Jiês thik cơưv tiêr cxênhx 3 shông no, tỉnh ntus đriv Lai Châu muôx 3 cxênhz 800 lênhx shux xênhz đăng cir thik; hâur co muôx zuôr xar 1 cxênhz 100 lênhx thik chiê xeir zuôr cơưv tiêr cxênhx 3, chor tsênhv yuôr zos thik chiê xeir zuôr cơưv cao đẳng thiêz đại học. Txos nhiv no, Hội đồng thik tưz bax 21 qơư thik đros muôx 212 qar thik, chuôz ndê 9 qar pir đros tsêz no. Đros côngz xưv bax têx phưx vưv trâu jiês thik, têx tiv phaz tưz thiêz tsênhv uô hâux lưv paz zuôr xar 1 cxênhz 200 lênhx shux xênhz muôx luz nênhx txov nhêv muôx qơư nox so hâur ntu cxaz chuôz thik. Zơưv Kiều Hải Nam, Phưv chủ tịch UB huyện Mường Tè, Chủ tịch Hội đồng thik cơưv tiêr cxênhx 3 huyện puz pâuz:“Jiês thik tsưr tsix hâur ntu ntux lok nas, zaoz thôngz huyện lax muk lok, khênhr muôx tox poz. Txix têx phêv liv co, Ban chox kriê jiês thik huyện tưz cxiv tsa têx tsưr ziv thiêz muôx tsưr ziv chiê taz por chox kriê cxuô txix Trung ương txos tỉnh, co zos tsi chiê shux xênhz tuôx thik tsi tâu tiv ntux nas thiêz têx luôk hâux lưv txơưr”./.

T.Long-Txâur Vax cxeik nhênhv

Trơưk li Tsênhv qơư njuôk ntux yar ntux nas têz qơưk, hnuz 25/6, faz Tây Bắc tror lok nas, muôx kênh qơư lok nas lox, phênhv ntâu nhoz chor tỉnh Yên Bái, Sơn La, Hòa Bình. Hâur ntux đuz nxông muôx têx muôx khâuz jênhs chuô, xoz, lok lơưs thiêz chuô lox, zôngx ziv muôx tox xưz poz, đêx nas cuôr yôngz nhoz thax tsav tox siêz. Chiê bax phax tir thêir têx tsi jông li heik sâuv, Ban seiz car phax tar ntux uô ruôr hiêv thiêz zok nriêr chơưv paz lênhx nênhs tỉnh Yên Bái tưz chox kriê chor nênhs lês uô luôs hâux lưv phax tar ntux uô ruôr hiêv-zok nriêr chơưv paz lênhx nênhs thiêz Ủy ban cxuô huyện, thị xã, TP sox seiz njôngr ntux têx txơưr txar, zênhx max heik trâu cxuô cấp hâu nov thiêz tsôngv pêx xênhv pâuz chiê bax phax txar jav, txo grêk tsơưs têx tsi jông. Pos Nông Thu Hà, Phưv Chủ tịch Ủy ban huyện Lục Yên, tỉnh Yên Bái heik pâuz:“Ban seiz car phax tar ntux uô ruôr hiêv-zok nriêr chơưv paz lênhx nênhs txix cấp huyện txos xã nhoz trơưr ntơưv qơư hâur niêx hnuz hmo. Huyện cux chox kriê cxuô cơ quan lês car uô đreiv têx hâux lưv li heik sâuv sox seiz njôngr ntux têx txơưr txar, bax lênhx nênhs, chuôz zênhx uz no… chiê chơưv paz lênhx nênhs, khưx phưx têx tsi jông đhâu ntux uô hiêv, taz por yêz muk lol thôngz…./.

                                                                           Thừa Xuân-Riê Lâux cxeik nhênhv

Yuôr ntơưv tỉnh Điện Biên, Lơưr đeiv njuôs pov qiv hơưv tỉnh, nas lok lox nhoz ntâu tiv phaz hâur tỉnh hâur ntâu six hơưv. Xav tênhv ntux lok nas đros chuô lox, xoz, zuôr uô zênhr shar txos hâux lưv tsiv uô kôngz nuv, uô ntông lor, puôk tsuôx tsêr nhoz, têx côngz tsinhx zaoz thôngz cxuô zav....viv li Ban chỉ huiz phax tar ntux nas thiêz nriêr chơưv nanv tỉnh Điện Biên tưz heik têx tiv phaz chuôz tsar yax mông chiê tsôngv box muôz siêz jênhv pâuz phax tar, txu grês têx trâus ruôr hiêv tiv ntux nas./.

Vũ Lợi-Txâur Vax cxeik nhênhv

Nhiv kruôr đhâu, Cơ quan Cảnh sát qênhz yuôx Công an huyện Mai Sơn (Sơn La) tưz tso chei ntêk Lò Văn Tiết, xênhz shông 1978, nhoz jok Nà Cà, xã Mường Chanh, huyện Mai Sơn (Sơn La) lok sâuv ntor luôx uô ruôr hiêv jôngr ntông. Uô ntêx ntơư, hâur hli 8 thiêz hli 9/2022, Lò Văn Tiết đros thiêz pưs txux zos Bí thư chi bộ, tsar jok Pom Sản (nhiv no zos jok Nà Ca), xã Mường Chanh, huyện Mai Sơn tưz cơưv Ban seiz car jok thiêz 59 hâur 60 chuôz zis hâur jok; đhâu ntơư thôngx ziv pheiz têx jôngr phax phưv ntơưv thax tsav Huổi Phày (zos côngv thôngx jok Pom Sản car seiz) trâu pêx xênhv luôx uô liêx têz, chos kôngz lôngk. Đhâu thâuv qênhz pov sơưr đơưk ntor luôx, uô ruôr hiêv jôngr ntông, Cơ quan cảnh sát qênhz yuôx Công an huyện Mai Sơn tưz đros chor lưv lươngv muôx vax huôv qênhz yuôx, uô tsênhz mênhx. Đhâu qênhz yuôx xav tinhv, chor jôngr ntông trâul ntor luôx uô ruôr hiêv xav hur si tas muôx 36 cxênhz ntâu xưv phaz, têx shôngz ntông trâul ruôr hiêv xav lok sâuv nhiêx txiêx tas muôx 160 tsov đeiv ntâu./.

                                                                  CTVVOVTB-Riê Lâux cxeik nhênhv