Zar hnuz keix hnuz 27/2, HĐ tỉnh Lai Châu khóa 15, six cxiv 2021-2026 krêz uô jiês khiêz phêv tiv 13 chiê sik seiz lax thiêz thôngz đhâu 6 Nghị quyết muôx lênhx coaz txos uô jênhv vưv shông 2023 thiêz ntu 2021-2025. Pos Zax Páo Mỷ, Bí thư Tỉnh ủy, Chủ tịch HĐ tỉnh Lai Châu thix ziv têx teiv plor muôz siêz txơưx jênhv, sik seiz lax têx njiêz luv jiês khiêz phêv, gôngr ntâu ziv chênhv tsênhv tsênhz thix ziv têx nghị quyết tâu thôngz đhâu njuôs xav tâu uô siêz. UB tỉnh, têx sở, nganhx tâu UB tỉnh choz jênhv vưv cxiv sâu têx njiêz luv hâur jiês khiêz phêv muôx txơưx jênhv heik kriê, uô tsênhz mênhx têx njiêz luv chiê HĐ tỉnh seiz shuôk, cuiz tênhv, gôngr phênhv muôz siêz tsơưr lươngv jiês khiêz phêv./.

                                                                 K.Kiên-Txâur Vax cxeik nhênhv

Lơưr Ban Chox kriê chor tsaz yênhx tsưr ziv têz qơưk huyện Yên Bình, tỉnh Yên Bái, 100% xar ntơưv thax tsav qơư tưz uô tiêr cxiv tsa jêx jok yiêz. Tsuôk ciês hâur shông đhâu, huyện Yên Bình tưz cxuôv tâu 210 luz tsêr đaz tuôx trâu chor chuôz zis pluôs; uô tâu 100 ntau cêik cêr bê tông hâur jêx jok; kriz uô truôx jông chor tsaz yenhx dự án paz huôv tsar uô nox, huôv tsar kinh têr tỉnh xưk li hôiv đôngx tỉnh li Nghị quyết 69, Nghị quyết 10. Txos nhiv no, huyện cux tưz muôx 32 hax huv kông, jông, đêx nuv, du lịch tâu tso trâu sâuv sàn thương mại điện tử. Huyện Yên Bình tsênhv tsêx trung kriz uô qênhz yuôx, ntâuk gri têx luôs hâux lưv cxiv tsa jêx jok yiêz lơưr tsưr ziv cxiv tsa ntu 2021-2025, sir jos hâur shông no zos yênhx huyện tiv 2 ntơưv tỉnh Yên Bái cxiv tsa jêx jok yiêz./.

                                                                      TTTB-Lik Thox cxêik nhênhv

Chính quyênx 2 huyện Tủa Chùa thiêz Mường Chà, tỉnh Điện Biên tsênhv huiz tôngv yênhx puôk lênhx nênhs chiê nriêr iz lênhx nênhs trâus pôngz đês sâuv niêv pas đêx tênhv ntơưv thax tsav. Hâux lưv muôx yưv thâuv zar hnuz keix hnuz 26/2 sâuv niêv pas đêx tênhv Trung Thu, buôk xã Trung Thu huyện Tủa Chùa thiêz xã Nậm Nèn, huyện Mường Chà. Lênhx nênhs trâus plox mông zos zơưv Cứ A Lồng (50 shông), nhoz jos Vàng Chua, xã Sính Phình, huyện Tủa Chùa. Zơưv Cứ A Lồng đros 2 lênhx txơưr muk fuôx gox muk jos Phiêng Đất, xã Nậm Nèn, huyện Mường Chà nox yôngz. Thâuv lok txos pas đêx tênhv Trung Thu zơưv Lồng trâus pôngz trâu hâur pas đêx. Ciês thâuv jênhv tâu xor mông, têx lưx lươngv tưz tuôx ntơưv thax tsav chiê nriêr thiêz chơưv paz. Zos đhâu 3 hnuz nriêr tsi pov, lưx lươngv muôx txơưx jênhv zuôr muôx tsưr ziv tso cxaz đêx sâuv niêv pas đêx chiê tror uô côngz xưv nriêr zơưv Lồng./.

                                                                     Baolaocai-Txâur Vax cxêik nhênhv