Zos iz hâur têx xiv huv kôngz nuv chênhr hâur tỉnh, txir thanh long Sơn La tưz thiêz tsênhv khav tinhv tâu suôz bê, tsơưr lươngv xiv huv hâur ciêz đrôngs têz qơưk thiêz sâuv ntiêx têz, jux juk muôs tâu ntâu trâu luôs 2 chas têz qơưk. Đros thiêz tsưr ziv yênhx châuv shông huôv tsar tsoz chos thanh long plơưr liêz ntơưv Sơn La, HTX Ngọc Hoàng huôv tsar uô tâu ntâu têx xiv huv jông, muôx tsơưr lươngv muôs trâu luôs chas 2 ciêz đrôngs sâuv ntiêx têz. Muôx 300 ha liêx têz chos, shông no HTX njuôk xav zuôr sâu đê tâu nhos 3 cxênhz tênhr txir nhôngk, njuôk xav muôs trâu luôs 2 chas têz qơưk 2 cxênhz tênhr, paz krêz đar ciêz đrôngs sâu zuôr, gra siêz phênhv sâu tâu txix tsoz chos thanh long. Zơưv Nguyễn Quang Vinh, Giám đốc HTX Ngọc Hoàng heik pâuz:“Shông no HTX tưz cir hux thôngx đros 5 qơư sâu zuôr, iz ciêz xav kror đruôz muôs têx txir đhâu yêz za trâu luôs 2 chas thax tsav muôx 6 tênhr. Njuôk xav muôs trâu ciêz đrôngs Liên minh châu Âu thiêz Trung Đông shông no zos 2 cxênhz tênhr”./.

                                                           Thanh Thủy-Riê Lâux cxeik nhênhv

Jiês yar ntux cuz sor truz ntêr hnuz tưz uô 6.200 ntâu héc ta tsoz chos ntơưv tỉnh Lào Cai njiz trâus uô hiêv. Hâur co, thax tsav chor blêx thiêz zuz blêx trâus hiêv muôx 70% ntâu zos 100 ntâu héc ta, zuôr xar 4.500 héc ta poz cưk thiêz jâuz tâuv cux trâus hiêv txos tsơưr lươngv, tsik tâu xav txos chor yuôx đrox njuôz, ntông nox txir, tsiêx đêx. Tas nro têx trâus hiêv hâur uô kôngz nuv xar muôx 254 tiv đêiv. Qênhz yuôx ntơưv huyện Si Ma Cai, thax tsav qơư muôx 3.300 ntâu héc ta tsoz chos trâus hiêv tiv yar ntux cuz sor thiêz muôx 484 ziv chuôz zis muôx tsik txâuk đêx xênhz huôx, zơưv Trịnh Xuân Trường, Chủ tịch Ủy ban tỉnh Lào Cai hêik, nganhx Kôngz thiêz cxuô thax tsav qơư tsuv qênhz yuôx thax tsav chor tsoz chos trâus hiêv cov sêi tiv zix. Ủy ban tỉnh zuôr hêik trâu Thường trực Tỉnh ủy pâuz, ntâuk gri cov huv đros; chiê muôx tâu tsênhv chêi paz trâu uô nox, paz pêx xênhv nzor khưx phưx têx trâus hiêv, tror piz uô tâu nox ciês thâuv tror muôx ntux nas./.

TTTB-Ly Thox cxêik nhênhv

Hnuz xiêz 06/6 nhiv kruôr đhâu, Phongx Cảnh sát hình sự, Công an tỉnh Lai Châu txeik tâu iz tus zơưv nhoz jok Nà  Tăm 2, xã Nà Tăm, huyện Tam Đường ntơưr thor cov đros paz chơưv zơưv tus nxeik, xênhz shông 2004 tsênhv trâul iz qơư hu gâux nhoz Tuyên Quang zuôv uô hâux lưv phưx vưv kruô. Đhâu thâuv txeik tâu mông, Phongx Cảnh sát hình sự, Công an tỉnh Lai Châu tưz hux jos đros Phongx Công an huyện Tam Đường thiêz tus zơưv heik sâuv chuôz zis xav jênhv qir tiv. Đhâu qênhz shuôs, tus nxeik co trâul iz lênhx nênhs siz pâuz đhâu hâur Facebook zâuv muk uô jos trâu Hà Nội, thâuv muk txos Hà Nội, muôx iz lênhx nênhs nhoz đrav co tok thiêz thêv nhiêx yêz, zuôr tsôngk yo yiêz trâu lênhx nxeik no hnar. Đhâu ntơư, lơưr chox lênhx nxeik co muk uô têx hâux lưv qơưx kruô ntơưv iz qơư hu gâux thiêz uô ntơưr kêr txeik 6 tsov đeiv nhiêx, cov tus nxeik no cir, taz sik nưk tsi mnôngs, tsi uô trơưk li lênhx nênhs fêv ntơư heik, lơưr thiêx chox thiêz xa nưk mul trâu huyện Sơn Dương, tỉnh Tuyên Quang. Phongx Cảnh sát hình sự, Công an tỉnh Lai Châu tưz tso lưv lươngv đros Công an huyện Sơn Dương thiêz Công an tỉnh Tuyên Quang qênhz yuôx, xav jênhv. Đhâu qênhz shuôs, tus nxeik heik sâuv tsênhv trâul iz qơư hu gâux nhoz xã Nam Sơn, huyện Sơn Dương tuôr tsês, zuôv uô hâux lưv phưx vưv kruô. Hnuz xiêz 08/6, Công an tưz chơưv paz tâu tus nxeik co thiêz xa choz trâu chuôz zis. Nhiv no txuz nuv co tsênhv tror tâu qênhz yuôx, uô tsênhz mênhx./.

                                                                        Khắc Kiên-Riê Lâux cxeik, nhênhv

Công an thành phố Điện Biên Phủ nhiv kruôr muôx cuêz tênhv khởi tố txuz anr hình sự cxov cơưv Vũ Đình Hải (zus shông 1985) zos kiểm sát viên Viện Kiểm sát tỉnh Điện Biên trơưk niêv tix Trần Thị Hải Hà (nhoz tôv 10, phường Mường Thanh, thành phố Điện Biên Phủ) li ntâu ntơưr hêik pâuz hnuz 28/5 tiêk Vũ Đình Hải tênhv njiz niêv tix Hà lok tsênhv njiêz niêv tix Hà tuk txir (zos nênhs cik txos txuz anr Qơư tsar đrêk yêz za Điện Biên) tsênhv trâus moz siêz hnhar tsuv tas muôx 100 triệu chiê chơưv kho moz. Đhâu thâuv txêik tâu nhiêx, thiêz sik njiz, niêv tix Hà xar cxêik iz đêiv đuôz đros Hải taz sik Hải tưz chêix yêz khiêr. Niêv tix Hà xar tiêk trâus nziêk đas lơưv viv li tưz tuôx hêik trâu cơ quan Công an thành phố Điện Biên phủ pâuz. Đhâu qênhz yuôx, Cơ quan Cảnh sát qênhz yuôx Công an thành phố Điện Biên Phủ tưz muôx Cuêz tênhv khởi tố txuz anr hình sự; cxov cơư Vũ Đình Hải lok kror cxâuk “nziêk đas zuôr nhiêx txiêx cxuô zav” lơưr Grê 174 Bôv chêi Hình sự./.

                                                                                    Vũ Lợi-Lik Thox cxêik nhênhv