Kriz uô Tsaz yênhx siêz jông Chêix so sor shông 2023, nhiv kruôr đhâu, Đoanx hluôk nênhs Văn phòng Chinhr phuv sik côngv đros Đoanx hluôk nênhs Ủy ban Mênhx cxưx đros chor hluôk nênhs têx taz viv: Văn phòng Trung ương Đảng, Văn phòng Côx hôiv, Văn phòng Chủ tịch têz qơưk, Bôv Ngoại giao, Đaix nta đuôz Việt Nam tsưr tsix huôx tôngv siêz jông ntơưv tỉnh Lào Cai. Lơưr co, Đoanx côngz xưv tưz khơưk muôz 5 luz mêir tính thiêz khơưk muôz 20 suất học bổng, iz kror tsiv gri 1.000.000 đêiv trâu shux xênhz Tsêr cơưv Phôv thôngz mênhx cxưx Nội trú cxênhx oz thiêz cxênhx pêz thị xar Sa Pa, tỉnh Lào Cai. Đuô li, uô lơưr tsaz yênhx hnuz uô hâux lưv siêz jông zos Đoanx khối cơ quan Trung ương, Đoanx hluôk nênhs Ủy ban Mênhx cxưx tso tơưv, Đoanx Ủy ban mênhx cxưx thiêz Chi đoàn 1 tsưr tsix “Hnuz uô hâux lưv siêz jông” ntơưv Tsêr cơưv Phôv thôngz mênhx cxưx niêv txir zus mor cxênhx iz thiêz cxênhx oz xar Tả Van. Đoanx côngz xưv tưz khơưk muôz huv trâu Đoanx xar, khơưk muôz 10 kror hax huv trâu chor shux xênhz mênhx cxưx tsơưs nênhs ntơưv xar./.

Báo Dân trí-Lik Thox cxêik nhênhv

Ntux nas lox kror cxiê qơư hâur 2, 3 hnuz đhâu ntơưv tỉnh Lai Châu, tưz uô iz cxiê txox cêr muk lol hâur thax tsav trâul xưz poz. Tsênhv tsênhz, ntơưv ntu cêr 303+470, 309+180 txox cêr lox 4H, cêik cêr 56 txox cêr lox 12…tưz trâul xưz poz, uô ar, poz jêz lok cxuz cêr. Zơưv Hoàng Tiến Quý, Giám đốc Công ty cxiv kho cêr sôr I tỉnh Lai Châu heik pâuz:“2, 3 hnuz lok no sâuv têx cêr muk lol cux muôx tox xưz poz cxuz cêr, tiv ntux nas lox, pêz tso canr bôv muk qênhz shuôs nzor têx cêr chiê zênhx max khưx phưx, cxiv kho. Lar heik, hâur 2, 3 hnuz chor shux xênhz tưr thik cơưv tiêr ntơưr lớp 12 thôngz têz qơưk zuôr txos, pêz tưz bax cxix cxuô têx meir, yêz, chuôz zênhx uz no chiê nhoz trơưr ntơưv têx ntu cêr zôngx ziv trâul xưz poz, sir jos khưx phưx taz por yêz muk lol tâu sei zos thâuv tưs muôx têx tsi jông yưv siv”./.

Khắc Kiên-Riê Lâux cxeik nhênhv

Ntux lok nas lox sâuv thax tsav tỉnh Sơn La hâur oz pêz hnuz đhâu tưz uô iz lênhx nênhs tuôs thiêz ar poz, uô trâu txos cêr 279D txix TP Sơn La muk trâu huyện Mường La muk lok tsik tâu. Tsênhv tsênhz, nênhs trâus tuôs zos V Xênhv Vưx, zos shông 2005, nhoz xar Xá Nhá Ba, xar Co Mạ, huyện Thuận Châu (Sơn La). Thâuv ntux lok nas lox, V tưz nhoz gâuv nas hâur iz luz hâur pâuk ntông lox thiêz trâus xoz tuô thiêz trâus tuôs. Ntơưv huyện Mường La, hmo 25/6 ntux nas lox uô ar poz ntơưv cêik cêr 74+520 sâuv txox cêr 279D, uô trâu ntu cêr no muk lok tsik tâu. Ciês txêik tâu xor mông, Sở Zoz thôngz vận tải tỉnh Sơn La tưz hêik chor taz viv sêiz car sir jos thoz huk cêr. Zơưv Cao Viết Thịnh, phưv Giám đốc Sở kôngz nuv thiêz Huôv tsar jêx jok tox siêz tỉnh Sơn La puz pâuz:“Pêz tưz hêik têx huyện hêik pâuz sâuv tas nro zalo thiêz chor qơư nta suôz xar, jêx jok hêik kriê pêx xênhv zos muôx ntux lok nas mak tsuv lok tsêr, tsik nhoz ntơưv têx tsêr têz, tsik nhoz gâuv nas hâur têx hâur pâuk ntông, ndêx tênhv…. Taz sik, nhiv kruôr đhâu mak cux muôx iz lênhx nênhs trâus tuôs tiv trâus xoz tuô nhoz huyện Thuận Châu…”./.

Thu Thùy-Lik Thox cxêik nhênhv

Nhiv kruôr đhâu, tix lâus Trịnh Công Bình, xênhz shông 1972, nhoz jok Cầu Khai, xã Mậu Đông, huyện Văn Yên, tỉnh Yên Bái thâuv tsênhv paz iz chuôz zis hâur jok huk têx ar, poz jêz sâuv tsas ar siêz tsav cheix ntux nas xưz poz lok cxuz vax tsêr tưz qênhz pov iz luz bôngk. Đhâu hlo thâuv txeik tâu mông heik pâuz, hâu nov ntơưv qơư tưz zênhx max tuôx qênhz shuôs thiêz heik trâu cơ quan muôx vax huôv, iz chas ntơư kriê pêx xênhv ntơưv thax tsav qơư no tax yêik txar muk nhoz qơư truôx tuk. Ntơưv qơư, lưv lươngv muôx vax huôv xav tinhv, co zos luz bôngk thâuv ntu tir ntâuk trol châuz, hnhar muôx 340 cir, ntêr iz thiêr oz. Ban chỉ huy Quân sự huyện Văn Yên tưz uô têx ntâuz ntơưr choz trâu Ban chỉ huy quân sự xã Mậu Đông seiz jor, taz por truôx tuk, iz chas ntơư qir qênhz yuôx, ntâuk grê, thor chor hloz thênhv siêz tso chei yêv thiêz đơưk hlê luz bôngk co./.

VOVTB-Riê Lâux cxeik, nhênhv

Thâuv tsênhv tuôx muk tsêr cơưv chiê cxaz chuôz jiês cơưv, iz lênhx phưv Hiệu trưởng Tsêr cơưv nhuôs zâu xar Chà Tở, huyện Nậm Pồ (tỉnh Điện Biên) zos cưk kriê ntơưr Nguyễn Thị Hải (zus shông 1985) njiz trâus txiêz nanv zoz thôngz thiêz trâus tuôs. Lơưr xor mông xuz thơưx, thâuv muôx yưv txiêz nanv cưk kriê Hải chêix yêz mêir thâux tuk mê nhuôv muôx 9 shông txix thành phố Điện Biên Phủ muk huyện Nậm Pồ; thâuv huôk iz luz yêz lox, ntu đhâu xar Phìn Hồ chêk đrâu trâu chor ar, poz jêz uô oz niêv tuz ntos trâu hâur kaz plaz luz yêz lox no. Ciês đhâu muôx yưv txuz txiêz nanv, chor nênhs no tưz tâu chox muk trâu qơư y têr chiê chơưv paz, taz sik cưk kriê Hải tưz trâus tuôs tiv trâus saz hnhar thiêz lok ntâu nyar; hok tu mê nhuôv mak trâus saz hnhar, tsênhv tâu chơưv paz ntơưv tsêr kho moz./.

Vũ Lợi-Lik Thox cxêik nhênhv