Thủ tướng Chinhr phuv Phạm Minh Chính tưz muôx cuêz tênhv sôr 627 lok hâux lưv chiê zơưv Tống Thanh Hải, Ủy viên Ban Thường vụ Tỉnh ủy, Phưv Chủ tịch Ủy ban tỉnh Lai Châu tuôr qênhx Chủ tịch Ủy ban tỉnh Lai Châu, ntu 2021-2026. Zơưv Hải li six hơưv tuôr qênhx Chủ tịch tâu uô txos thâuv Chủ tịch tỉnh Lai Châu, six cxiv 2021-2026 tâu hêik pâuz tsênhz mênhx zos lênhx tưs uô./.

                                                               Khắc Kiên-Lik Thox cxêik nhênhv

160 lênhx nênhs jông sâuv têx vênhv thix nhoz tỉnh Sơn La tưz cxaz chuôz Phêv ziv khơưk kruôk têx lênhx nênhs jông zos UB tỉnh SƠn La tsưr tsix. Thôngz sâu hâur 3 shông tror lok no, kinh tế Sơn La thâuv tưs cux chuôz ndê fênhx pheiz 6% ntâu iz shông; tas nro phênhv sâu tax 54 cxênhz tỷ đeiv ntâu, fênhx pheiz tax 18 cxênhz tỷ đeiv iz shông; kim ngạch muôs tơưv fênhx pheiz iz shông muôx nhos 174 tsov USD. Tas nro tỉnh nhiv no muôx 3 cxênhz 300 ntâu doanh nghiệp đăng cir huôx tôngv, đros pênhr zos 51 cxênhz tỷ đeiv ntâu. Tiv zix, tsaz yênhx tror hlôngr yiêz kôngz nuv tiv phaz muôx têx huôv tsar jông, chox Sơn La yênhx thax tsav chos ntông nox txir sơưr tiv 2 tas nro têz qơưk...Niêv lâuk Lường Thị Hà- Giám đốc HTX kôngz nuv Pha Dảo, xã Mường Sại, huyện Quỳnh Nhai, tỉnh Sơn La- iz hâur têx lênhx nênhs jông tuôx dưv đại hội pheiz kênh:“Cur lok six shir phaz thâuv tâu zos iz lênhx nênhs jông hâur tỉnh. Ntu đhâu, iz lênhx nênhs hâur HTX thâuv tưs cux sir jos tưr thik uô lox tôngv, tax tâu ntâu yênhx tix hâur cxuôv yeiz thiv pluôk trâu chuôz zis, pox nhuôs hâur jêx jos, hâur xã. Ntu zuôr txos, pêz zuôr sir jos ntâu đuô thiêz chiê cxuô lênhx nênhs, cxuô ziv chuôz zis muôx kinh têr jông đuô, luz nênhx tsâu sor, shir phaz đuô”./.

                                                                   Thu Thùy-Txâur Vax cxeik nhênhv

Cục Y têr dự phòng (Bôv Y têr) nhiv kruôr muôx ntâuz ntơưr hêik Sở Y têr tỉnh Điện Biên chuôz cxaz uô phax, tar caz moz than lok zos moz đôngs yênhx thax cik txix tsiêx cxu trâu lênhx nênhs, ciês đhâu thax tsav qơư no pov muôx 3 kror qơư moz than sâuv thax tsav huyện Tủa Chùa. Đhâu nriêr pâuz, tas nro chor nênhs trâus moz puôr lênhx zos chor nênhs tuô fêik thiêz nox grêix têx hnux, tưv. Chiê phax tar tâu jông caz moz cik txix tsiêx cxu trâu lênhx nênhs, Cục Y têr dự phòng (Bôv Y têr) hêik Giám đốc Sở Y têr  tỉnh Điện Biên chox kriê têx taz viv y têr sâuv thax tsav sêiz shuôk jông đas jos trâu chor nênhs tuô fêik, nox têx grêix nhux, tưv mak chor nênhs trâus moz co tưz tuô fêik thiêz nox tâu chiê muôx tsưr ziv xưv lik; sir jos sêiz kaz jông cov pov tâu nzor chor nênhs xav tiêk trâus moz, xưv lik tênhv qơư ntơưv têx qơư huôv xênhz caz moz lơưr cui tênhv./.

                                                             Vũ Lợi-Lik Thox cxêik nhênhv

Công an tỉnh Điện Biên nhiv kruôr đros Cục cảnh sát qênhz yuôx nênhs phamv cxâuv zax zênhz (Bộ công an), Công an têx tỉnh faz Bắc (têz qơưk Lào) ruôr yênhx côngz txuz án muôv muôs zax zênhz, muôx ntâu lênhx nênhs cxaz chuôz, gra zax zênhz txix Lào lok Điện Biên thiêz gra muk têx tỉnh txơưr chiê muôs, nênhs tuôr hâu zos iz lênhx nênhs nhoz tỉnh Điện Biên. Ntês ntâu Só xênhv Shôngx xênhz shông 1987 thiêz tul cưr zos Vưx xênhv Shôngx puôr lênhx nhoz jos Ca Tâu xã Xa Dung, huyện Điện Biên Đông muôv muôs 7 đeiv zênhz đơưz  muôx 2,5 cir, 6 cxênhz njiêr zax zênhz shơư yuôx thiêz ntâu chuôz zênhx txơưr muôx lênhx coaz. Têx lưx lươngv muôx txơưx jênhv cux ciêr chênhr ntês Lường Thị Thân xênhz shông 1975 nhoz jos Xuân Tra 2, xã Búng Lao, huyện Mường Ảng, tỉnh Điện Biên- cux zos iz lênhx nênhs yax six muôv muôs zax zênhz đros Só xênhv Shôngx./.                                                       

Vũ Lợi-Txâur Vax cxeik nhênhv