Zar hnuz kêix xiêz 6/6, Bộ trưởng, seiz car Ủy ban mênhx cxưx Hầu A Lềnh tưz têz đại biểu Côx hôiv têx lul nus. Txơưv tiêk co zos jiês xuz thơưx tâu têz sơưr đơưk têx lul nuk li heik sâuv, taz sik bộ trưởng Hầu A Lềnh tâu cử tri nhoz Lai Châu, Yên Bái thiêz Sơn La ntâuk grê siêz. Cử tri Lý Công Hòa, Tsar Phongx Lox tôngv, saz pênhz thiêz xã hội huyện Mường Tè (Lai Châu) heik pâuz: Mường Tè nhiv no muôx 10 heir nênhs uô nênhx nhoz uô cê, chor yeiz pluôs tsênhv yuôr 51%, hâur co muôx 4 heir nênhs lok six txov nhêv, zos Cống, Mảng, Si La thiêz La Hủ, tsav iz đraz jênh sôr hâur tas nro huyện; taz sik heir nênhs La Hủ ho tsi tâu sơưv têz qơưk têx chei paz, viv li  hâu nov ntơưv qơư tsênhv lok six phiv liv uô lơưr têz qơưk tsaz yênhx lok  txo grêk yeiz pluôs trâu heir nênhs co:“Bộ trưởng Hầu A Lềnh tưz têz tsênhz mênhx sơưr đơưk têx lul tâu nuk txos. Vav chiê siêz, Bộ trưởng tror nhênhz chơưv trâu Thủ tướng Chính phủ muôx nzir têx chei jông thiêz paz trâu thax tsav tsôngv box heir nênhs tsơưs hâur pêz thax tsav qơư nhoz”./.

                                                                  Khắc Kiên-Riê Lâux cxeik nhênhv

Hnuz 6/6, Ủy ban tỉnh Điện Biên tưz tsưr tsix Jiês cơưv hênhr kruôk chor nênhs uô tâu hâux lưv jông hâur phongz yaox sik tưr nhiêx têz qơưk; thôngx cxix phuôx tôngv phongz yaox sik tưr chiê tok hơưv chiv nhênhv 70 shông Ntâuk zênhx Điện Biên Phủ, 115 shông hnuz yênhx lix tỉnh thiêz 75 shông hnuz yênhx lix Đảng bôv tỉnh. Đros tsênhv njiêz “sir jos, dân chủ, sik côngv siêz, xar tơưv, sik tưr cxiv tsa tỉnh huôv tsar sêi thiêz truôx đrênhk”, Ủy ban tỉnh Điện Biên tso tơưv phongz yaox sik tưr hâur 2 shông (2023-2024), zov chênhr zos txix 7/5/2023-7/5/2024. Tsênhv njiêz phongz yaox zuôr tsêx trung trâu 5 kror chênhr, zos: Sir jos uô cov tiêr têx tsưr ziv huôv tsar kinh têr-xar hôiv; huôv tsar cêr vax tsêr cxuô zav; sir zôngv truôx jông têx pênhr nhiêx; sir jos hlôngr yiêz côngz xưv hành chính; huôv tsar xar hôiv; tuôr truôx jông côx phax, ngaz tuk thiêz đối ngoại. txix 5% tror sâur… Ntơưv jiês cơưv, Ủy ban  tỉnh Điện Biên tưz hênhr kruôk 50 tập thể, tiz nênhs uô tâu hâux lưv jông hâur phongz yaox sik tưr nhiêv têz qơưk ntu 2018-2023./.

                                                                      Vũ Lợi-Lik Thox cxêik nhênhv

Huyện Văn Yên, tỉnh Yên Bái nhiv kruôr chiê qơư hlơưr têx vuôz tsuôz, kiêk nênhs ntơưv xã Đông Cuông tror uô hâux lưv, đhâu iz ntuk tsuv cơư trôngx tiv uô tsi hur tênhx qơư. Hâur 02 luz hlik, qơư co tror uô hâux lưv, cxuô cơ quan, taz viv cik txos zuôr tsuv ntâuk grê, zok nriêr qir tiv uô muôx têx tsi hur, pa nqo, pluô plar uz no thiêz xưv lik jông tsi chiê muôx yưv têx kiêk nênhs vuôz tsuôz li thâuv ntêx, li tsi uô ruôr hiêv txos tsôngv pêx xênhv luz nênhx xênhz huôx niêx hnuz. Hâur ntu no, qơư xưv lik têx vuôz tsuôz, kiêk nênhs heik sâuv cux tsuv qênhz shuôs jông cxuô luôs hâux lưv uô hâur yênhx hnuz hmo. Thâuv ntêx qơư hlơưr têx vuôz tsuôz, kiêk nênhs co qir uô hâux lưv lok hli 1/2022, taz sik đhâu iz shông ntâu uô nuv tưz tsuv cơư trôngx, viv uô tsi hur tênhx qơư, uô ruôr hiêv txos tsôngv box luz nênhx, lar heik zos têx lênhx pêx xênhv nhoz jok Gốc Quân, xã Đông Cuông./.

                                                                         Thừa Xuân-Riê Lâux cxeik, nhênhv

Công an thành phố Lai Châu, tỉnh Lai Châu nhiv kruôr cxov tâu oz lênhx nênhs zos Đinh Tiến Mạnh, zus shông 1987, nhoz ntơưv xar Yên Phương, huyện Ý Yên, tỉnh Nam Định; Nguyễn Việt Thắng, zus shông 1987, nhoz xar Thanh Nguyên, huyện Thanh Liêm, tỉnh Hà Nam tsik so nhiês cxuô zav muôx ntơưv chor tsêr mnov, qơư txi côngv. Uô ntêx co hnuz 3/6, Công an thành phố Lai Châu txêik tâu Ban sêiz car qơư txi côngv huôz têik Lê Lợi, nhoz tôv 5, phường Đoàn Kết li hêik pâuz muôx nênhs kriz oz  kror qơư trâu nhiêx hâur qơư txi côngv nhiês tas lơưv muôx 25 triệu đêiv. Đhâu 3 hnuz tso nênhs sir jos qênhz yuôx, Công an thành phố Lai Châu tưz sik côngv đros têx taz viv uô hâux lưv công an têx tỉnh Lai Châu, Bắc Giang, thành phố Hà Nội thiêz Cục Nghiệp vụ Công an cxov tâu oz lênhx nênhs no tsênhv nhoz gâuv nơưv xar Vĩnh Quỳnh, huyện Thanh Trì (Hà Nội). Nhiv no txuz hâux lưv tsênhv tror tâu Công an tỉnh Lai Châu tror qênhz yuôx uô cov tsênhz mênhx./.

                                                                           Khắc Kiên-Lik Thox cxêik nhênhv