Jiês cơưv tiv 16, hội đôngx tỉnh Lai Châu khoá 15, ntu 2021-2026 nhiv kruôr thôngz đhâu 18 nghị quyết; hâur ntơư quy tênhv ntâu tsênhv chêi yiêz chiê yax kriê tsưr ziv, txux chi trâu cán bộ ntơưv qơư.  Chor cơưv Thạ sỹ tuôx uô hâux lưv trâu Lai Châu tâu têz qơưs muôzz 600 triệu paz; cưk yuôx chuyên khoa II tâu têz qơưs paz 400 triệu. Cưk yuôx đa khoa, cưk yuôx kho hniêr, cưk yuôx y học dự phax tâu têz qơưs paz 350 triệu nhiêx iz lênhx, zos tuôx uô hâux lưv chơưv kho moz trâu thax tsav tỉnh Lai Châu./.

                                                   Tsu cxêik nhênhv-Khắc Kiên

Tỉnh Sơn La li zuôr xar 160 tênhr txir thanh long tưz tâu muôs hâur têz qơưk thiêz trâu luôs 2 chas thax tsav đrâuv hâur 3 luz hlik đhâu, gri muôs hâur têz qơưk zos txix 15-23 cxênhz đeiv iz cir; muôs saz đrâuv luôs 2 chas têz qơưk zos 29-30 cxênhz đeiv iz cir. Nhiv no Sơn La muôx 300 ntâu ha thanh long, phênhv ntâu zos chor txir plơưr liêz, iz shông sâu đê tâu xar muôx 5 cxênhz tênhr. Têx txir thanh long Sơn La tsênhv khav tinhv tâu tsơưr lươngv, muôx suôz bê to hâur ciêz đrôngs thiêz tâu muôs trâu luôs 2 chas têz qơưk đrâuv li: Trung Quốc, Nhật Bản, Hàn Quốc, Nga. Zơưv Nguyễn Quang Vinh, Giám đốc HTX Ngọc Hoàng, huyện Mai Sơn, iz hâur têx qơư muôx txir thanh long muôs trâu luôs 2 chas thax tsav đrâuv heik pâuz:

“Shông no HTX tưz cir ntơưr đros 5 qơư sâu zuôr, iz ciêz xav kror đruôz đraz xa 6 tênhr txir trâu sâuv yêz za thâux muk têx qơư đas cir zuôr co. Njuôk xav thâux xa muk trâu Liên minh châu Âu thiêz Trung Đông shông no zos 2 cxênhz tênhr”./.

VOVTB-Riê Lâux cxeik nhênhv

Thâuv muôz cxuô jos, tổ dân phố hâur thax tsav tỉnh Laox Cai chox lok uô cê, nhiv no muôx zuôr xar 500 luz tsêr vênhx huôv tưz trâus puôk tsuôx, đhâu hâur oz shông qênhz yuôx cux tsik tâu muôx faz tsưr ziv tưs đơưk kho cov truôx. Trơưk li Lý Thị Mụi, nhoz huyện Văn Bàn, luôs hâux lưv cxuô cấp ngênhx tsuv moz siêz txos zos tsuv muôz pênhr nhiêx kriz đẩ cxiv uô tsêr vênhx huôv jêx jos, tổ dân phố đhâu thâuv muôx ntâu luz jos chox lok uô cê. Đros co, tsuv muôz têx tsêr vênhx huôv kuz tsik sir zôngv txos muôs muk chiê muôz chor nhiêx ntơư chox lok cxiv uô tsêr vênhx huôv yiêz cov huv đros./.

                                                    Tsu cxêik nhênhv-An Kiên

Ntơưv xã Viêng Lán, huyện Yên Châu, tỉnh Sơn La nhiv kruôr muôx iz txuz trâul pôngz đêx, uô 2 lênhx nhuôs muôx 4 shông trâul tuôs. Tsênhv tsênhz, thâuv 7 six tas cik hnuz 13/7, muôx 2 tus pox niêv muk hlêis jâuz puz nhux ntơưv ntus cưx đês hâur jok Mường Vạt, thâuv muk 2 tus pox niêv co puôr lênhx chox đros 2 lênhx nhuôv muôx 4 shông heik sâuv. Thâuv muk txos ntơưv ntus đêx, 2 lênhx pox niêv co iz tus muk trâu qir trâu liêx kuôk ntus đêx muôx 100 thiêr; hok iz tus mak đros 2 lênhx nhuôv nhoz, hlêis jâuz tâus ntus đêx thiêz lênhx pox niêv no tưz heik 2 tus nhuôv cov gơưk nhoz gơưk uô si, nưk mul hlêis jâuz. Đhâu co 20 phênhz, tus pox niêv trâu qir trâu liêx ntơư tưz hnor hu chuôs tsi đrav ntus đêx tuôx, li đhiê muk txos pov 2 tus nhuôv tưz trâul pôngz đêx hur si lơưv. Txơưv sơưr đơưk tưz zênhx max tuôx đros muôz 2 tus nhuôv thiêz chox muk kho trâu tsêr kho moz huyện, taz sik chơưv tsi tâu, 2 lênhx nhuôs tưz trâul tuôs hur si. Đhâu hlo thâuv txeik tâu mông, Ủy ban huyện tưz chox kriê cxuô phongx ban lês car uô têx nuv heik sâuv đros Ủy ban xã muk shuôs, tôngv zênhx 2 chuôz zis muôx mê nhuôv trâul pôngz đêx tuôs./.                                                                               VOVTB-Riê Lâux cxeik nhênhv