Tỉnh Sơn La txos nhiv no tưz huôv tsar tâu 250 kror qơư cungz muôs hax huv kôngz nuv, tsiêx đêx ngaz tuk; hâur co muôx 30 ntâu qơư muôs jâuz; 160 qơư muôs txir ntông ngaz tuk sâuv thax tsav đar xar muôx 3.700 héc ta, yênhx shông tâu muôx 45.500 tấn, zos chor txir mo môngk, txir lưv tsiz sôngz, txir khơưz đuz, txir lưk kâuz hmaz, dâu tây, thanh long… Zơưv Hà Như Huệ, Giám đốc Sở Kôngz nuv thiêz Huôv tsar jêx jok tỉnh Sơn La puz pâuz, nhiv no hâux lưv huôv tsar têx qơư cungz muôs hax huv kôngz nuv ngaz tuk nhoz tas nro tỉnh tsênhv njiz trâus iz cxiê kror phiv liv tsuv tâu đơưk kho:

“Nhiv no Chinhr phuv li Nghị quyết 38 tưz kho đuô zos Hôiv đôngx tỉnh cui tênhv. Viv li nhiv no Sở tsênhv hêik pâuz chiê kho đuô, lok sik hlôngr đuô Hôiv đôngx tỉnh li Nghị quyết 58. Hâur co muôx cui tênhv zos uô lơưr tsưr ziv uô chor tsaz yênhx tsưr ziv têz qơưk ntâu tiv zix tsik đhâu 10 triệu đêiv; chor tsaz yênhx uô lơưr jênhv vưv ntâu tiv zix tsik siêz đuô 5 triệu đêiv; hok paz lơưr côngv thôngx mak Nghị định 27 tưz cui tênhv tsik siêz đuô 3 triệu đêiv. Li co têx huyện thiêz chor nênhs yưv pênhr zuôr khov trâu kror no chiê kriz uô”./.

TTTB-Lik Thox cxêik nhênhv

Đhâu 90 hnuz hmo sir jos txar qơư nhoz trâu tsôngx box chiê zuôr qơư uô qar yêz za Sa Pa (lok sik hu qar yêz za Lào Cai), iz jiês txar qơư nhoz txơưr truz ntêr 60 hnuz hmo nhiv kruôr tâu phuôx tôngv ntơưv xã Cam Cọn, huyện Bảo Yên, tỉnh Lào Cai, qơư muôx dự án muk đhâu. Zơưv Nguyễn Trọng Hải, Phưv Chủ tịch UB tỉnh Lào Cai chox kriê ô côngz xưv no thiêz sơưr cam kết qơư nhoz yiêz zuôr taz por jông đuô qơư nhoz kuz. Thôngx cxix, thix ziv chính quyênx tiv phaz thiêz têx ban, nganhx muôx lênhx coaz, tsov cưv tas nro têx vênhv thix li tênhv tênhz tơưk pov cêr, cer muk lok, car chêx têx ntâuz ntơưr muôx lênhx coaz ciês ntơưv qơư chiê tsôngv box tsi tsuv pôngz six hơưv muk tsênhv qơư huyện….

“Tsuv uô jông chiê tsôngv box tsi muôx ziv chênhv. Zos muôx têx ziv chênhv heik tơưv mak têx chiz coaz tsuv muôx txơưx jênhv đros têx ziv chênhv co. Viv li tsuv muôz siêz chinhz yênhx txơưx jênhv siêz tiv zix; têx chiz coaz têz qơưk tsuv phưx vưv tsôngv box, seiz tsôngv box zos iz lênhx kruô. Têx vênhv thix tsi tâu uô tâu, đrâuv côngz xưv yax mông, tsuv muôx chiz coaz sơưr car chêx tsênhz mênhx”./.

(An Kiên-Txâur Vax cxeik nhênhv)

Ntơưv jok Co Mỵ, xar Thanh Chăn (huyện Điện  Biên), Ban sêiz car dưv anr chor côngz trinhx kôngz nuv thiêz huôv tsar jêx jok nhiv kruôr tsưr tsix kriz uô “Dưv anr sêiz car ntâu kror ntux têz ruôr hiêv zar kaz đêx Nậm Rốm chiê por vêv trâu pêx xênhv luz nênhx, sưv đros trâu qiv hơưv txơưr txar thiêz huôv tsar kinh têr-xar hôiv, tỉnh Điện Biên”. Dưv anr tâu yưv pênhr cxiv tsa thêir ar xưz poz oz saz ntus đêx Nậm Rốm ntêr muôx 14,45 cêik cêr; cxiv tsa oz kror njưs thêir tâur đêx sâuv tuk đêx no; cxiv tsa thax tsav tênhv qơư njuôz, cêr muk trơưk oz saz ntus đêx. Six hơưv uô dưv anr txix shông 2021-2025, đros tas nro pênhr nhiêx yưv uô muôx 981 tiv đêiv. Dưv anr sir zôngv cơ quan huôv tsar Pháp têx pênhr ODA thiêz pênhr nhiêx têz qơưk muôx ntơưv thax tsav qơư. Thâuv uô  tiêr, dưv anr zuôr paz por vêv ngaz tuk trâu xar muôx 40.000 ntâu pêx xênhv nhoz thành phố Điện Biên Phủ thiêz huyện Điện Biên./.

ĐBP-Lik Thox cxêik nhênhv

Cux nhoz Điện Biên, 13 luz pas đêx lox phưx vưv tsêz chos sâuv thax tsav tỉnh tsênhv muôx tsi txâuk đêx tiv yar ntux cuz sor ntêr, nas lok tsơưs. Zơưv Lê Văn Thi, Giám đốc công ty TNHH seiz car đêx liv Điện Biên puz pâuz: đêx sâuv tas nro 13 luz pas đêx nhiv no yuôr tsi muôx iz đraz. Qir tiv zos viv yar ntux cuz sor ntêr, ntus lok nas tsơưs, tsuôk tax 40-50% pir đros têx shông tov ntêx, uô đêx tsơưs đuô chungz fênhx 0,4-10 yiv. Nhiv no taz viv tsênhv sik côngv đros têx tiv phaz chuv tôngv seiz njôngr qênhx shênhx qiv hơưv, chuv tôngv cxênhx tsês đêx ntơưv têx hâur đêx chiê taz por muôx txâuk đêx phưx vưv tsêz chos kôngz nuv chiv cheix zuôr txos./.

(VOV-Txâur Vax cxeik nhênhv)