Zar hnuz kêix 23/2, ntơưv Bôv Chỉ huy Bôv đôiv Pênhz phax tỉnh Lai Châu, Đại tướng Phan Văn Giang, Ủy viên Bôv Chinhr triv, Phưv Bí thư Quân ủy Trung ương, Bôv trưởng Bôv Côx phax tưz muôx jiês uô hâux lưv đros Bôv Chỉ huy Bôv đôiv Pênhz phax thiêzBôv Chỉ huy Quân sự tỉnh Lai Châu. Nhiv no, lưx lươngv Pênhz phax Lai Châu tsênhv seiez car muôx 365 cêik cêr ntâu ntus đriv, đros muôx 101 tuk ndêx chiv ntus đriv, ntơưv 22 xar ntus đriv, nhoz 4 huyện: Sìn Hồ, Mường Tè, Nậm Nhùn thiêz Phong Thổ. Hâur shông 2022, lưx lươngv tưz tsưr tsix zuôr xar 700 jiês qênhz yuôx thax tsav ntus đriv, đros muôx 4.000 lênhx canr bôv, chiến sĩ thiêz zuôr xar 1.400 lênhx pêx xênhv cxaz chuôz. Đại tướng Phan Văn Giang hêik mênhx: Shông 2023 zos shông piz kriz uô cov tâu yênhx côngz Nghị quyết hâur tas nro six cxiv, viv li, chor lưx lươngv quân sự ntơưv thax tsav qơư tsuv uô jông côngz xưv nriêr pâuz qênhx shênhx, chiê uô tiêr tâu jông cxuô kror hâux lưv thâuv muôx yưv têx phiv liv, tsik jông…/.

                                                             Khắc Kiên-Lik Thox cxêik nhênhv

Txix thâuv Trung Quốc tror krêz trôngx đriv đhâu jiês moz Covid-19 huôv xênhz, têx chính sách seiz car moz jux jus tâu txu grês chiê cxơưz tiês huôx tôngv muôv muôs đhâu tỉnh ntus đriv Lào Cai. Txos nhiv no, nênhs tsar yêz thâux hax huv muôv muôs đhâu trôngx đriv 2 saz VN thiêz Trung Quốc tưz tâu tsar muk lok ciês têx qơư tso hax huv. Hâux lưv no paz chuôz ndê lok six ntâu trâu hâux lưv muk lok đhâu trôngx đriv Kim Thành (Lào Cai). Nhiv no, fênhx pheiz iz hnuz muôx 200 yêz thâux hax huv muôv muôs đhâu Lào Cai. Txơưv tsi tâu ntâu li ntu uô ntêx thâuv moz Covid-19 huôv xênhz, taz sik no zos iz hâux lưv jông pir đros ntu cơư trôngx tsi puz muk lok đhâu trôngx đriv. Txix hâur shôngk shông txos nhiv no, tưz muôx 50 cxênhz tênhr xiv huv kôngz nuv tâu muôs trâu Trung Quốc, njuôs xav tsiv grê zuôr xar 20 tsov USD. Hâur co 60% zos txir thanh long thiêz điz cuô./.

                                                            An Kiên-Txâur Vax cxeik nhênhv

 Chiê tax tâu ciêz đrôngs li zz qơưx lok hax huv hur, ntâu doanh nghiệp, HTX thiêz chuôz zis sâuv thax tsav tỉnh Yên Bái tưz thiêz tsênhv kriz uô cxiv tsa, huôv tsar chor tsưr ziv uô nox hur jông. Tsưr ziv uô no tưz tsik zos paz phax tar tâu tsik ngaz tuk vêv xênhz zav nox, tsik hur tênhv qơư, mak tsênhv paz muôx tâu kinh têr siêz. Niêv tix Trần Thị Thu nhoz jok Quyết Tiến, xar Y Can, huyện Trấn Yên tu zus kêiz muôx 6 shông lok no. xuz thơưx, iz jas tsuôk muôx oz pêz puô tuk, txos nhiv no, niêv tix chuôz zis chor kêiz tưz muôx 3.000 ntâu tuk. Uô tâu li nhiv no zos niêv tix chuôz zis tưz cxaz chuôz trâu HTX Kôngz nuv Quyết Tiến; tâu cơưv shâuv thiêz uô truôx jông lơưr tsưr ziv ploz tsênhr VietGAP. Tsêr guôx tâu cxiv uô jông, tênhv qơư tu zus tsik so tâu tsuôs yuôx tuô lov caz moz; đêx hâuk taz taz por… Niêv tix Thu puz pâuz:

“Xuz thơưx mak uô jông sir zôngv yuôx phax tar caz moz trâu chor kêiz. Muôz trâu kêiz nox têx zav krâur taz por tsơưr lươngv, muôx suôz bê, taz por cov txâuk trâu chor kêiz hloz lox, huôv tsar”./.

                                                                         TTTB-Lik Thox cxêik nhênhv

Iz lênhx mê nhuôk nhiv kruôr xênhz zus tâu 7 hnuz xênhz txơưv tsi muôx kror kuôr tưz tâu Tsêr kho moz đa khoa tỉnh Điện Biên fuô moz chơưv kho yênhx côngz. Bác sĩ Mai Thị Tâm, Tsar kho mê nhuôk zâu, Tsêr kho moz đa khoa tỉnh Điện Biên puz pâuz: Thâuv seiz njuôs, têx bác sĩ xav tênhv lênhx mê nhuôk no xênhz txơưv tsi muôx kror kuôr thiêz trâus o vôngs, tso tsi tâu kuôr. Đhâu 2 six hơưv fuô chơưv kho, tưz fuô tâu yênhx côngz. Đhâu 6 hnuz fuô chơưv kho, lênhx mê nhuôk no tưz nox tâu mis, tsi cuz iz chêr thiêz nhiv no tsênhv tâu tsoz phưz ntơưv khoa mê nhuôk zâu tsêr kho moz. Têx bác sĩ tsêr kho moz đa khoa tỉnh Điện Biên heik têx lênhx uô niêv uô txir thâuv pov mê nhuôk trâus muôx yưv têx tsi fênhx yax đhâu 24 six hơưv xênhz zus lok chiê pov nzor têx tsi jông thiêz muôx tsưr ziv kho moz./.

                                                                  Vũ Lợi-Txâur Vax cxêik nhênhv