Chinhr quyền thiêz pêx xênhv ntơưv qơư tsênhv sir jos paz trâu ziv chuôz zis trâus xoz tuô uô tsêr cuz hnhiêz ntơưv xar Khao Mạng, huyện Mù Cang Chải, tỉnh Yên Bái. Txuz hâux lưv no muôx yưv hnuz 13/6 nhiv kruôr đhâu. Nov hâu ntơưv thax tsav qơư puz pâuz, thâuv luz tsêr trâus xoz tuô, chor nênhs hâur zơưv Tồng Xênhv Hơưx ( zos tsar jok) ziv chuôz zis   tsênhv muk uô liêx, viv li tsik trâus uô hiêv txos. Taz sik, xoz tuô uô tsêr cuz hnhiêz, uô hiêv txos iz cxiê chuôz zênhx muôx tsiv gri hâur tsêr, hâur co muôx 10 triệu ntâu nhiêx txiêx thiêz 3 triệu đêiv paz nhiêx tênhv trâu pêx xênhv hâur jok. Cux hmôngr jông thâuv tsêr cuz hnhiêz ntux tsênhv lok nas zâu; pêx xênhv nhoz iz ndis cux pov tâu nzor, thiêz paz tuô hluôr tơưl, viv li luz tsêr tsuôk trâus cuz hnhiêz muôs 35%. Cux six hơưv no, iz lênhx nênhs txơưr hâur jok zos zơưv Chua Xênhv Lik cux trâus phiv liv tiv xoz tuô thiêz lôngx ciês ntơưv liêx thiêz tsênhv tâu chơưv kho ntơưv tsêr. Hâur hnuz 14/6, xar tror tso nênhs tuôx sêiz nus, paz trâu chor nênhs trâus hiêv thiêz kho đuô têx vax tsêr chiê nzor truôx tuk luz nênhx./.

                                                                                  TTTB-Lik Thox cxêik nhênhv

Txơưv tưz canhv pov, taz sik yênhx puôk lênhx tsôngv box, phênhv ntâu zos nênhs muôx hnuz nhôngs siêz ntơưv TP Lào Cai tsênhv trâus nziês đas tiêk tâu khơưk muôz huv tsi pôngz nhiêx txiêx thâuv zuôr hax huv đros phênhv grê siêz. Ntâu lênhx tưz trâus nziês đas. Đros tsưr ziv “tsi muôs luôv, khơưk muôz huv zos tsênhv” qir thơưx tsôngv box cxaz chuôz zuôr tâu khơưk muôz 2,3 xiv huv tsiv grê tsơưs. Đhâu co, têx lênhx nênhs nziês đas zuôr heik kriê têx xiv huv muôx tsiv grê siêz đuô li ziês, lâux câuz tênhv uô mor....thiêz đas tiêk khơưk muôz huv  xưz tsi muôs. Xar tâu sơưv têx phênhv huv no tsôngv box tsuv zuôr ntơưr ndê txos 2,3 tsov đeiv chiê tâu khơưk muôz huv, thâuv tâu jênhv huv mak lơưr zuôr tror thêv đuô chor nhiêx txiêx co. Taz sik, tsênhz mênhx mak tsi zos li ntơưv. Iz lênhx tsôngv box cxaz chuôz phêv thaov no puz pâuz:“Phênhv ntâu zos nziês đas, sik txênhz khiêz nhiêx txiêx hâur 20 giây six hơưv. Nyei tiêk lơưr muk gra huv tuôx khơưk muôz, taz sik lơưr ho khiêr lơưv, tsuôk yuôr tsôngv box nhoz co tos xưz”./.

                                                                            CTV-Txâur Vax cxeik nhênhv

Sơn La muôx 270 ntâu cêik cêr ntus đriv. Têx shông đhâu, chor nênhs zuôr muôs zax zênhz huôx tôngv sâuv thax tsav ntus đriv no muôx ntâu kror phiv liv. Tỉnh Sơn La tsênhv sir jos kriz uô têx tsưr ziv phax tar ntơưv têx qơư phiv liv lok zax zênhz. Ntơưv huyện ntus đriv Sốp Cộp, đros muôx ntus đriv ntêr xar muôx 125 cêik cêr, côngz xưv phax tar zax zênhz njiz tsik tsơưs têx phiv liv. Công an huyện, chor Zênhx Pênhz phax tưz sir jos sik côngv chiê phax tar zax zênhz đros chor lưx lươngv phax tar zax zênhz nhoz pêz huyện Mường Ét, Mường Son, tỉnh Hủa Phăn thiêz huyện Phôn Thoong, tỉnh Luông Pha Băng, têz qơưk Lào chiê nriêr pâuz xor mông, qênhx shênhx lok chor nênhs phamv cxâuv. Thiếu tá Quàng Văn Việt, Phưv Zênhx tsar Zênhx pênhz phax Nậm Lạnh, Sốp Côpk hêik:“Hâur ntu đhâu taz viv cux tsik so nriêr pâuz qênhx shênhx, tsik so qênhz yuôx têx qơư muôs zâu. Tiv zix taz viv tưz tsưr tsix chor tôv uô côngz xưv yax krie, hêik pox nhuôs nhoz thax tsav ntus đriv pâuz lok côngz xưv phax tar zax zênhz, chiê pox nhuôs cir jênhv tsik chos tsoz zax zênhz. Tiv zix taz viv tưz tsưr tsix chor tôv sêiz jor ntơưv têx qơư muk lok đhâu ntus đriv, chor cêr zâu, txix co paz phax tar tâu jông chor nênhs fêv zuôr muôs zax zênhz muk lok đhâu ntus đriv”./.

                                                                             Lê Hạnh-Lik Thox cxêik nhênhv

Têx lưx lươngv muôx txơưx jênhv tỉnh Điện Biên nhiv kruôr ntês 1 lênhx nênhs muôv muôs thâux gra zax zênhz. Tsênhz mênhx, thâuv 1 six zar tar su hnuz 13/6, ntơưv thax tsav jos Nà Lấu, xã Búng Lao, huyện Mường Ảng, tỉnh Điện Biên, tuêv côngz xưv phongx cảnh sát qênhz yuôx nênhs phamv cxâuv zax zênhz, Công an tỉnh Điện Biên đros Cục hải quan tỉnh, têx tuêv côngz xưv 1266 thiêz 499 nhoz Công an tỉnh tưz ruôr yênhx côngz chuyên án số 623D. Lưx lươngv muôx txơưx jênhv ntês tâu Ziês Xênhv Vax xênhz shông 1990 nhoz jos Keo Lôm 1, xã Keo Lôm, huyện Điện Biên Đông, tỉnh Điện Biên tsênhv muôs muôs, thâux gra zax zênhz. Sâu tâu 12 cxênhz njiêr zax zênhz shơư yuôx thiêz ntâu chuôz zênhx txơưr muôx lênhx coaz. Ntơưv chiz coaz công an, Ziês jênhv zuôr chor zax zênhz txix ntus đriv Lào; thâuv tsênhv chox lok VN chiê muôs txơưv trâus qênhz pov thiêz ntês cxov. Hâux lưv no nhiv no tsênhv tror tâu qênhz yuôx uô cov tsênhz mênhx./.

                                                                               Vũ Lợi-Txâur Vax cxeik nhênhv