Chiv ntux yiêz shông no, huyện Văn Chấn, tỉnh Yên Bái muôx tsưr ziv tsêz chos 2.700 ntâu héc ta, đros 75% zos chor nôngz blêx jông thiêz chor nôngz blêx tsơưr lươngv siêz. Lơưr six hơưv, huyện Văn  chấn piz tsêz chos txix hli 1 txó shâur hlik hli3. Khov sir jos yax kriê lok chêix chiv chos, viv li txos nhiv no, huyện Văn Chấn tưz tsêz chos tâu muôx 1.500 héc ta blêx yiêz nzor thiêz uô tiêr ar chiê chos muôx 2.500 héc ta trâu thâuv hâur hlik hli 3 chiê chos cov tiêr tâu 2.700 héc ta. Lơưr njuôk xav, chiv ntux yiêz shông no qiv hơưv muôx txơưr txar ntâu zuôr uô phiv liv txos trâu kôngz nuv hêik cxuô. Viv li, sơưr đơưk tsuv sêiz shuôk jông têx liêx, pov thiêz phax tar cov ndar six hơưv têx caz hmoz uô hiêv txos blêx./.

                                                               Bái Yên Bái-Lik Thox cxêik nhênhv

Ciêz krêz thâuv hmo ntux huyện Bắc Hà, tỉnh Lào Cai tâu tsưr tsix hâur yênhx ciêz lok hnuz thứ 7 chiê phưx vưv tsôngv box thiêz kruô ndis shuôk uô si. Ntơưv ciêz krêz thâuv hmo ntux Bằc Hà, tsôngv kruô zuôr zôngx ziv tâu pov têx qơư muôs luôv zos tiv phaz li vênhx huôv zav nox. Tsôngv kruô cux tâu muk ndis shuôk têx qơư uô zav nox chax chês, têx qơư muôs tsôngv box tiv phaz li têx xiv huv chax chês li pax ntâuz, tsôngs yo....Huôx tôngv krêz ciêz hmo ntux chiê paz tuôr tsês têx mênhx cxưx sâuv thax tsav li vênhx huôv jông, gôngr phênhv cxơưz tiês huôv tsar ju lix tiv phaz./.

                                                                 VOV4-Txâur Vax cxeik nhênhv

Xor mông txix Sở Vênhx huôv, Thể thao thiêz Du lịch tỉnh Lai Châu puz pâuz, Cổng đăngk cir giải sik tưr Têz qơưk Marathon thiêz đhiê trơưk cêr ntêr pov chir Tiền Phong jiês tiv 64 shông 2023 tưz suôv câuv trâu hnuz 21/2. Txos nhiv no, tưz muôx 4.000 ntâu lênhx vận động viên đăngk cir cxaz chuôz giải, hâur co muôx 220 ntâu lênhx zos chor vận động viên chuyên ngiệp; tsênhv yuôr zos vận động viên phongz yaox. Giải shông no zuôr tâu tsưr tsix ntơưv thành phố Lai Châu, tỉnh Lai Châu hâur 3 hnuz, txix 24-26/3 nhoz 4 ntu cêr sik tưr zos 5 cêik cêr, 10 cêik cêr, 21 cêik cêr thiêz 42 cêik cêr. Hâur co, 5 cêik cêr zos kror yiez hâur giải sik tưr jiês no, tâu tsưr tsix lơưr pêx xênhv Lai Châu li siêz xar. Lơưr tsưr ziv, chor vận động viên zuôr sik tưr ntơưv iz ntucêr, đros muôx têx giải khơưk kruôk sik txơưr./.

                                                              Khắc Kiên-Lik Thox cxêik nhênhv

Đros têx tox trôngz chiv xênhz đrox tsuôk jông jav thiêz têx qơư muôx vênhx huôv jông....niêv pas đêx Quỳnh Nhai tsi taz zos qơư chiê huôv tsar ju lix nhoz tỉnh Sơn La, mak tsênhv yênhx iz qơư ju lix reik đros bê “Niêv đêx hiêr njuôz nhoz tox siêz” lơưr tỉnh Sơn La li tsưr ziv njuôs xav txos shông 2030. Quỳnh Nhai nhiv no tsênhv chêx chôngk car chêx pênhr jos, cơ sở cxuô zav phưx vưv ju lix, cux xưk li cxix luôk zaoz thôngz chiê taz por muk lok têx qơư ndis shuôk uô si li Mộc Châu, Điện Biên, Sa Pa, Mà Cang Chải...Zơưv Lò Thanh Thủy, Phưv Chủ tịch UB huyện Quỳnh Nhai, Sơn La puz pâuz:“Pêz xav tênhv reik huôx tôngv tuôr tsês têx tsiv grê vênhx huôv đros têx huôx tôngv ju lix, xưk li ju lix ndis shuôk sâuv niêv pas đêx...zos kror tsênhv chiê huôv tsar ju lix. No zos iz hâur têx jênhv vưv coaz tsôngv, tâu Đảng bộ huyện xav tênhv zos iz hâur 3 hâux lưv zov chênhr hâur Nghị quyết Đại hội Đảng bộ khóa 21”./.

                                                                Lê Hạnh-Txâur Vax cxêik nhênhv