Nhoz tỉnh tox siêz Lào Cai muôx chor phóng viên lok six muôx hmông đros têx giải, lơưr tưz tsik zos sir jos xưz, mak tsênhv muôx txơưx jênhv chiê paz muôx tâu tễ xjax pov chir tsơưr lươngv siêz. Nhiv kruôr tror lok đhâu jiêsgrêk muk thủ đô chiê jênhv giải C giải pov chir tas nro têz qơưk lok Côx hôiv thiêz Hôiv đôngx jiês tiv iz (tsênhv tâu hu uô Giả Diên Hồng), nênhs sâu pov chir Trần Tuấn Ngọc nhoz pov chir Lào Cai shir phaz hêik tiêk, thâuv tưs zos jiês xuz thơưx muk thik mak cux zuôr tax tâu giải siêz đuô. Tix lâus Ngọc puz pâuz, iz kror qơư, jax pêv, lênhx nênhs mak pov chỉ hêik txos puôr lênhx muôx đros iz kror jông. Taz sik xar sir jó suô tâu hâux lưv no thiêz muôx tâu ntâu jax sâu jông tsik zos sâu trơưk li siêz xar xưz mak tsuv tas ntâu six hơưv cơưv shâuv, nhênhz chơưv chiê hla đhâu têx phiv liv thiêz uô tâu:“Muôx têx jax sâu lok six jông, muôx têx thâuv cux xar tiêk sâu tsik tâu. Taz sik chinhr têx đhâu têx ntu li co, kror zov chênhr zos tsuv tror sir jos uô. Muk ntâu, njiz ntâu, thav ntâu, sâu ntâu, nhênhv ntâu. Sêiz chor nênhs đros zuk uô hâux lưv têx jax sâu, têx jax sâu zuk nhiêv mak zuk ho zuôr tror xar sâu xưz”./.

                                                                             An Kiên-Lik Thox cxêik nhênhv

Nhiv kruôr đhâu, sâuv thax tsav huyện Quỳnh Nhai, tỉnh Sơn La muôx ntux lok nas đros xoz tuô, uô iz lênhx txir nênhx, zus shông 1971, nhoz jok Khoang, xar Chiềng Khoang, huyện Quỳnh Nhai (Sơn La) trâus tuôs thâuv muk shuôk zuz liêx. Ciês đhâu muôx yưv txuz txiêz nanv no, Ban Sêiz car phax tar ntux têz ruôr hiêv thiêz zok nriêr chơưv paz huyện Quỳnh Nhai tưz muk sêiz nux, paz trâu chuôz zis muôx nênhs trâus tuôs. Têx hnuz no, ntâu thax tsav qơư hâur tỉnh Sơn la tsik so muôx ntux lok nas lox. Nganhx muôx vax huôv hêik pêx xênhv tsuv sêiz shuôk jông, zos muôx ntux nas lox, xoz tuô mak tsik muk uô liêx têz, tsik nhoz gâuv hâur têx hâur pâuk ntông lox viv têx qơư no zôngx ziv trâus xoz tuô. Nênhs nhoz hâur tsêr, thâuv muôx ntux nas, xoz tuô lox tsuv muôz têx tênhv thiêz têx chuôz zênhx tênhv li ti vi, mêir tính thiêz têx zav txơưr tuô tsik kriz, tsik sir zôngv điện thoại… chiê txo grêk tsơưs têx trâus hiêv./.

                                                                            Thu Thùy-Lik Thox cxêik nhênhv

Nhiv kruôr jê ntơưv no, Công an TP Lai Châu, tỉnh Lai Châu tưz tsưr tsix choz tsêr nhoz trâu chuôz zis zơưv Suôr Xênhv Zax thiêz pox niêv zos pos Tùng Xênhv Má (nhoz jos Cư Nhà La, xã Sùng Phà, TP Lai Châu). Thượng tá Hà Thái Hoàn, Tsar công an TP Lai Châu puz pâuz, hnuz 29/5, Công an TP jênhv tâu Ub xã Sùng Phài li ntâuz ntơưr lok hâux lưv thix ziv paz nhiêx txiêx uô tsêr nhoz trâu chuôz zis zơưv Suôr Xênhv Zax. Zơưv chuôz zis zos chuôz zis pluôs hâur xã, tiv tsi muôx ar nhoz, zơưv 2 niêv txir lav uô iz luz tsêr nhoz ntơưv tsêr vênhx huôv jos Cư Nhà La li ar têz chiê nhoz. Thâuv sik seiz lax tas, Công an TP hu grus iz cán bộ, chiến sĩ CÔng an TP gôngr côngv iz hnuz nhiêx shar thiêz huiz tôngv 15 lênhx cán bộ, chiến sĩ cxiv uô tsêr nhoz đar 55 yiv ndis, tsiv grê 66 tsov đeiv trâu zơưv Suôr 2 niêv txir. Hâur 7 hnuz, luz tsêr tâu uô tiêr, Chủ tịch UB xã Sùng Phài Dẻ Xênhv Shôngx puz pâuz, zơưv Suôr 2 niêv txir zos nênhs Hmôngz muôx luz nênhx txov nhêv tiv zix nhoz hâur xã. Zơưv nhiv no tưz muôx 102 shông hnuz nhôngs, pos muôx 101 shông hnuz nhôngs thiêz tsi muôx tuz nhuôk tsoz phưz./.

                                                                                  KT-Txâur Vax cxeik nhênhv

Nhiv kruôr jê ntơưv no, ntơưv jos Đại Duy, xã Đoàn Đào, huyện Phù Cừ, tỉnh Hưng Yên, Công an TP Sơn La, tỉnh Sơn La lov lik sik côngv đros Công an xã Đoàn Đào, huyện Phù Cừ, tỉnh Hưng Yên pov thiêz ntês yênhx côngz Đoàn Ngọc Huy xênhz shông 2004, nhoz tuêv 13, phường Quyết Thắng, TP Sơn La. Huy zos lênhx nênhs muôx lênhv nriêr zok viv huôz chuôz zênhx chuôz tak lơưr Cuiz tênhv số 06 hnuz 02/11/2022 Công an quận Hà Đông. TP Hà Nội. Ntơưv chiz coaz công an, Huy jênhv thâuv kaz shôngk shông 2022, Huy đros iz lênhx nênhs txơưr huôz chuôz zênhx chuôz tak ntơưv thax tsav quận Hà Đông, TP Hà Nội. Thâuv huôz tâu, Huy trâus công an Hà Đông nriêr zok; taz sik Huy tưz khiêr muk faz Nam, đhâu co khiêr muk ntus đriv tỉnh Long An buôk têz qơưk Campuchia. Txos hnuz 18/6/2023, txix têx côngz xưv nghiệp vụ, Tuêv cảnh sát qênhz yuôx nênhs phamv cxâuv lok kinh têr, zax zênhz Công an TP Sơn La tưz pov thiêz ntês tâu Đoàn Ngọc Huy thâuv Huy tsênhv tror lok Hưng Yên, tỉnh Hưng Yên. Nhiv no hâux lưv no tsênhv tâu yưr lir lơưr trơưk PL li cui tênhv./.

                                                                                   CTV-Txâur Vax cxeik nhênhv