Hơưv tok chiv nhênhv 76 shông hnuz saz pênhz thik xênhz lok zos hnuz thương binh liệt sĩ, cxuô cấp hâu nov, đoanx thêv, lưv lươngv vũ trang tỉnh Sơn La tưz thiêz tsênhv uô têx luôs hâux lưv muk shuôs, muôz huv puz trâu nênhs muôx côngz têz qơưk thiêz chor nênhs muôx côngz trâu têz qơưk li nênhs cxênhz jê.

Cxuô cấp hâu nov, đoanx thêv, lưv lươngv vũ trang tỉnh Sơn La tưz muk shuôs, muôz huv puz trâu 3 cxênhz ntâu lênhx nênhs muôx côngz têz qơưk thiêz lơưr chor muôx côngz li nênhs cxênhz jê; cxiv uô tsêr niêv côngv siêz; paz hnuz côngz lox tôngv cux iz zav li txoz cxơưx luz nênhx nox nhoz trâu nênhs muôx côngz têz qơưk; cxiv kho chor tuz lênhv tâu tas siv nênhx li têx kuô nda hâur huyện, TP.... Têx luôs hâux lưv uô co tưz txoz cxơưx jông đuô luz nênhx xênhz huôx trâu lênhx nênhs thiêz chuôz zis muôx côngz têz qơưk, iz chas ntơư choz kriê trâu cxênhx hluôk cêr nhiêv têz qơưk, ndo txiêx njis txos têx lênhx zênhz shôngx, tuz lênhv tâu tas siv nênhx thâuv ntu tir ntâuk trol châuz, nênhs muôx côngz viv tsưx phưv, cxiv tsa têz qơưk./.

Trấn Long-Riê Lâux cxeik, nhênhv

Lào Cai muôx 2 tsưr ziv kriz uô zos paz zưs đêx cxênhx txuôs thiêz paz uô qơư chiê kriz uô dưv anr uô kôngz, jôngr, đêx nuv. Taz sik, đhâu iz shông ntâu cux tsênhv uô tsik tâu tâu trâu hjâur luz nênhx.

Lơưr zơưv Đỗ Văn Duy, Giám đốc Sở Kôngz nuv thiêz Huôv tsar jêx jok tox siêz tỉnh Lào Cai, qir tiv tsênhv chêi zưs đêx cxênhx txuôs tsênhv njiz ntâu phiv liv zos tiv luôs hâux lưv uô yênhx dưv anr tsuv đar txis 50 héc ta tror sâur thiêx li tâu paz; đros co zos phênhv paz tsik ntâu đuô 2 tiv đêiv iz dưv anr tsênhv tsơưs pir li tsênhv tsênhz zos tas muôx 5-7 tiv đêiv.

Hok đros tsênhv chêi paz uô qơư txix nhiêx txiêx têz qơưk tỉnh, Nghị quyết muôx tsưr ziv uô siv tsênhv njiêz uô qơư zos yênhx dưv anr txơưr thiêz tsưr tsix chiê nưk uô nưk chiê paz muôx cuiv ar zaz zâuv, hu grus nênhs yưv pênhr trâu chor dưv anr uô têx kôngz, jôngr, đêx nuv./.

An Kiên-Lik Thox cxêik nhênhv

Uô jông luôs hâux lưv sir zôngv ar, muôz têx nôngz zuz yiêz lok chos, uô lơưr têx tsưr ziv yiêz, pêx xênhv nhoz Lai Châu tsênhv uô tâu têx xiv huv kôngz nuv jông, muôs tâu gri. Txix 2, 3 trâur nuv xuz thơưx, chor qơư tsiv uô hax huv tsênhv jux juk uô tâu trơưk tsưr ziv xar, paz pêx xênhv gra siêz phênhv sâu tâu, hla đhâu cêr pluôs thiêz sir jos uô bluô nux. Zơưv Lò Văn Mơn, Phưv Giám đốc Tsênhv qơư dịch vụ kôngz nuv huyện Tân Uyên, tỉnh Lai Châu heik pâuz: Hlôngr yiêz zuz nôngz tsoz chos thiêz tsưr ziv uô nox tưz gra lok phênhv sâu tâu ntâu trâu tsôngv pêx xênhv. Zos xưk li uô blêx, chos poz cưk, xav kror đruôz đraz iz shông pêx xênhv sâu tâu txix 50-70 tsov đeiv iz ha, mak nhiv no chos cuô txoz, txir lưk hmaz, tâuz tưs, pêx xênhv muôx phênhv sâu tâu 300 tsov đeiv ntâu iz ha; chos điz cuô, lưk suôr sâu tâu nhos iz tyv đeiv iz ha:

“Chiê uô yênhx thax tsav chos tâu ntâu kôngz thiêz gra siêz gri têx xiv huv, muôx xiv huv, zav nox truôx tuk thiêz por hưv đrox tsuôs, hâur đêx jông, pêz huyện Tân Uyên cux tưz thiêz tsênhv yênhx lix têx trâur nuv tsiv uô jâuz tâuv, kôngz truôx tuk. Huyện cux tưz yênhx lix têx thax tsav chos, chiê muôx tâu têx huv jông, muôs tâu gri”./.

Khắc Kiên-Riê Lâux cxeik, nhênhv

Zos tỉnh tox siêz tsênhv yuôr ntâu kror txov nhêv taz sik hâur ntu đhâu, nganhx Y têr Yên Bái tưz sir jos tsês ntâu pênhr jos chiê kriz uô hâux lưv hlôngr yiêz sôr. Zơưv Nguyễn Song Hào, Phưv Giám đốc Sở Y têr tỉnh Yên Bái puz pâuz, tas nro tỉnh nhiv no tưz muôx 200 qơư njuôk kho moz kriz uô nriêr pâuz thiêz njuôk kho moz Bảo hiểm y têr trâu pêx xênhv txix căn cước công dân. Sở Y têr tưz sik côngv đros Bảo hiểm xar hôiv Yên Bái uô tiêr hâux lưv cungz têx chuôz zênhx trâu chor qơư njuôk, kho moz sâuv thax tsav. Thôngx cxix, chox kriê chor qơư njuôk kho moz tso nênhs muk paz, kriê trâu pêx xênhv đăngk cir njuôk, kho moz txix công nghệ sôr:

“Hâur ntu đhâu chiê kriz uô tâu truôx jông chor jênhv vưv tsênhv njiêz hâur Đề anr 06 (Đề anr huôv tsar sir zôngv dữ liệu lok pêx xênhv, định danh thiêz xav jênhv điện tử phưx vưv trâu hlôngr yiêz sôr têz qơưk ntu 2022-2025, tsưr ziv uô txos shông 2030, Sở Y têr Yên Bái tưz tso tơưv ntâuz ntơưr chox kriê, sêiz car chiê kriz uô hâur cxuô cấp ủy đảng cux xưk li txos tas nro chor nênhs sơưr thơưx têx taz viv hâur nganhx”./.

Đinh Tuấn-Lik Thox cxêik nhênhv

Hnuz 22/7, ntơưv thax tsav jok Co Chàm, xã Lóng Luông, Công an huyện Vân Hồ seiz car, hux jos đros têx taz viv hâur Công an tỉnh Sơn La tưz qênhz pov thiêz ntêk tâu Quàng Văn Quyết, xênhz shông 1999, nhoz jok Huổi Nhương, xã Chiềng Khương, huyện Sông Mã zuôr muôs zax zênhz tsi trơưk chei.

Têx chuôz zênhx sâu tâu muôx 27 cxênhz njiêr yuôx shơư zênhz, 3 luz xor tôngx gra ntơưv têk đros trâu iz cxiê zav chuôz zênhx txơưr đuô cik txos.

Ntơưv cơ quan Công an, Quàng Văn Quyết krêz lênhk tiêk, zuôr chor zax zênhz heik sâuv ntơưv thax tsav trôngx đriv Chiềng Khương, huyện Sông Mã, tsênhv zuôr gra muk muôs trâu tiêx đras txơưv trâul qênhz pov thiêz ntêk tâu. Nhiv no txuz nuv co tsênhv tror tâu qênhz yuôx, uô tsênhz mênhx./.

VOVTB-Riê Lâux cxeik, nhênhv