Nôngx mênhx thiêz têx HTX, doanh nghiệp huôx tôngv sâuv vênhv thix kôngz nuv nhoz tỉnh tox siêz Yên Bái tsênhv sir jos cxơưz tiês tsiv uô kôngz txix ciês hâur têx hnuz hâur shôngk shông yiêz, lơưr saz tsiv uô hax huv muôx tsơưr lươngv siêz. Hâur 2 shôngk đhâu, UB tỉnh Yên Bái tưz thôngz đhâu nhiêx txiêx paz txưv 90 tỷ đeiv ntâu paz têx ziv chuôz zis tsôngv box, HTX thiêz doanh nghiệp huôv tsar yênhx cxênhz trâur nuv tsiv uô, txix chos tsoz chos txos tu zus tsiêx cxu, keiz ok txos huôv tsar tu zus shuôz njês uô hax huv....Thôngx cxix, paz sik côngv tsiv uô; krêz đar thiêz muôz siêz têx xiv huv OCOP. Zơưv Nguyễn Đức Điển, Phưv giám đốc Sở kôngz nuv thiêz huôv tsar nôngx cxênhz tỉnh Yên Bái puz pâuz: Shông 2023 no, nganhx kôngz nuv tror muôx têx tsưr ziv chiê phuôx huiz đuô thiêz têx zov chênhr hâur tsiv uô kôngz nuv:“Nganhx kôngz nuv zuôr đros têx tiv phaz cxiv tsa, hlôngr yiêz, tuôr truôx tsơưr lươngv têx xiv huv kôngz nuv, krêz đar niêv ciêz ziv hnuz ziv jông đuô”./.

                                                    (TTTB-Txâur Vax cxeik nhênhv)

Têx hnuz đhâu, huyện Mường La, Sơn La tưz cxơưz tiês yax mông lok têx luôk hâux lưv tsi jông thâuv siz zuôr nzor, siz zuôr cxênhz jê, paz tsôngv box muôz siêz jênhv pâuz thiêz hlôngr yiêz tsưr ziv nhoz uô nênhx, gôngr phênhv txu grês sei qênhx shênhx siz zuôr nzor. Shông 2022, tas nro huyện tưz tsưr tsix 119 jiês heik kriê trâu zuôr xar 5 cxênhz 600 jiês tsôngv box thiêz 460 ntâu jiês yax mông sâuv têx phaz pênhv thôngz xor mông lok hâux lưv txu grês qênhx shênhx siz zuôr nzor, siz zuôr cxênhz jê. Tuêv heik kriê uô ntêx thâuv siz zuôr nhoz trạm y tế têx xã, thị trấn sik côngv đros ban coar lik jêx jos, tiểu khu tsưr tsix 30 jiês yax mông trâu têx lênhx nênhs xar siz zuôr nzor. Khov co, nhiv no, qênhx shênhx siz zuôr nzor sâuv thax tsav huyện txu grês yuôr 14% ntâu. Txix shông 2016 txos nhiv no, tsi muôx lênhx nênhs siz zuôr cxênhz jê./.

                                                         (TTTB-Txâur Vax cxeik nhênhv)

 Xav txos trâu nhiv no, luôs hâux lưv bax trâu hnuz hội choz tuz lênhv yiêz ntơưv Lào Cai tưz uô tâu jông, chiê chor tuz hluôk tso siêz sơưr cêr muk uô tuz lênhv. Thôngz sâu txix Bộ Chỉ huy Quân sự tỉnh Lào Cai tso pov, hâur 3.400 ntâu lênhx hluôk tâu hu muk seiz njuôk shuôs đas jos chiê tso muk uô tuz lênhv hâur shông 2023, muôx 1.400 ntâu lênhx txâuk đas jos. Khov lok têx li heik co, Lào Cai zuôr choz 800 lênhx tuz lênhv yiêz trâu 4 taz viv zos: Sư đoanx 316; Bộ chỉ huy Bôv đôiv Pênhz phax tỉnh; Trung đoanx 254 thiêz Bộ Chỉ huy Quân sự tỉnh Lào Cai. Njuôk xav Hnuz hội choz tuz lênhv yiêz nhoz Lào Cai zuôr uô nhoz cxuô thax tsav qơư lok hnuz xiêz 10/2 zuôr txos./.

                                                            An Kiên-Riê Lâux cxeik nhênhv 

Nhiv kruôr đhâu, Cơ quan Cảnh sát qênhz yuôx Công an huyện Điện Biên txeik tâu tix lâus Hoàng Mạnh Chinh, xênhz shông 1972, nhoz jok Thanh Hưng, xã Thanh Hững, huyện Điện Biên mông heik pâuz, muôx tiz nênhs fêv uô tuz saz nhiês 02 luz xor tôngx  Sam Sung, iz luz yêz meir Honda liêz, biển sôr 27N-031.51 thiêz iz cxiê zav chuôz zênhx hâur chuôz zis. Đhâu 2 luz six hơưv ntâu tso lênhx nênhs thiêz zôngv cxuô faz tsưr ziv chiê qênhz yuôx, Công an huyện Điện Biên tưz xav tâu tus nênhs fêv co zos Phạm Văn Chiến, xênhz shông 1988, nhoz jok 5, phường Thanh Trường, TP Điện Biên Phủ, tỉnh Điện Biên (zos lênhx tưz muôx 5 jiês uô tuz saz tuz nhiês). Đhâu qênhz nus, Phạm Văn Chiến tưz krêz lênhk tas nro lol zuk têx cêr cxâuv. Lưv lươngv muôx vax huôv tưz sâu tsês tâu têx chuôz zênhx Phạm Văn Chiến nhiês thiêz nhiv no txuz nuv co tsênhv tror tâu qênhz yuôx, uô tsênhz mênhx./.

VOVTB-Riê Lâux cxeik nhênhv