Đhâu chor hnuz ntux kruôr gis, hmo 12/6, têis cik 13/6, sâuv thax tsav thị xar Sa Pa muôx ntux lok nas. Tsênhv tsênhz, muôx ntux lok nas lox ntơưv thax tsav Tsêr mêir đêx tênhv Séo Chong Hô, xar Mường Hoa, xar Ngũ Chỉ Sơn, xar Bản Hồ… Lơưr xor mông txix Phòng kinh tế thị xar Sa Pa, ntux lok nas zâu txix iz tas hmo 12/6, txos 3 six têis cik 13/6 muôx ntux lok nas lox. Nhiv no tsik tâu muôx trâus hiêv li chak. Jiês ntux lok nas no cux paz trâu chor qơư zus njêl muôx txâuk đêx. Chor pak đêx tênhv sâuv thax tsav cux tưz muôx đêx txâuk huôv tsar uô nox./.

                                                          Báo Lào Cai-Lik Thox cxêik nhênhv

Tas cik hnuz 13/6, ntơưv tus qox Hữu nghị-Việt-Trung, nhoz trôngx đriv Ma Lù Thàng, huyện Phong Thổ, Sở zoz thôngz tỉnh Lai Châu tưz đros Sở Zoz thôngz tỉnh Vân Nam (Trung Quốc) tsưr tsix ntênhs tso têx yêz thâux xa kruô muk lol đhâu trôngx đriv tsi so txix TP Lai Châu (Việt Nam) trâu huyện Kim Bình (Trung Quốc). Iz chas co, chor yêz zuôr tâu thâux xa kruô txix TP lai Châu-Trông đriv Ma Lù Thàng (Việt Nam) trâu trôngx đriv Kim Thủy Hà, huyện Kim Bình (Trung Quốc) thiêz txix co tror lok Việt Nam, iz hlik zuôr muôx 30 jiês yêz muk lol. Zơưv Nguyễn Văn hưởng, Phưv Giám đốc Sở zoz thôngz tỉnh Lai Châu heik pâuz:“Pêz vav chiê siêz, đhâu ntu tso yêz muk lol siv, xav txix hnuz tso yêz muk lol tâu đhâu, heik hâu nov tỉnh Vân Nam cux iz zav li huyện Kim Bình zuôr đros chor nênhs hlôngr njêx muôs tỉnh Lai Châu cơưv chiê zuôr chênhz zênhv hâur ntu uô siv co. Txix ntơư ntâuk grê têx zôngx ziv thiêz phiv liv, heik tơưv tsưr ziv khưx phưx, đơưk têx tsi jông trâu doanh nghiệp 2 têz qơưk. Chiê txix ntơư muôz jông six hơưv trâu 2 tos ziv hnuz ziv huôv tsar tâu jông đuô luôs hâux lưv co./.

                                                               Khắc Kiên-Riê Lâux cxeik nhênhv

Uô lơưr hli huôx tôngv viv nhuôs zâu shông 2023, nhiv kruôr đhâu, Tỉnh đoàn Hà Tĩnh thiêz Tỉnh đoàn Sơn La tưz chuôr yuô, khơưk muôz huv trâu chor nhuôs zâu ntơưv Tsênhv qơư Bảo trợ xar hôiv tỉnh Sơn La. Đros siêz xar paz trâu chor nhuôs sir jos đuô hâur luz nênhx, Tỉnh đoàn 2 tỉnh Hà Tĩnh thiêz Sơn La tưz paz nhiêx txiêx trâu chor nhuôs zâu muôx luz nênhx txov nhêv tsiv gri 15 triệu đêiv; khơưk muôz 15 suất học bổng trâu chor shux xênhz cơưv ntơưr txơưx; 500 ntâu kror hax huv zos ntơưr, cuô mik… trâu chor nhuôs nhoz ntơưv Tsênhv qơư. Đros co zos têx huôx tôngv uô si jông trâu chor nhuôs. Bạc Thị Bó, tsik muôx niêv txir, tsênhv tâu tu zus ntơưv Tsênhv qơư Bảo trợ xar hôiv tỉnh Sơn La, hêik pâuz:“Shông no cur muôx 13 shông thiêz tưz tuôx nhoz ntơưv no tâu muôx 6 shông lơưv. Nhoz ntơưv tsênhv qơư no cur tâu niêv txir puôs, cưk kriê ntơưr sir jos paz. Tâu chor hluôk nênhs tuôx sêiz nus, cur lok six shir phaz, no zos têx kror paz lox trâu cur thiêz sơưr đơưk chiê sơưr đơưk sir jos đuô thiêz zos yênhx chor nênhs muôx jông paz trâu xar hôiv”./.

                                                                         Lê Hạnh-Lik Thox cxêik nhênhv

Đros thiêz cêr đriv têz ntêr buôk hur si têz qơưk Lol Tsuôk thiêz Trung Quốc, suôv qơư tâu seiz zos cuz nxor lok zax zênhz sâuv ntiêx têz, viv li luôs hâux lưv phax tar chor nênhs zuôr muôs, uô luôv zax zênhz ntơưv Điện Biên thâuv tưs tưz lok six zov chênhr. Txơưv li ntơư, taz sik têx lênhx nênhs uô hâux lưv phax tir thêir zax zênhz hâur thax tsav cux sir jos uô nuv, txo grêk tsơưs chor nênhs zuôr muôs, uô luôv zax zênhz muk lol đhâu thax tsav. Đros trâu co zos uô jông lơưr Cục Cảnh sát qênhz yuôx têx nênhs zuôr muôs uô luôv zax zênhz tsi trơưk chei Bộ Công an têx faz tsưr ziv sơưr tơưv txênhz, phax tar chor nênhs heik sâuv đros công an chor tỉnh Điện Biên, Sơn La, Lai Châu, Lào Cai, Hòa Bình, Yên Bái chiê phax tir thêir tâu jông. Trung tá Hoàng trung Hiếu, Tổ phưv tổ côngz xưv, công an tỉnh Điện Biên uô hâux lưv ntơưv Lào Cai heik:“Hâur ntu đhâu, chor nênhs zuôr muôs, uô luôv zax zênhz thâuv tưs tưz liv zôngv thax tsav qơư phiv liv muk lol chiê nhiês thâux gra têx zax zênhz lok hâur Việt Nam, pêz tưz sâu bê, qênhz shuôs jông têx thax tsav, suôv qơư chiê xav jênhv, pâuz mênhx kror tưs lơưr khênhr muk lol đhâu. Hâur six hơưv uô hâux lưv, xuz thơưx pêz hux jos đros lơưr chor lưv lươngv muôx vax huôv saz têz qơưk đrâuv qênhz shuôs, qênhz yuôx chor nênhs tuôr hâur zuôr muôs, uô luôv zax zênhz tsi trơưk chei txix Lol Tsuôk lol hâur Việt Nam”./.

                                                               Vũ Lợi-Riê Lâux cxeik nhênhv