Hnuz 16/7, Bí thư TW Đangv, Tsar ban Tuyên giáo TW Nuyễn Trọng Nghĩa đros đoanx côngz xưv tưz muôx jiês uô hâux lưv đros Ban thường vụ tỉnh ủy Điện Biên lok qênhx shênhx huôv tsar KTXH, taz por côx phax txiv ngaz, cxiv tsa Đảng thiêz cxix luôk chính trị 6 luz hlik hâur shôngk shông 2023, côngz xưv tsưr tsix têx huôx tôngv chiv nhênhv 70 shông ntâuk zênhx Điện Biên Phuv. Phuôx plov ntơưv jiês uô hâux lưv, Tsar ban Tuyên giáo TW Nguyễn Trọng Nghĩa thix ziv tỉnh Điện Biên ntu zuôr txos cxơưz tiês têx tsaz yênhx huôv tsar KT, cxuôv yeiz thiv pluôs. Hâur co, tsuv muôx ntâu tsaz yênhx, chính sách tsov cưv huôv tsar kinh têr thax tsav tsôngv box mênhx cxưx tsơưs nênhs thiêz tox siêz, taz por txiv ngaz ntơưv têx tiv phaz cuz nxor nhoz tox siêz đêz đrôngs./.

(Tuấn Xuân-Txâur Vax cxeik nhênhv

Tas nro tỉnh Lào Cai muôx 1.900 ntâu héc ta ntông cao su. Txơưv tiêk thax tsav ntông cao su jông câuk cuô mik lok six ntâu, taz sik chor cuô mik câu su câuk tâu txos nhiv no cux tsênhv tsơưs. Xar Bản Vược, huyện Bát Xát, tỉnh Lào Cai muôx zuôr xar 250 héc ta ar cêv kuôk chos ntông cao su; hâur co, muôx 143 héc ta zos pêx xênhv gôngr côngv ar đros Công ty, tsênhv yuôr zos ar dưv anr 661. Ntu đhâu, cấp ủy, chinhr quyền xar cux txêik tâu lok six ntâu ziv chênhv hêik pâuz lok thax tsav ntông cao su tưz jông câuk cuô mik taz sik tsik tâu pov công ty heik li chak hlo. Zơưv Vũ Văn Thảnh, Phưv chủ tịch Ủy ban xar Bản Vược puz pâuz:

“Pêx xênhv gôngr côngv ar chos ntông cao su txos nhiv no tưz muôx 10 shông lơưv. Taz sik cux tsik tâu hnoz taz viv hêik pâuz lok kriz uô câuk cuô mik cao su hlo. Pêz lok six cxơưx thiêz cux tưz ntâu jiês thav txos thiêz uô têx ntâuz ntơưr, đhâu co qênhz yuôx chor ntông cao su, zos txâuk  cxuô kror mak shông 2023 no zuôr kriz uô câuk cuô mik chiê pox nhuôs muôx tâu hax huv muôs”./.

An Kiên-Lik Thox cxêik nhênhv

650 ntâu txuz uô cxâuv cêr chei hâur huôx tôngv muôv muôs tưz trâus Cục seiz car niêv ciêz tỉnh Sơn La pov, yưr lir hâur 6 luz hlik hâur shôngk shông no, đros tas nro nhiêx txiêx xưv bluô zos 2,6 tỷ đeiv ntâu. Zơưv Nguyễn Viết Thông, Cục phó Cục seiz car niêv ciêz tỉnh Sơn La puz pâuz, đhâu qênhz yuôx 800 ntâu txuz, lưx lươngv tưz pov, yưr lir 650 ntâu lênhx nênhs uô cxâuv; têx luz hlik hâur shôngk shông, hâux lưv qênhz yuôx tsov txos têx hax huv zuôr trâus sir zôngv đros tsôngv box luz nênhx, xênhz huôx.

“Cục seiz car niêv ciêz tưz chuôz tsar qênhz yuôx, yưr lir txos qơư têx hâux lưv thâux gra, muôv muôs fov ntơưr; tsưr tsix seiz car jông têx huôx tôngv muov muôs trox yêz, tsi chiê muôx yưv qênhx shênhx nhiês cxênhx tsês hax huv, chuôz ndê grê muôs tsi trơưk cêr chei, chiê gôngr phênhv taz por ngaz tul niêv ciêz phưx vưv tsôngv box zoz qơưx, tiv zix zos tsôngv box nhoz tox siêz đêz đrôngs”./.

(Trấn Long-Txâur Vax cxeik nhênhv

Hâur oz pêz hnuz đhâu, ntux nas lox tưz uô phiv liv txos pêx xênhv nhoz ntâu qơư hâur thax tsav Tây Bắc luz nênhx thiêz cxuô zav, tiv zix ntơưv tỉnh Sơn La, ntux nas lox uô ruôr hiêv ntâu txos pêx xênhv chor tsoz chos thiêz cxuô zav, njuôk xav tas xar muôx 500 triệu đêiv. Nhiv no, coz chuô sôr 1 tsênhv lok trâu saz Tây Bắc, viv li cxuô qơư hâur thax tsav Tây Bắc zuôr tror muôx ntux lok nas, muôx têx qơư lok nas thiêz chuô lox, zôngx ziv muôx yưv đêx ngaz cuôr, ar poz. Nganhx muôx vax huôv hêik pêx xênhv tsuv sêiz shuôk jông ntux yar ntux nas, tsik pư ntơưv têx tsêr têz, tsik muk shuôk têx pak njêl, muk muôz tơưl sâuv têx đêx; thâuv muk lok sâuv têx cêr tsuv uô jông sêiz shuôk, phax tar muôx ar poz jêz poz, ntos lok trâus…/.

Thu Thùy-Lik Thox cxêik nhênhv