Thâuv tsênhv tok T.Ư đơưk uô têx chei, cxuô ngênhx, ntơưv qơư hâur Lào Cai tsênhv sir jos đơưk têx phiv liv hâur đấu thầu, sir jos cov muôx txâuk yuôx chơưv kho moz gênhk nhoz cxuô qơư y tế. Sở Y tế tỉnh Lào Cai heik pâuz, xav txix hnuz xiêz 01/9/2022 txos nhiv no, Ủy ban tỉnh Lào Cai tưz cir zuôr têx yuôx, xav hur si muôx nhos 3 cxênhz ntâu zav yuôx, tsiv gri 250 ntâu tyvd deiv. Trơưk li zơưv Hoàng Quốc Hương, Giám đốc Sở Y tế tỉnh Lào Cai, muôx ntâu qir tiv uô tuôr thênhv txos đấu thầu têx yuôx, chuôz zênhx seiz njuôk shuôs kho moz hâur ntu đhâu, iz zav li uô tuôr thênhv txos côngz têx yuôx, chuôz zênhx tiv moz Covid-19 uô ruôr hiêv; gri yuôx tsar ndê siêz; T.Ư têx cui tinhv njiz trâul phiv liv….. Chiê khưx phưx têx phiv liv co, ngênhx y tế tỉnh Lào Cai tưz tso tơưv ntâu faz tsưr ziv đơưk tu li: Tsưr tsix đấu thầu ntâu jiês; tiz jông xav lok sâuv têx yuôx jông zôngv kho ntâu zav moz gênhk…. Txos nhiv no, đhâu qênhz shuôs, têx yuôx tưz taz por tâu nhos 70-80%, zuôr xar txâuk chiê phưx vưv luôs hâux lưv seiz njuôk shuôs, kho moz trâu tsôngv pêx xênhv hâur tỉnh./.

An Kiên-Riê Lâux cxeik nhênhv

Hâux lưv njuôk ar jôngr nuv, muôz ntơưr côngz jênhv sir zôngv ar jôngr nuv sâuv thax tsav tỉnh Điện Biên tsênhv njiz ntâu phiv liv, uô muôx yưv kriz uô kênhz. Lơưr co, xav txos tas hli 6 shông 2023, tas nro chor ar jôngr nuv nhoz tỉnh Điện Biên tưz kriz uô njuôk hov yiêz xar muôx 284.000 héc ta, bâuv 79% tsưr ziv tso tơưv. Hâur chor no, ar jôngr nuv muôx jôngr zuôr xar 80.000 héc ta; tsênhv yuôr zos ar jôngr nuv tsik tâu muôx jôngr. Choz ar, choz jôngr, muôz ntơưr sir zôngv ar jôngr nuv zos tsưr jôngr. Choz ar, choz jôngr, muôz ntơưr sir zôngv ar jôngr nuv zos tỉnh li tsưr ziv uô lox. Viv li, Ban chox kriê hêik cxuô thax tsav qơư tror qênhz yuôx, ntâuk gri cxix cxuô hâux lưv tsưr tsix kriz uô; nzor đơưk kho têx phiv liv chiê kriz uô tâu sêi lơưr tsưr ziv kror tưs zôngx ziv uô uô ntêx, kror tưs phiv liv uô lơưr kaz, taz por uô tiêr côngz xưv muôz ntơưr sir zôngv ar jôngr nuv uô ntêx hli 12/2023./.

Vũ Lợi-Lik Thox cxêik nhênhv

Têx hnuz đhâu, sâuv thax tsav tỉnh Lai Châu muôx lok nas lox. Ntơưv qơư uô dưv anr cxiv tsa tsêr mêir uô zav nox trâu tsiêx cxu thiêz cuô car zâux cuêv fix, nhoz Công ty TNHH uô kôngz nuv Lai Châu ntơưv thị trấn Phong Thổ, huyện Phong Thổ, đhâu muôx ntux lok nas lox, yênhx cxênhz yiv thôngx ar tưz trâus cuôr lok trâu zar kaz đêx. Niêv tix Phan Thị Thơm, nhoz jok Thống Nhất, thị trấn Phong Thổ, huyện Phong Thổ puz pâuz: chor ar txix pêv hâur đêx tưz trâus cuôr lok cxuz tas 1 ziv chuôz zis kinh doanh nhoz thị trấn têx hax huv, mak niêv tix thiêz chor nênhs hâur qơư uô no cux tsik pov kaz uô li chak hlo, uô hiêv tas xar muôx 1 tiv đêiv. Nhiv no chor chuôz zis kinh doanh thiêz pêx xênhv nhoz ntơưv no lok six vav tiêk chor cơ quan muôx vax huôv tỉnh Lai Châu zuôr qênhz yuôx, hêik taz viv kriz uô tsuv muôx tsưr ziv xưv lik, khưx phưx têx phiv liv muôx yưv. Thôngx cxix, cxiv tsa tsưr ziv uô ngaz tuk, truôx jông, chiê tsik uô phiv liv txos pêx xênhv luz nênhx thiêz uô nox./.

Khắc Kiên-Lik Thox cxêik nhênhv