Sơn La sik côngv đros têx lưx lươngv muôx txơưx jênhv ntês tâu Zax A Hợ, xênhz shông 1987, nhoz ntơưv jos Bướm Ỏ, xã Chiềng Khoong, huyện Sông Mã, tỉnh Sơn La viv muôv muôs zax zênhz. Sâu tâu 12 cxênhz njiêr zax zênhz shơư yuôx, 1,5 cir zax zênhz, 1 luz yêz meir, 1 luz điện thoại di động. Uô ntêx co, ntơưv jos Pàn, xã Mường Chùm, huyện Mường La, tỉnh Sơn La, lưx lươngv phax tar zax zênhz thiêz nênhs phamv cxâuv, Bộ chỉ huiz bộ đội pênhz phax tỉnh thiêz phongx PC 04, Công an tỉnh Sơn La sik côngv ntês tâu 2 lênhx nênhs zos 2 niêv txir zos Zax A Chơưr xênhz shông 1992 thiêz Nzơưv Xênhv Lâux xênhz shông 1988, puôr lênhx nhoz jos Pa tét, xã Huổi Một, huyện SÔng Mã , tỉnh Sơn La viv muôv muôs zax zênhz, sâu tâu 1 đeiv zênhz đơưz, đros têx chuôz zênhx txơưr. Nhiv no hâux lưv no tsênhv tror tâu lưx lươngv muôx txơưx jênhv qênhz yuôx uô tsênhz mênhx./.

(CTV-Txâur Vax cxeik nhênhv)