Cục nhiêx sê tỉnh Điện Biên nhiv kruôr tsưr tsix jiês cơưv chiê hêik pâuz lok tsênhv chêi nhiêx sê trâu huôx tôngv kinh doanh vận tải thâux xa kruô cêr ar đhâu xor xưv yênhx châuv tsêr yêz nhoz ntâu doanh nghiệp vận tải lox sâuv thax tsav thành phố Điện Biên Phủ tso tsês tsik muk lok. Phênhv ntâu hlôngr njêxmuôs chor doanh nghiệp vận tải thâux xa kruô sâuv thax tsav puôr lênhx hêik tiêk, Cục nhiêx sê tỉnh Điện Biên li Cuêz tênhv 738 nhiv kruôr tso tơưv thâuv hâur hlik hli 1 nhiv kruôr đhâu tsik huv đros. Zơưv Nguyễn Quang Việt, Cục tsar Cục nhiêx sê tỉnh Điện Biên puz pâuz: Taz viv tưz sâu jênhv chor tsưr yêz, doanh nghiệp li têx ziv chênhv. Thôngx cxix, zuôrchoz trâu Hiệp hôiv doanh nghiệp vận tải ô tô tỉnh hâur 2 hnuz zuôr txos (27-28/2) chiê cơưv thôngx ziv đroschor taz viv kinh doanh vận tải thâux xa kruô. Têx ziv chênhv mak kênhz tiv zix hnuz 1/3 tsuv xa trâu Cục nhiêx sê tỉnh Điện Biên. Khov lơưr têx ziv chênhv no zuôr muôxkho đuô cov huv đros./.

                                                                    Vũ Lợi-Lik Thox cxêik nhênhv

Nganhx zaoz thôngz vênhv teiv tỉnh Sơn La tsênhv cxơưz tiês uô ntâu tsưr ziv chiê txu grês têx ploz tsênhr lok chor txuz txiêz nanv zaoz thôngz, nênhs tuôs thiêz trâus saz tiv txiêz nanv zaoz thôngz. Lơưr zơuv Nguyễn Văn Chính, Phưv Giám đốc Sở zaoz thôngz vênhv teiv tỉnh Sơn La, txơưv tưz krêz uô ntâu tsưr ziv; cxix luôk zaoz thôngz cux tâu hlôngr yiêz ntâu pir đros thâuv ntêx, taz sik chor txuz txiêz nanv zaoz thôngz sâuv thax tsav tsênhv tsi pov txu grês. Shông 2022, tas nro tỉnh muôx 35 txuz txiêz nanv zaoz thôngz, uô 30 ntâu lênhx nênhs tuôs; 35 lênhx trâus saz. Tsênhz mênhx no tso pov têx cấp, nganhx, tiv phaz zuôr trâus krêz uô têx tsưr ziv txos qơư đuô, sir jos đuô. Li ntơưv thiêx li txu grês tâu 3 ploz tsenhr zos txu grês chor txuz txiêz nanv, nênhs tuôs thiêz nênhs trâus saz tiv txiêz nanv zaoz thôngz:“Nganhx zaoz thôngz chêx chôngk sik côngv đros têx nganhx muôx txơưx jênhv chuôz tsar qênhz yuôx, seiz car têx yêz cxaz chuôz zaoz thôngz taz por zoz qơưx kỹ thuật, khưx phưx qênhx shênhx yêz thâux hnhar tsi trơưk cui tênhv. Qênhz yuôx, thix ziv, yưr lir têx qơư khênhr muôx txiêz nanv zaoz thôngz chiê txi grês qênhx shênhx txiêz nanv zaoz thôngz sâuv têx cêr muk lok hâur ntu zuôr txos”./.

                                                                     Trấn Long-Txâur Vax cxeik nhênhv

Taz por pluôs nox hâur tsêr cơưv ntơưr thiêz taz por vêv xênhz ngaz tuk zav nox tsênhv zos iz hâur têx tsưr ziv zov chênhr chiê cưk kriê ntơưr thiêz chor shux xênhz tox siêz ntus đriv Lai Châu sir jos gra siêz tsơưr lươngv kriê thiêz cơưv ntơưr. Shông cơưv no, huyện tox siêz Sìn Hồ, tỉnh Lai Châu muôx 1.000 ntâu lớp cơưv, đros muôx 25.000 ntâu lênhx shux xênhz; hâur co, 2/3 zos shux xênhz niêv txir zus mor. Txơưv tsênhv yuôr ntâu txov nhêv, tiv zix zos muôx tsik txâuk vax tsêr cxuô zav, taz sik chor tsêr cơưv tưz khưx phưx jux juk, tsưr tsix uô jâuz mor nox trâu shux xênhz niêv txir zus mor cov huv đros trâu yênhx tsêr cơưv ntơưr, yênhx taz viv, thax tsav qơư. Pos Nguyễn Thị Giang, Phưv trưởng phongx Zoz zux huyện Sìn Hồ, tỉnh Lai Châu puz pâuz:“Têx taz viv tsêr cơưv ntơưr tsuv uô uô lơưr tsês chiê cux li uô têx zav nox huv zos lơưr tsưr ziv zos 3 thênhv. Thiêz chox kriê chor tsêr cơưv ntơưr chuôz cxaz uô têx tsưr tsix, cux xưk li shux xênhz niêv txir li côngz xưv sêiz kaz. Tsov cưv txos taz por vêv xênhz tiz nênhs cux xưk li hâur côngz xưv uô jâuz mor nox hâuk ntơưv tsêr cơưv ntơưr”./.

                                                           Khắc Kiên-Lik Thox cxêik nhênhv

Uỷ ban tỉnh Lào Cai nhiv kruôr thôngz đhâu tsưr ziv choz jôngr cấp huyện shông 2023 sâuv thax tsav têx huyện Bảo Yên, Văn Bàn thiêz thị xã Sa Pa. Lơưr co, tas nro mênhv chêx jôngr thix ziv tâu choz zos muôx nhos 2 cxênhz 393 hecta. Hâur co, thị xã Sa Pa njuôs xav choz 2 cxênhz 200 ntâu; huyện Văn Bàn njuôs xav choz 181,06; huyện Bảo Yên njuôs xav choz 12,6 hecta. Jôngr thix ziv tâu choz zos jôngr lâuk, jôngr phax phưv... Tsưr ziv choz jôngr shông 2023, đros tsưr ziv choz jôngr reik đros choz ar thiêz cungz ntơưr côngz jênhv qênhx sir zôngv ar trâu côngv thôngx tsôngv box chiê seiz car, por vêv, sir zôngv thiêz huôv tsar jôngr truôx vênhs; tsiv uô kôngz jôngr nuv lơưr cui tênhv nhiv no, phuôx huiz jôngr li têx muôx ntơưv qơư, por vêv thiêz huôv tsar tâu jôngr; cxơưz tiês huôv tsar KTXH, car chêx hâux lưv uô, chuôz ndê phênhv sâu, hlôngr yiêz tsôngv box luz nênhx./.

                                                                      Baolaocai-Txâur vax cxêik nhênhv