Chor tuz sâu xor xưv nhoz luôs 2 chas tỉnh hâur thax tsav faz Bắc thâuv tưs tưz sir jos uô jông luôs hâux lưv sâu xor xưv, paz têx cơ quan ntơưr pov tsir T.Ư yax xa têx mông zov chênhr txos trâu tsôngv lax pêx xênhv sơưr đơưk. Chor sâu xor xưv co li têx cêr moz siêz lês uô hâux lưv, đros trâu xar njôngr zuôr uô li chas chiê paz thax tsav tox siêz txov nhêv huôv tsar, tưz muôx tâu têx jax sâu, xor xưv jông paz ntơưv qơư uô luôs hâux lưv yax kriê. Niêv lâul Thu Thùy, chor sâu xor xưv Đeix TNVN nhoz faz Bắc heik:“Hâur luz nênhx muôx lok six ntâu tsar zav nhiêk txơưr nhiêk tsí iz thôngx, chênhr viv li, cur xar, têx lênhx sâu xor xưv tsuv tiz jông tis seiz, mnôngs pêx xênhv heik, sâu, yax xa têx mông heik lol pêx xênhv luz nênhx xênhz huôx, nox nhoz niêx hnuz xưz. Iz chas ntơư, zos muôx têx xor xưv zov chênhr mak chor tuz sâu xor xưv cux tsuv sir tas tsưr ziv, txux chi sir jos yax xa cov tsênhz mênhx, cxix cxuô têx cuz nxor ntơư txos trâu sơưr đơưk pâuz, đros cxiv tsa, tsưx phưv têz qơưk truôx tuk”./.

                                                                            Lê Hạnh-Riê Lâux cxeik nhênhv

Ntơưv Yên Bái muôx huôx tôngv “Hnuz kaz ciêz đros pêx xênhv”. No zos hnuz chor canr bôv txix cấp tỉnh txos cấp xar lok đros pêx xênhv nhoz têx jêx jok uô lox tôngv thiêz mnôngs pêx xênhv siêz xar, ziv chênhv cov sưv jê đros pêx xênhv đuô. Đhâu 4 shông kriz uô, huôx tôngv no tưz paz uô hlôngr yiêz cấp ủy, chinhr quyền li jênhv pâuz lok phuôx huiz dân chủ, tsoz phưz pêx xênhv luz nênhx; cux xưk li paz muôx thôngx ziv hâur pêx xênhv, tiv zix zos thax tsav tsôngv box mênhx cxưx tsơưs nênhs. Chinhr viv li, hâux lưv tsưr tsix “Hnuz kaz ciêz đros pêx xênhv” hax zav muôx tsiv gri đuô. Zơưv Khang A Chua, Phưv Chủ tịch huyện Trạm Tấu, tỉnh Yên Bái puz pâuz:“Đhâu kriz uô hnuz kaz ciêz đros pêx xênhv mak pêz pov tâu tiêk muôx sưv jê đros pêx xênhv đuô, tâu mnôngs pêx xênhv li siêz xar, ziv chênhv. Đhâu co pêz cux xưv lik tâu sêi têx vênhv thix muôx yưv hâur pêx xênhv. Chênhr viv li mak têx ntâuz ntơưr pênhr hla đhâu thênhv cux xưk li têx kror uô tsik ngaz tuk sâuv thax tsav tsik pov muôx hlo”./.

Thừa Xuân-Lik Thox cxêik nhênhv

Ntơưv jok Seo Hai, xã Can Hồ, huyện Mường Tè, tỉnh Lai Châu, pos Hù Cố Xuân, heir nênhs Si La zos lênhx tuôr tâu jông tsês zuk heir nênhs ntâu txux chi vênhx huôv, suôz sênhr heik cưr cxiêx thâuv ntêx. Pos Xuân tưz hu zâuv sơưr đơưk, sik đros shâuv sênhr chêr, sênhr suôz heik têx cưr cxiêx cxôngx nzor. Tsi tiêk sênhr chêr, sênhr suôz heik têx cưr cxiêx uô si li heik sâuv, pos Xuân tsênhv đros chor lâul hâur jok xar tsưr ziv uô hlôngr yiêz zuk heir nênhs têx txux chi, suôz sênhr cưr cxiêx thiêz. Txix ntơư, ntâu jax cưr cxiêx, txux chi đhiê uô si lov jêv yiêz tâu nthuôr uô huv đros trâu ntu nhiv no li: Đhiê uô si lov jêv hơưv uô tâu kôngz lôngk jông, đhiê uô si lov jêv hâur jêx jok…..Têx jax cưr cxiêx xar tơưv, sâu tâu jông li heik sâuv tâu tsôngv box sơưr đơưk jông siêz, shir phaz lus txeik tok, đros nthuôr uô lov jêv, đros tuôr tsês, por hưv tsi chiê pôngz plox./.

                                                                        Báo Dân tộc-Riê Lâux cxeik, nhênhv

Hâur côngv thôngx cxuô mênhx cxưx tsơưs nênhs nhoz tox siêz Lai Châu, Nghệ nhân ưu tú Lò Văn Sơi zos lênhx nênhs muôx ntâu gôngr côngv hâur hâux lưv tuôr tsês chiê, kriê têx tsiv gri vênhx huôv mênhx cxưx Thái. Zơưv tưz sir jos tuôr tsês hu gâux Then-trax Tính, sơưr yênhx lix câu lạc bộ hu gâux Then-trax Tính muôx 10 ntâu shông lok no. Câu lạc bộ muôx 20 ntâu lênhx nênhs cxaz chuôz xênhz huôx tsik so. Tưz tsik zos kriê hu gâux Then-trax Tính xưz, nghệ nhân Lò Văn Sơi tsênhv muôx gôngr côngv lox hâur tuôr tsês zuk mênhx cxưx li chor suôz gâux Then lâul. Zơưv tsês ntâu six hơưv nhênhz chơưv, sâu tsês hâur ntơưr lok vênhx huôv Thái thiêz uô trax Tính. Zơưv ntâu fâu ntơưr tưz tâu tso tơưv, tâu xav xưk li zos ntâuz ntơưr paz nriêr pâuz lok vênhx huôv Thái li têx ntơưr: Then Thái Lai Châu; Phongx cxưx cxiv tsa jêx jok….”./.

                                                                          Baodantoc-Lik Thox cxêik nhênhv