Tiv phiv liv txix qiv hơưv sor cuz truz ntêr hnuz, chuôs li tsik muôx ntux lok nas tưz uô trâu chor đêx hâur pak đêx tênhv Sơn La, Lai Châu trâus kruôr zuôr tas. Txix hnuz 3/6 txos nhiv no, Tsêr mêir đêx tênhv Sơn La thiêz Lai Châu tưz tsik tso tênhv, tsêx trung tsês chiê đêx chiê phưx vưv tso tênhv trâu kaz hli 6, hâur hlik hli 7 no. Khov muôx jiês lok nas hnuz 9/6 nhiv kruôr đhâu, chor đêx lok trâu oz luz pak đêx tênhv no tưz pur siêz mê njil, taz sik cux tsik tâu txâuk chiê chor tôv mêir tror tso tênhv. Công ty tsêr mêir đêx tênhv Sơn La-taz viv sêiz car 2 Tsêr mêir đêx tênhv tsênhv sir jos kho đuô, thôngx cxix tso nzir nênhs sêiz jor, ntâuk gri chiê tso tâu tênhv ngaz tuk, truôx jông têx tôv mêir./.

                                                                    Trấn Long-Lik Thox cxêik nhênhv

Cux xưk li ntơưv, đêx ntơưv niêv pas đêx tênhv Thác Bà, tỉnh Yên Bái tsênhv grês lok six kis txix hnuz xiêz 1/6 nhiv kruôr đhâu viv li tsuv tso tsês huôx tôngv 2 tuêv meir. Lơưr zơưv Nguyễn Mạnh Cường, Phưv Tổng giám đốc công ty cổ phần đêx tênhv Thác Bà, niêx shông, lơưr thôngz sâu qênhx shênhx ntux nas mak hli 5 thiêz hli 6 zuôr muôx ntux lok nas ntâu, taz sik shông no tsi pov ntux lok nas, tiv zix hâur hli 5 nhiv kruôr đhâu, đêx ntưs lok sâuv pas đêx tax phênhv chungz fênhx 40%, ntâu shông, pir đros tsêz no tsuôk bâuv 22%, hâux lưv no tso pov qênhx shênhx lok six kruôr gis. Txix qênhx shênhx co, công ty cổ phần đêx tênhv Thác Bà tsênhv tror seiz njôngr tuêv meir số 3, viv thâuv đêx grês kis zuôr tsi taz por thiêz uô zênhr shar lok six ntâu....Viv li, công ty tsuv tso cxaz kỹ sư jor thơưk hnuz thơưk hmo./.

                                                             Trịnh Xuân-Txâur Vax cxeik nhênhv

Ntơưv jok Khá, xar Sặp Vạt, huyện Yên Châu, tỉnh Sơn La nhiv kruôr tsưr tsix Hnuz hôiv txir mo môngk jiês tiv 4. Huyện Yên Châu nhiv no muôx zuôr xar 14.000 héc ta ntông nox txir, hâur co muôx zuôr xar 1.150 héc ta tâu cungz mã thax tsav chos têx zav txir ntông li: txir mo môngk, txir lưv tsiz sôngz, txir khơưz đuz, txir tsơưz, txir lưk kâuz hmaz, txir lê; sâu tâu muôx 82.000 ntâu tấn iz shông. Viv li, chiê paz muôx tâu qơư muôs thiêz paz muôx tâu phênhv sâu siêz, truôx tuk trâu pêx xênhv, yênhx shông huyện Yên Châu tưz muôx tsưr ziv sâu zuôr muôs thiêz huôv tsar thương mại điện tử trâu têx hax huv kôngz nuv sâuv thax tsav. Hnuz hôiv tưz paz tuôr tsês chiê thiêz phuôx huiz têx lịch sử vênhx huôv mênhx cxưx; piêr trâu tsôngv kruô sơưr đơưk pâuz lok têx kror liv, lênhx nênhs nhoz Yên Châu. Zơưv Lù Văn Cường, Chủ tịch Ủy ban huyện Yên Châu puz pâuz:“Đhâu hnuz hôiv txir mo môngk, pêz xar cov txuôk đros tâu nhoz chor nênhs uô thiêz chor hợp tác xã, cux xưk li chor nênhs sâu zuôr, cir têx hux thôngx; tưz tsik zos shông no xưz, thâuv têx taz viv, tsôngv kruô tâu nriêr pâuz, njiê pov tâu mak zuôr cir têx hux thôngx chiê sâu zuôr têx hax huv no lơưr yênhx shông”./.

                                                                Trấn Long-Lik Thox cxêik nhênhv

Công an huyện Tân Uyên, tỉnh Lai Châu tưz cuiz tênhv ntês 8 lênhx nênhs hâur txuz ntor luôx jôngr phax phưv ntơưv xã Hố Mít chiê qênhz yuôx lok hâux lưv “uô cxâuv cui tênhv lok ntor luôx, por vêv jôngr”. Thâuv ntês têx lênhx nênhs co đros têx chuôz zênhx sâu tâ, chiz coaz qênhz yuôx, công an huyện Tân Uyên đros têx nganhx muôx lênhx coaz tror seiz car qênhx shênhx. Ntơưv thax tsav jôngr trâus ntor luôx, chiz coaz muôx txơưx jênhv xav tênhv têx lênhx nênhs no tưz ntor tsi trơưk chei zuôr xar 14 yiv đruôz ntông hâur jôngr phax phưv. Nhiv no hâux lưv not sênhv tror tâu qênhz yuôx chiê yưr lir txos qơư têx lênhx nênhs no trơưk pháp luật li cui tênhv./.

                                                              Khắc Kiên-Txâur Vax cxeik nhênhv