Nghị quyết Đại hôiv Đảng bôv tỉnh Yên Bái jiês tiv 19 xav jênhv cxiv tsa “Qơư jôngr nuv sir zôngv công nghệ siêz thax tsav Trung du thiêz tox siêz faz Bắc ntơưv tỉnh Yên Bái ntu 2021-2030, tsưr ziv uô txos shông 2045”. Tsênhv tsênhz tsênhv njiêz no, tỉnh Yên Bái tưz tso tơưv ntâu tsênhv chêi, tsưr ziv paz trâu huôv tsar kinh têr jôngr nuv thiêz sir jos cov zos yênhx tsênhv qơư uô ntông công nghệ siêz. Yênhx shôngx, tỉnh Yên Bái chos yiêz muôx 15.000 ntâu héc ta jôngr cxuô zav, thax tsav muôx jôngr vor txix 62% shông 2015 ndê muôx 63% trâu shông 2022, sơưr tiv plâuz  hâur tas nro têz qơưk. Tỉnh li tsưr ziv zos txos shông 2025 thax tsav muôx jôngr vor zos 65%, chor ntông chos yênhx shông txiêr tâu muôx 500.000 yiv thôngx, ndar txos zos thax tsav uô têx ntông chos lox ntâu đros têx công nghệ yiêz jông./.

Đinh Tuấn-Lik Thox cxêik nhênhv

Tỉnh Sơn La nhiv kruôr muôx côngz fur quyết tinhv cir têx đêx anr huôv tsar thiêz ndar txos huôv tsar têx thax tsav ju lix têz qơưk, chiê uô tsênhz mênhx Nghị quyết, tsưr ziv shông 2030 ju lix tsênhv tsênhv yênhx ngênhx kinh tế zov chênhr. Trơưk li quyết tinhv cir đêx anr huôv tsar têz qơưk Thax tsav ju lix Mộc Châu muôx txâuk ntâuz ntơưr côngk nhav shông 2025, hâur têx luôs hâux lưv tso tơưv tưz uô tâu 16 hâux lưv. Zơưv Trần Xuân Việt, Phưv Giám đốc Sở Vênhx huôv, thêv thao thiêz ju lix tỉnh Sơn La heik pâuz, đros trâu fuô uô cxuô faz tsưr ziv, ngênhx moz siêz txos hlôngr yiêz sôr hâur huôv tsar ju lix:

“Sở tsênhv cxiv tsa tsưr ziv, nhênhz chơưv chiê fuô uô hlôngr yiêz sôr taz por uô tâu jông têx luôs hâux lưv lok huôv tsar ju lix, seiz car ….chiê cxơưz tiês yax kriê, seiz car thiêz gra siêz têx nuv uô lok huôv tsar ju lix”./.

Lê Hạnh-Riê Lâux cxeik nhênhv 

Tỉnh Lào Cai zuôr cxiv tsa 8 hax huv, dịch vụ vênhx huôv muôx cônz bê, zuôr cxaz chuôz tâu trâu chor hax huv, dịch vụ vênhx huôv hâur têz qơưk. Hâur co, thax tsav qơư no tsêx trung huôv tsar chor zav hax huv du lịch jông xưk li: Nhoz so, vênhx huôv côngv thôngx, kôngz nuv, jêx jok nghề; du lịch thể thao; hôiv thảo xor xưv; zuôr muôs; du lịch txơưx njê; du lịch ntus đriv… Thôngx cxix uô, tsưr tsix iz cxiê xor xưv tưz muôx côngz bê ntơưv Lào Cai li: Tror uô ciêz gâux đrâus Sa Pa; Sa Pa ntâuz trâur lâus thiêz pax; Festival tox siêz đơưz Bắc Hà… Shông no, Lào Cai sir jos cov txêik tok tâu txix 6 triệu jiês kruô du lịch tror sâur, phênhv sâu txix du lịch tâu muôx 20.500 tiv đêiv./.

An Kiên-Lik Thox cxêik nhênhv

Ntơưv jiês tưr thik lênhx nxeik jông gâux pax lâus 2023 hâur ntênhs hội Pax lâus 2023 thiêz Hnuz hội Vênhx huôv, Thêv thao thiêz Ju lix cxuô heir nênhs tỉnh Điện Biên jiês tiv 7 nhiv kruôr đhâu, 20 lênhx nxeik jông gâux tưz sik tưr thik têx li: Siz tưr hnar têx tsôngk tril yo thiêz thik heik lul jông. Suôx câuv tưr thik têx li heik sâuv tas, Ban tsưr tsix tưz muôz ntơưr côngk nhav lênhx nxeik jông gâux pax lâus shông 2023 trâu Nguyễn Thị Phương Uyên, hlôngr njêx muôs Sở zoz zux tỉnh Điện Biên; lênhx nxeik Đỗ Hồng Hạnh, hlôngr njêx muôs trâu tỉnh Sơn La tưr thik tâu hov 2; Đỗ Diệu Phương, hlôngr njêx muôs TP Điện Biên Phủ tưr thik tâu hov 3. Iz chas ntơư, Ban tsưr tsix tsênhv muôz 11 giải txơưr đuô li: Sik tưr hnar têx tsôngk yo heir nênhs tsơưs jông yax, sik tưr hnar têx tsôngk tril yo Việt Nam jông tiv zix……/.

Vũ Lợi-Riê Lâux cxeik nhênhv