Dự thảo chei ar têz (kho đuô) muôx 16 yôngx, 236 grê cui tenhv tsênhz mênhx têz qơưk tsôngv box li qênhx thiêz txơưx jênhv đros ar têz. Dự thảo Chei muôx ntâu hlôngr yiêz đros yênhx lênhx nênhs, njiêz luv txơưr theiez tsênhv jênhv tâu tsôngv box tas nro têz qơưk li tsov cưv. Nhoz tox siêz Tây Bắc tsôngv box têx tỉnh Sơn La, Điện Biên, Lai Châu, Lào Cai, Yên Bái cux tsênhv sir cxaz chuôz gôngr ziv chênhv kho đuô, uô tiêr Chei, ndar txos khưx phưx têx tsi tâu huv đros, tuôv zênhv zoz qơưx huôv tsar têz qơưk ntu yiêz. Lok vênhv thix xav grê ar têz, niêv lâuk Tòng Thị Duyên nhoz tuêv 4, phường Chiềng An, TP Sơn La puz pâuz:“Grê ar têz zos vênhv thix chiê car chêx têx tsi tâu huv đros thiêz tsôngv box trâus sâu ar têz. Tsuv muôx têx cui tênhv huv đros, hâur co phênhv pâux nzir txix nhiêx txiêx tsuv tsov lơưr grê ar têz niêv ciêz thâuv pâux nzir. Viv li, Chei ar têz kho đuô tso tơưv grê ar lơưr grê niêv ciêz thiêz tsưr ziv xav tênhv huv đros”./.

                                                                    TTTB-Txâur Vax cxeik nhênhv

Chiê tax tâu zoz qơưx ziv hnuz ziv siêz sâuv ciêz đrôngs hâur têz qơưk thiêz muôs tơưv saz đrâuv têz qơưk, nganhx kôngz nuv thiêz cxuô thax tsav qơư tỉnh Yên Bái tsênhv sir jos paz trâu chor tsưr tsix, tiz nênhs đăngk cir mar sôr thax tsav chos, thiêz sêiz no zos kror jông chiê paz trâu hax huv kôngz nuv hâur tỉnh tâu muôs muk trâu cxuô thax tsav qơư, tiv zix zos sâuv ntiêx têz. Txix shông 2022, nganhx Kôngz nuv Yên Bái tưz sir jos paz trâu chor tsưr tsix, tiz nênhs đăngk cir mar sôr thax tsav chos. Hâur co tsêx trung trâu thax tsav chos yuôx zêx, kok tsơưz, jâuz ngaz tuk… Ciês yuôx zêx, txos nhiv no tưz muôx 11 thax tsav chos đros xar muôx 300 héc ta tâu cungz mar sôr ntơưv cxuô thax tsav qơư li: Thị trấn Nông trường Trần Phú Suối Giàng, Suối Bu, Đồng Khê… đhâu thâuv tâu cungz mar sôr, tưz txâuk cxuô kror chiê muôs muk trâu têx ciêz đrôngs sâuv ntiêx têz. Zơưv Phạm Xuân Huy, Chi cục trưởng Chi cục chos kôngz lôngk thiêz por vêv đrox tsuôs tỉnh Yên Bái puz pâuz:“Thâuv thax tsav chos tau cungz mar sôr mak têx hax huv nhoz thax tsav co muôx txâuk cxuô kror chiê muôs trâu sâuv têx ciêz đrôngs, tiv zix zos muôs tơưv saz đrâuv têz qơưk. Mar sôr thax tsav chos chinhr zos kror paz trâu chor hax huv kôngz nuv tâu muôs zôngx ziv đuô, ntu đhâu nganhx kôngz nuv tưz sir jos cungz chor mar sôr thax tsav chos no trâu têx kôngz nuv”./.

                                                          Thừa Xuân-Lik Thox cxêik nhênhv

Ntênhs phêv “Cheix pax lâus” TP Sơn La shông 2023 zuôr tâu tsưr tsix lok hnuz 11 thiêz 12/3. Ntênhs phêv tsưr tsix ntênhs xên mường, tsưr tsix ntơưv công viên Đông Xên, phường Chiềng Cơi; ntênhs phêv tsưr tsix ntơưv qar tiêx Tây Bắc; muôx têx huôx tôngv thik: piêr kriê nghệ thuật pax vuôs xòe Thái; lênhx nxeik jông gâux; piêr kriê têx zav nox kaz mênhx cxưx, xơưk pax ntâuz....Ntênhs phêv cux zuôr tror tsưr tsix Ntênhs phêv hạn khuống thiêz thik têx môn thiv thao tsưr ziv uô si trâur lâuk li leiv poz, sik truz hluô....Ntênhs phêv “Cheix pax lâus” TP Sơn La shông no tâu tsưr tsix chiê heik kriê, tuôr tsês ntênhs phêv “Cheix pax lâus” heik kriê TP Sơn La li vênhx huôv ju lix; zaz zâuv tsôngv kruô hâur têz qơưk thiêz sâuv ntiêx têz, têx doanh nghiệp, tsưr tsix nriêr tuôx yưv pênhr, sik hux jos huôv tsar..../.

                                                             TTTB-Txâur Vax cxeik nhênhv

Đhâu xar muôx 2 hnuz xét xử, têis cik 2/3, Tòa án tỉnh Điện Biên tưz hêik pâuz Nguyễn Văn Kiên, Kuz Giám đốc Sở Zoz zux tỉnh đros 7 lênhx nênhs hâur txuz anr uô cxâuv cui tênhv đấu thầu uô muôx yưv têx phiv liv tsik jông sâuv thax tsav chor shông 2019-2020. Đhâu sêiz shuôk têx tsưr ziv xưv bluô, Hôiv đồng xét xử tòa án tỉnh Điện Biên hêik pâuz: Nguyễn Vă Kiên thiêz Đinh Văn Hữu trâus cơư 5 shông tux; Trịnh Mạnh Cường thiêz Nguyễn Quảng Tuyến 4 shôn cơưv tux; Mai Thanh An thiêz Võ Thúc Chính 30 hli cơư tux. Hồ Thị Sáu thiêz Nguyễn Quốc Việt 2 shông cơư tux, six hơưv cơư tux xav txix thâuv chor nênhs co trâus tik cêr cxâuv. Công ty Cổ phần ntơưr thiêz chuôz zênhx tsêr cơưv ntơưr Điện Biên thiêz chor nênhs uô cxâuv co tsuv tror muôz chor nhiêx zos 7,5 tiv đêiv trâu Sở Zoz zux tỉnh Điện Biên chiê muôz trâu hâur nhiêx txiêx têz qơưk. Hâur co, zuôv Công ty Cổ phần ntơưr thiêz chuôz zênhx tsêr cơưv ntơưr Điện Biên tsuv thêv chor nhiêx 996 triệu đêiv, Nguyễn Văn Kiên tsuv tror thêv chor nhiêx zos 600 triệu đêiv; thôngx ziv sêiz lax thiêz chiv chir khưx phưx têx kror uô tsik jông co tas nro chor nhiêx muôx 5,9 tiv đêiv mak chor nênhs uô cxâuv co tưz thêv. Chor nênhs co li têx kror uô cxâuv tưz uô phiv liv txos trâu xar hôiv, uô muôx yưv têx phiv liv zov chênhv thiêz uô pôngz plox têz qơưk li têx nhiêx txiêx cxuô zav”./.

                                                              Vũ Lợi-Lik Thox cxêik nhênhv