Jiês thik cơưv tiêr ntơưr cxênhx pêz shông no, tỉnh Sơn La muôx 11.800 ntâu lênhx shux xênhz dưv thik ntơưv 34 kror qơư thik. Pir li shông uô ntêx, chor shux xênhz, qơư thik thiêz qar thik puôr lênhx chuôz ndê. Thax tsav qơư tưz tso muôx 2.500 ntâu canr bôv, cưk kriê ntơưr, nhân viên thiêz chor lưx lươngv muôx vax huôv cxaz chuôz tas nro cxuô kror hâur jiês thik. Chiê jiês thik tâu tsưr tsix ngaz tuk, truôx jông, huv zos cêr chêi, Sở Zoz zux tưz sik côngv đros Công an tỉnh kriê trâu chor canr bôv sêiz car thik nzor pov tâu chor shux xênhz sir zôngv têx chuôz zênhx công nghệ siêz hâur thik tưr, cxiv uô chor tsưr ziv taz por nox, nhoz, muk lok trâu canr bôv sêiz thik thiêz shux xênhz dưv thik. Cưk kriê ntơưr Nguyễn Quang Hòa, Phưv Hiệu trưởng Tsêr cơưv cxênhx pêz Tông Lệnh, huyện Thuận Châu, tỉnh Sơn La puz pâuz:“Cơưv lớp 12 hâur tsêr cơưv muôx 48 lênhx shux xênhz muôx luz nênhx txov nhêv, pêz tưz hêik Hôiv chữ thập đỏ huyện Thuận Châu, Hôiv cxơưz cxiz cơưv ntơưr tỉnh Sơn La paz trâu chor shux xênhz. Tiv zix đros phongz yaox paz trâu jiês thik, pêz zuôr tsưr tsix paz trâu chor shux xênhz muôx luz nênhx txov nhêv lok pluôs nox thâuv sơưr nzor, tar su thiêz tsâuk ntux; paz jông tiv zix trâu chor shux xênhz nhoz ntơưv tsêr cơưv”./.

Lê Hạnh-Lik Thox cxêik nhênhv

Viv muôx têx jiês lok nas nhoz thax tsav Yên Bái thiêz pêv hâur đêx tul đêx Chảy, viv li đêx sâuv niêv pas đêx Thác Bà pur ntâu tuôx, têx tuêv meir đêx tênhv Thác Bà tror huôx tôngv fênhx yax. Uô ntêx co, tiv trâus zênhr shar viv yar ntux cuz sor ntêr hâur hli 5 thiêz hâur hlik hli 6 tưz uô đêx sâuv pas đêx Thác Bà kruôr ntâu, uô 2 hâur 3 tuêv meir tso tsês tsi huôx tôngv. UN tỉnh Yên Bái tưz tso tơưv ntâuz ntơưr số 1500 heik UB têx huyện, thị xã, TP, têx sở, ban, nganhx, taz viv muôx lênhx coaz chuôz tsar uô têx tsưr ziv phax tar ntux kruôr gis, muôx tsi txâuk đêx phưx vưv tsêz chos thiêz tsôngv box li xênhz huôx. Thôngx cxix, chuôz tsar thôngz xor mông, yax mông lok qênhx shênhx ntux kruôr gis chiê tsôngv box muôz siêz tsưr ziv sir zôngv tênhv tênhz, đêx cxênhx txuôk, muôx chêx cuk./.

Thừa Xuân-Txâur Vax cxeik nhênhv

Hnuz 22/6, 1.700 lênhx nênhs tuôx txix chor tsưr tsix thiêz hâur côngv thôngx tỉnh Lào Cai tưz muôx njêx muôs ntơưv hnuz hôiv chiê tso nyar jông siêz. No zos jiês tiv 5 Hnuz hôiv tâu tsưr tsix ntơưv Lào Cai  thiêz tror jênhv tâu sơưr đơưk tuôx tso nyar đros sâu tâu muôx 35.000 taz viv nyar. Têx shông jê lok no, chor nênhs tuôx tso nyar siêz jông ntơưv Lào Cai ziv hnuz ziv chôngz. Nhiv no, 100% câu lạc bộ/đôiv tso nyar dự bị ntơưv cấp xar, phường, thị trấn, cơ quan, taz viv puôr lênhx tâu uô jông, đros muôx 3.500 ntâu lênhx nênhs. Tix lâus Lại Thái Kiên, nhoz thành phố Lào Cai phêiz kênh:“Iz jiês cxaz chuôz thiêz tâu tso nyar, pov chor nênhs moz tâu cxaz nyar thiêz chơưv paz tâu mak zos iz jiês shir phaz, cur pov zuk luz nênhx muôx tsiv gri đuô. Cur jiês no tâu tỉnh côngz jênhv jiês 2, cur pov no zos kror shir phaz thiêz tso siêz lox…”./.

An Kiên-Lik Thox cxêik nhênhv

Tar su hnuz 22/6 tsôngv box jos Chiềng Hin (xã Xuân Nha, huyện Vân Hồ, tỉnh Sơn La) thâuv muk uô liêx têz tưz pov iz tul mê nhuôk trấu tuôs thiêz tsênhv lưx tov tul đêx, đhâu co tưz ciêr chênhr thôngz pov txos chiz coaz muôx txơưx jênhv. Ciês thâuv jênhv tâu xor mông, têx lưx lươngv muôx txơưx jênhv tưz tuôx ntơưv qơư, xav tênhv lênhx mê nhuôk co thiêz qênhz yuôx qir tiv hâux lưv no. Thâuv qênhz yuôx, xav tênhv co zos tul mê nhuôk xênhz shông 2018, nhoz jos Sa Lai, xã Chiềng Xuân, huyện Vân Hồ (SƠn La). Uô ntêx co hnuz 18/6, chuôz zis tưz thôngz pov mê nhuôk trâus plox mông đhâu jiês ntux lok nas lox. Têx lưx lươngv muôx txơưx jênhv tưz sik côngv đros chuôz zis, tsôngv box tiv phaz muk nriêr, taz sik nriêr tsi tâu. Nhiv no tul mê nhuôk no tưz tâu choz trâu chuôz zis chiê uô đaz kruô lơưr phongz cxưx tiv phaz./.

Trấn Long-Txâur Vax cxeik nhênhv