Ntơưv tỉnh Sơn La jiês njiz njêx muôs pov chir Trung ương thiêz ntơưv thax tsav qơư nhoz sâuv thax tsav ndax chiv nhênhv 98 shông Hnuz pov chir cách mạng Việt Nam 21/6, zơưv Lê Minh Hùng. Phưv Bí thư thường trực Tỉnh ủy Sơn La tưz phôngv jông chor cơ quan pov chir tỉnh thiêz Trung ương nhoz sâuv thax tsav. Tiv zix, chôngz nênhs sâu pov chir tưz sir jos cxaz chuôz thiêz tax tâu giải siêz hâur chor giải pov chir nhoz Trung ương thiêz sâuv thax tsav. Đaix nta suôz Việt Nam nhoz thax tsav faz Bắc tâu 4 giải, hâur co muôx 1 giải A, iz giải B, iz giải C thiêz iz giải khuyến khích. Sâu jênhv Đaix nta suôz Việt Nam thax tsav Tây Bắc li têx gôngr côngv hâur kriz uô jênhv vưv yax kriê, paz thơưz huôv tsar kinh têr-xar hôiv trâu nganhx, thax tsav qơư, ntâu cơ quan, taz viv, thax tsav qơư nhoz tỉnh Sơn La tưz tuôx phôngv jông chor nênhs uô pov chir ndaz ndơưv chiv nhênhv Hnuz Pov chir Cách mạng Việt Nam 21/6./.

                                                                              Lê Hạnh-Lik Thox cxêik nhênhv

Kok ntông zos tsoz chos gra lok phênhv sâu tâu sei, paz ntâu chuôz zis pêx xênhv taz por truôx tuk luz nênhx. Taz sik, trơưk li huyện Văn Yên, tỉnh Yên bái thôngz sâu, têx liêx têz kok ntông ntơưv 8 xã chos ntâu kok ntông puôr lênhx txo grêk tsơưs đuô pir li hâur ntu đhâu. Nhiv no, xav hur si chor kok ntông hâur huyện tsuôk muôx nhos 4 cxênhz ha, txo grêk iz đraz pir li thâuv ntêx thiêz njuôk xav muôx têx tsênhv zuôr tror txo grêk tsơưs. Qir tiv zos viv têx liêx têz chos kok ntông nxaz, khênhr trâul đêx nas cuôr yôngz, uô ar tsuôs, chos kok ntông tsi jông, hloz tsi tâuk, khơưz sâu tsi tâu nju.

Chiê taz por truôx tuk xã hội, huyện Văn Yên tsênhv muôz iz cxiê zav nôngz kok tir tâuk kruôr gis, khơưz sâu tâu nju lok uô siv thiêz cxiz pêx xênhv chos iz kro mê njik siv uô ntêx./.

                                                                     Báo Yên Bái-Riê Lâux cxeik nhênhv

Xor mông txix Tsênhv qơư y têr thành phố Lai Châu puz pâuz, tar su hnuz 20/6 ntơưv zơưv Por Xênhv Hav, zus shông 1974, nhoz jok Cư Nhà La, xar Sùng Phài, thành phố Lai Châu luz tsêr têz tsưr tsix uô jâuz mor nox trâu chor nênhs paz chos blêx liêx. Muôx 21 lênhx nênhs nhoz 2 jok Cư Nhà La thiêz Lùng Thàng nox mor. Lơưr zơưv Por Xênhv Hav piêr: pluôs mor muôx 7 zav nox, hâur co muôx chor ndêz kuk tâu đê hâur chuôz zis luz vax lok uô nox. Tiv njiêz chor ndêz no pâuz tsik tsênhz viv li muôx 6 lênhx nênhs tsik nox, viv li tsik pov trâus tưx. Txos 2 six zar hnuz kêix đros hnuz, tix lâus Minh Xênhv Hav zos nênhs trâus tưx xuz thơưx ciês. Txos 10 six iz tas hmo mak muôx nziê 13 lênhx nênhs txơưr cux pov trâus tưx thiêz tâu chox tuôx chơưv paz ntơưv Trạm Y têr xar Sùng Phài thiêz Tsêr kho moz Đa khoa tỉnh Lai Châu. Nhiv no cơ quan muôx vax huôv ntơưv qơư tsênhv njuôk shuôk têx zav nox hâur pluôs nox no chiê xav jênhv qir tiv trâus tưx./.

Khắc Kiên-Lik Thox cxêik nhênhv

Nhiv kruôr đhâu, ntơưv thax tsav jok Co Lóng, xã Lóng Luông, huyện Vân Hồ, tỉnh Sơn La, Công an huyện Vân Hồ tưz qênhz pov thiêz ntêk tâu Phạm Tuấn Linh, xênhz shông 1987 thiêz Đinh Thị Bích Ngọc, xênhz shông 1992, nhoz uô cê ntơưv jok 5, phường Đồng Tiến, TP Hòa Bình, tỉnh Hòa Bình zuôr muôs, uô luôv zax zênhz tsi trơưk chei. Têx chuôz zênhx sâu tâu muôx 963 njiêr yuôx shơư zênhz, mê njik zênhz đơưz, iz luz yêz lox, 3 luz xor tông gra ntơưv têk, iz tsov đeiv nhiêx đros trâu iz cxiê zav chuôz zênhx txơưr đuô cik txos. Ntơưv Cơ quan Công an, Phạm Tuấn Linh thiêz Đinh Thị Bích Ngọc krêz lênhk tiêk, gơưk tuôx Sơn La zuôr chor zax zênhz heik sâuv gra lok Hòa Bình chiê muôs, txơưv trâul lưv lươngv muôx vax huôv qênhz pov thiêz ntêk tâu.

Nhiv no Công an huyện Vân Hồ tsênhv uô têx ntâuz ntơưr cov tiêr chiê muôz tik cêr cxâuv trơưk li chei têz qơưk cui tinhv./.

                                                               CTVVOVTB-Riê Lâux cxeik nhênhv