Ntơưv Tuần Giáo, tỉnh Điện Biên nhiv kruôr muôx iz txuz tox xưz poz, uô pêx xênhv iz luz tsêr trâul puôk tsuôx, hmôngr jông tsi uô ruôr hiêv li chas lok lênhx nênhs. Tsênhv tsênhz, txuz tox xưz poz co muôx yưv thâuv 10 six ntâu tas cik hnuz 15/6 ntơưv jok Bó, xã Chiềng Đông. Thâuv co, iz luz poz jêz lox tưz poz ntos pêv trôngz lol ntâuk tix lâus Lò Văn Hạnh, xênhz shông 1983 nhoz đrav tơư tox li luz tsêr. Thâuv poz jêz ntos ntơư, muôx iz tus nhuôv mê tsênhv nhoz hâur tsêr, taz sik hmôngr jông tsi trâul tus nhuôv co. Thax tsav muôx poz jêz xưz poz cux tsuôk muôx tix lâus Hạnh iz luz tsêr xưz. Tix lâus Hạnh chuôz zis zos ziv chuôz zis pluôs hâur jok, viv li xã tưz zênhx max heik hâu nov huyện Tuần Giáo chiê muôx chei paz chuôz zis cxiv kho vax tsêr. Qir tiv tâu xav zos viv ntux nas lox ntêr hnuz, uô têx ar xôngz, xưz poz, poz jêz thiêx ntos. Nhiv no hâu nov ntơưv qơư tsênhv qênhz shuôs tas nro têx qơư zôngx ziv muôx tox xưz poz hâur thax tsav; yax kriê, heik pêx xênhv chiê bax phax tir thêir, txo grêk tsơưs têx tsi jông./.

                                                                  Vũ Lợi-Riê Lâux cxeik nhênhv

Txix chor pênhr nhiêx zos tsưr tsix hôiv nôngx mênhx jênhv txix cuiv paz trâu nôngx mênhx, ntâu ziv chuôz zis nhoz tox siêz Lai Châu tưz muôx cxuô kror chiê huôv tsar kinh têr ziv chuôz zis. Txix no, muôx ntâu tsưr ziv uô kinh têr yiêz, paz trâu pox nhuôs hla đhâu cêr pluôs, truôx tuk luz nênhx. Tix lâus Lý A Phử ziv chuôz zis nhoz jok Hợp 1, xar Dào San, huyện Phong Thổ (Lai Châu) tiv muôx chôngz mê nhuôv thiêz tsik muôx pênhr nhiêx chiê huôv tsar uô nox viv li ntâu shông đrav ntêx cux zos chuôz zis pluôs. Shông 2000, tix lâus chuôz zis tưz kir txêik nhiêx hâur zênhx hangx tsênhv chêi xar hôiv lok zus muôk lưx sha mê nhuôv. Txix chor pênhr nhiêx kir txêik muôx 100 triệu đêiv, đros trâu têx nhiêx txiêx chuôz zis cxênhx txuôs tâu, tix lâus chuôz zis zuôr 10 tuk muôk lưx nôngz, hâur co muôx 1 tuk lâus muôk lưx lok zus thiêz zos yênhx ziv chuôz zis xuz thơưx ciês hâur xar tu zus muôk lưx. Tix lâus Phử puz pâuz:“Chiê huôv tsar tsưr ziv tu zus muôk lưx no mak tsử rtsix Hôiv Nôngx mênhx cux tưz paz trâu hôiv viên uô ntơưr txêik pênhr hâur zênhx hangx tsênhv chêi xar hôiv. Chiê muôx nzir chor pênhr nhiêx uô nox, nhiv kruôr đhâu cur chuôz zis cux tưz kir txêik nzir 100 triệu đêiv hâur zênhx hangx tsênhv chêi xar hôiv chiê huôv tsar chuôz zis paz muôk lưx”./.

                                                                   Khắc Kiên-Lik Thox cxêik nhênhv

Sơn La-thax tsav muôx ntâu zav txir ntông, nhiv no tsênhv txos cheix sâu đê têx txir ntông hâur shông. Txix têx tox trôngz câuv har, kror tưs cux pov muôx têx txir ntông txi kâuz niêz, iz cxiê tưz siêr jông đê, muôx kênh chor tsênhv mê, tsi tâu tâu siêr……Txir mo môngk khênhx zos iz hâur têx zav txir nox kaz, to bê lus nhoz huyện Yên Châu heik taz thiêz tỉnh Sơn La heik cxuô. Ntu no, txir khơưz Sơn La cux zos iz zav txir kaz tâu lênhx nênhs sir zôngv nhiêv zuôr txos. Txir khơưz tâu chos phênhv ntâu nhoz têx huyện Mộc Châu, Yên Châu, Sông Mã, TP Sơn La…. Sơn La nhiv no muôx 84 cxênhz ntâu ha tsoz chos nox txir, yênhx thax tsav chos ntâu têx tsoz chos nox txir đuô hur si faz Bắc. Luz cheix tưs nưk cux muôx nưk têx txir ntông txơưr tsi siz thôngx, Sơn La têx txir ntông muôx lok six ntâu zav. Shông 2023, tỉnh Sơn La njuôk xav zuôr sâu đê tâu nhos 452 cxênhz tênhr txir ntông cxuô zav. Hâur co, muôx nhos 70 cxênhz tênhr phưx vưv têx tsêr meir, qơư tsiv uô hâur tỉnh, yuôr đuô li zos muôs hâur thax tsav thiêz đrâuv luôs 2 chas têz qơưk. Chor xiv huv txir ntông tâu chos thiêz sâu đê ntơưv Sơn La tưz yênhx iz phênhv thâuv tưs tưz zuôr tsuv muôx hâur tsôngv pêx xênhv nhoz no luz nênhx…. Thiêz co cux zos têx xiv huv kaz, jông mak tsôngv kruô nhoz luôs 2 chas thax tsav lênhx tưs tâu nox txos cux kruôs nxiês./.

                                                                        Lê Hạnh-Riê Lâux cxeik, nhênhv

Ntơưv tỉnh tox siêz Yên Bái, muôx têx lớp cơưv zos chor nghệ nhân thiêz chor nênhs moz siêz sir jos tsưr tsix chiê tuôr tsês chiê, phuôx huiz têx vênhx huôv mênhx cxưx jông. Lớp cơưv nhoz jok Khe Cá, xar Lương Thịnh, huyện Trấn Yên, tỉnh Yên Bái zos iz lớp cơưv li co. Muôx 50 ntâu hêir nênhs Cho nhoz hnuz nhôngs sik txơưr ntơưv jok Khe Cá, xar Lương Thịnh, huyện Trấn Yên cux sir jos cxaz chuôz lớp cơưv no. Pos Dương Thị Mai, Bí thư Chi bộ jok puz pâuz: 99% ziv chuôz zis nhoz jok Khe Cá zos mênhx cxưx Cho, puôr lênhx pâuz hêik zuk mênhx cxưx têx lik, taz sik lok ntơưr sâu, têx phongx cxưx mak tsik zos lênhx tưs cux pâuz. Viv li lớp cơưv ntơưr Cho tâu yênhx lix thiêz txiêx ciês chor hnuz xuz thơưx tưz  tâu sơưr đơưk thôngx ziv đros, sir jos cxaz chuôz lớp cơưv:“Cur pov mak lok six muôx liv trâu pêz, iz zav li chor ntơưr sâu hêik lok zoz zux, lok lênhx nênhs, uô têx hâux lưv jông…/.

                                                                          Đinh Tuấn-Lik Thox cxêik nhênhv