Tỉnh Sơn La sir jos txos tas shông no chor lox tôngv đhâu thox cxov tax tâu muôx 61%; hâur co chor lox tôngv muôx bằng, chứng chỉ tax 26%, chor nênhs tsik muôx hâux lưv uô nhoz têx đrôngs grêk txos yuôr xar muôx 3,7%. Zơưv Nguyễn Mạnh Du, Phưv Giám đốc Sở Lox tôngv-Saz pênhz thiêz xar hôiv tỉnh puz pâuz, chiê uô cov tâu tiêr têx luôs hâux lưv no, tsưr ziv tâu sir jos kriz uô zos chuôz cxaz yưv pênhr huôv tsar kinh têr-xar hôiv, hlôngr yiêz uô nox nhoz jêx jok, tiv zix zos thax tsav mênhx cxưx tsơưs nênhs; chuôz cxaz côngz xưv yưv pênhr uô vax tsêr cxuô zav, thox cxov hâux lưv uô, paz hêik pâuz, hêik kriê lok têx hâux lưv uô trâu chor lox tôngv jêx jok. Iz chas co zos paz chiê huôv tsar kinh têr tư nhân, chuôz cxaz huôv tsar têx tsưr ziv uô nox hợp tác xã cov truôx jông thiêz tsiv gri kinh têr siêz. Zơưv Du hêik:“Tỉnh Sơn La tsênhv tsêx trung trâu hâux lưv thox cxov pênhr jos phưx vưv trâu kriz uô chor tsaz yênhx tsưr ziv têz qơưk thiêz cxiv tsa jêx jok yiêz; tiv zix zos taz por tsơưr lươngv trâu lưx lươngv lox tôngv hâur hâux lưv no. Tiv 2 zos chox kriê chor tsêr cơưv cao đẳng, trung cấp tror tsov cưv txos hlôngr yiêz tsênhv njiêz tsaz yênhx chiê gra siê tsơưr lươngv kriê ntơưr. Tiv zix zos sik côngv đros têx doanh nghiệp txix cxiv ntsa tsaz yênhx txos trâu hâux lưv thox cxov puôr lênhx tsuv muôx doanh nghiệp đros cxaz chuôz, chiê thâuv chor lưx lươngv no tâu thox cxov mak zuôr tax tâu chor doanh nghiệp li zoz qơưx sir zôngv”./.

                                                               Thu Thùy-Lik Thox cxêik nhênhv

Sir zôngv căn cước công dân reik chip thâuv seiz njuôs moz BHYT chox lok ntâu liv zix tsênhv tsênhz trâu tsôngv box thiêz cán bộ y tế. Tsêr kho moz đa khoa huyện Mường Khương tưz krêz uô hâux lưv đăng cir seiz njuôs thiêz kho moz txix đeiv căn cước công dân reik chip txix hli 11/2022. Txos nhiv no, tưz muôx 300 ntâu jiês lênhx nênhs đăng cir seiz njuôs thiêz kho moz txix đeiv căn cước công dân reik chip. Hâux lưv quét mã QR-code sâuv căn cước công dân ntơưv tsêr kho moz đa khoa huyện Mường Khương paz cán bộ y tế uô côngz xưv tâu sei đuô, xor mông tsênhz mênhx, nênhs moz tsi zuôr tos ntêr. Taz sik, nhiv no nênhs tuôx seiz njuôs thiêz kho moz phênhv ntâu zos mê nhuôk zâu viv li nênhs muôx căn cước tsênhv tsơưs. Chiê muôz siêz qênhx shênhx seiz njuôs thiêz kho moz txix căn cước công dân, cán bộ tsêr kho moz yax six heik kriê tsôngv box tsưr ziv jông no, tiv zix zos têx cán bộ uô hâux lưv ntơưv qơư đăng cir seiz njuôs thiêz kho moz. No zos iz hâur têx sir jos gôngr phênhv hlôngr yiêz hành chính nhoz tsêr kho moz./.

                                                         Báo Lào Cai-Txâur Vax cxeik nhênhv

Ntu jê lok no, sâuv thax tsav huyện Phong Thổ, tỉnh Lai Châu pov muôx moz vưv nhoz têx tsiêx cxu. Chinhr quyền thax tsav qơư, cơ quan uô hâux lưv no txix huyện txos xar sir jos kriz uô têx tsưr ziv chiê phax tar caz moz, por vêv đas jos trâu pêx xênhv cux xưk li chor tsiêx cxu. Tiv zix đros thiêz thị trấn Phong Thổ thiêz têx xar: Bản Lang, Lản Nhì Thàng, Mường So, Hoang Thèn tưz hêik pâuz lok caz moz; sêiz kaz truôx jông qênhx shênhx caz moz; tsưr tsix cxax yuôx phax moz vưv shông 2023. Tror tsưr tsix kriz uô têx ntâuz ntơưr sêiz kaz thiêz sêiz car chor đêr, mir thiêz xưv lik truôx jông chor nênhs tso đêr, mir tơưv đrâuv jôngr trơưk cui tênhv; chuôz cxaz sêiz shuôk jông thâux, xa têx đêr, mir hâur thax tsav; sir jos uô côngz xưv yax kriê, hêik pâuz lok caz moz vưv, huôv xênhz caz moz thiêz têx tsưr ziv phax, tar caz moz chiê gra siêz nênhs tu zus đêr, mir li txơưx jênhv trâu côngv thôngx hâur sir jos cxaz chuôz chor tsưr ziv phax, tar caz moz vưv./.

                                                        Báo Lai Châu-Lik Thox cxêik nhênhv

Tas cik hnuz xiêz 1/3, Tòa án tỉnh Điện Biên krêz jiês tik cêr cxâuv kuz Giám đốc Sở zaoz zux tỉnh Điện Biên Nguyễn Văn Kiên đros 7 lênhx nênhs phamv cxâuv txơưr lơưr cui tênhv lok đấu thâux uô tuôr xuôv zov chênhr 2 dự án zuôr chuôz zênhx kriê ntơưr sâuv thax tsav txix shông 2019 txos shông 2020. Lơưr Viện kiểm sát tỉnh Điện Biên li qênhz yuôx: Txix shông 2019-2020 thâuv pâuz Sở zaoz zux tỉnh Điện Biên uô tsưr yưv pênhr 2 poz thâux zuôr chuôz zênhx kriê ntơưr, Đinh VĂn Hữu, Giám đốc công ty cổ phần ntơưr thiêz chuôz zênhx tsêr cơưv Điện Biên tưz tuôx njiz Nguyên Văn Kiên paz chiê công ty no tâu uô 2 poz thâux thiêz tâu Kiên thôngx ziv. Hâur 2 poz thâux no, NGuyễn Văn Kiên puôr lênhx chox kriê Trịnh Mạnh Cường, Phưv tsar phongx tsưr ziv Sở đros Đinh Văn Hữu uô ntâuz ntơưr thôngz pov grê têx chuôz zênhx. Txix co choz trâu Nguyễn Quang Tuyến, Phưv giám đốc Công ty cổ phần ntơưr thiêz chuôz zênhx tsêr cơưv Điện Biên njuôs xav thôngz pov grê têx chuôz zênhx chiê uô li chas muôx liv trâu công ty txix 20-25%. Viv Tuyến tưz njuôs xav thôngz pov grê chuôz zênhx poz thâux số 1 zos 10 tỷ đeiv ntâu (taz sik grê tsênhz mênhx zos muôx nhos 6,5 tỷ đeiv) poz số 2 zos 9,9 tỷ đeiv (grê tsênhz mênhx zos 5,6 tỷ đeiv). NJuôs xav jiês tik cêr cxâuv zuôr suôv câuv hnuz xiêz 2/3/2023./.

                                                           Vũ Lợi-Txâur Vax cxêik nhênhv