Nhiv kruôr đhâu, Ban Thường vụ Tỉnh ủy Sơn La tưz tsưr tsix jiês cơưv sơ kết nhoz iz đraz six cxiv uô lơưr Đảng li Nghị quyết Đại hôiv 13, Nghị quyết Đại hôiv Đảng bôv tỉnh jiês tiv 15, six cxiv 2020-2025. Txix hâur six cxiv txos nhiv no, Ban chấp hành Đảng bôvj tỉnh, Ban Thường vụ Tỉnh ủy Sơn La tưz tsêx trung lênhx tov, chox kriê kriz uô 3 kror tsưr ziv, 9 jênhv vưv tsênhv njiêz sâuv cxuô kror hâux lưv. Chuôz ndê têx hax huv xav luz đraz 3 shông (2021-2023) njuôk xav tâu muôx 6% ntâu; xav lơưr lênhx nênhs shông 2022 xar muôx 49 triệu đêiv iz lênhx nênhs iz shông. Hâur co, nganhx kôngz nuv tror zos kror zov chênhr hâur ntu kinh têr njiz phiv liv. Hêik ntơưv jiês cơưv, zơưv Nguyễn Hữu Đông, Bí thư Tỉnh ủy Sơn La hêik mênhx:“Chor nênhs zos nênhs sơưr thơưx cấp ủy, chinhr quyền, thax tsav qơư, nênhs sơưr đơưk têx cơ quan taz viv… tsuv tror hêik canr bôv, đảng viên sir jos uô hâux lưv, viv tsưr ziv zos uô cov tiêr têx hâux lưv huôv tsar Sơn La njuôz, sêiz thiêz truôx đrênhk”./.

                                                                                                             Trấn Long-Lik Thox cxêik nhênhv

Huyện ntus đriv Mường Tè, tỉnh Lai Châu tsênhv zênhx max bax cxuô luôs hâux lưv chiê shux xênhz tưr thik cơưv tiêr ntơưr lớp 12 shông no taz por truôx tuk thiêz jông. Tsêr cơưv cxênhx 3 Mường Tè muôx 132 lênhx shux xênhz đas cir dưv tưr thik cơưv tiêr ntơưr lớp 12 shông no. Co cux zos iz hâur 3 qơư thik chênhr ntơưv Hôiv đôngx tưr thik ntơưv qơư. Cưk kriê Ma Văn Kiểm, Phưv thơưx seiz car tsêr cơưv heik pâuz: Têx luôs hâux lưv kriê cxaz nzir txux chi trâu chor shux xênhz tưz tâu tsêr cơưv fuô uô txix hli iz thiêz njuôk xav zuôr suôx câuv lok hnuz 23/6 zuôr txos. Chiê uô tâu jông luôs hâux lưv co, tsêr cơưv tưz phênhz shux xênhz uô 4 paz nhiêk txơưr nhiêk. Iz paz, cưk kriê zuôr muôx têx tsưr ziv kriê huv đros trâu 100% lênhx shux xênhz chiê chor nhuôs tưr thik tâu ntơưr:“Đhâu thâuv suôx câuv shông cơưv, têx shux xênhz cơưv tsi yuô tâu ntơưr thiêz tsi yuô moz siêz cơưv ntơư, tsêr cơưv tưz zuôv chor shux xênhz tuôx nhoz hâur tsêr cơưv, cơưv ntơưr, tsêr cơưv seiz car têx nhuôs cơưv. Đhâu ntơư, phênhz côngz cưk kriê, kriê trâu shux xênhz thiêz qênhz yuôx, seiz kaz shux xênhz chiê tưr thik tâu ntơưr jông”./.

                                                               Khắc Kiên-Riê Lâux cxeik nhênhv

Nhiv kruôr no, ntơưv thax tsav sôr 1, Hồ Nam Cường, thax tsav tôv dân phố Nam Thọ, phường Nam Cường, thành phố Yên Bái, tỉnh Yên Bái muôx yưv txuz trâus pôngz đêx uô oz lênhx nênhs zos zơưv Nguyễn Tiến La, zus shông 1957 thiêz zơưv Trần Tuấn V, zus shông 1971, puôr lênhx nhoz ntơưv Tôv dân phố Nam Thọ, phường Nam Cường, thành phố Yên Bái trâus tuôs. Ciês pov muôx yưv txuz txiêz nanv, chinhr quyền thiêz thax tsav qơư thiêz nganhx công an tưz tso nênhs đros pox nhuôs sir chơưv paz oz lênhx nênhs no. Taz sik, thâuv chox tâu lok txos sâuv ntus đêx oz lênhx nênhs no tưz trâus tuôs. Qir tiv tâu xav tiêk zos trâus pôngz đêx thiêx trâus tuôs./.

Thừa Xuân-Lik Thox cxêik nhênhv

Nhiv kruôr đhâu, Cơ quan Cảnh sát qênhz yuôx Công an huyện Quỳnh Nhai, tỉnh Sơn La tưz tso tơưv Quyết tinhv ntêk Lò Văn Quyết, xênhz shông 1993 thiêz Quàng Văn Dung, xênhz shông 1996, nhoz uô cê ntơưv jok Trạm Củ, xã Ta Ma, huyện Tuần Giáo, tỉnh Điện Biên ntor luôx uô ruôr hiêv jôngr ntông phax phưv ntơưv jok Khoang, xã Pá Ma Pha Khinh, huyện Quỳnh Nhai. Tsênhv tsênhz, đhâu mông txeik tâu txix Ban seiz car jôngr lâul-jôngr phax phưv Thuận Châu heik pâuz, ntơưv jok Khoang, xã Pa Ma Pha Khinh, huyện Quỳnh Nhai muôx ntâu tus ntông lox trâul ntor thiêz zuôr xar 2 ha har jôngr trâul cuz hnhiêz. Đhâu qênhz yuôx, Cơ quan Cánh sát qênhz yuôx Công an huyện tưz xav tâu, co zos Quyết thiêz Dung gơưk ntor cơư, uô ruôr hiêv jôngr ntông tsi trơưk chei. Ntơưv cơ quan Cảnh sát qênhz yuôx, Quyết thiêz Dung tưz lênhk nhav tiêk, gơưk ntor luôx chor jôngr ntông chiê uô liêx têz. Trơưk li chei têz qơưk, hnuz 17/6, Cơ quan Cảnh sát qênhz yuôx Công an huyện Quỳnh Nhai tưz tso tơưv quyết tinhv xơưz xưv, ntêk Lò Văn Quyết thiêz Quàng Văn Dung chiê tror qênhz yuôx, muôz tik cêr cxâuv trơưk chei têz qơưk cui tinhv./.

                                                                       CTV-Riê Lâux cxeik nhênhv