Sêiz thiêz mnôngs jiês nus-têz têx luk nus lok khoa học thiêz công nghệ, cử tri Đặng Thế Nam, thành phố Sơn La thôngx ziv đros têx kror tưz tax tâu thiêz uô tsik tâu tâu, phiv liv hâur hâux lưv cungz têx công nghệ siêz trâu uô kôngz nuv mak chor têiv plor Côx hôiv thiêz Bôv trưởng khoa học thiêz công nghệ tưz hêik txos. Cử tri hêik tiêk, Sơn La cux xưk li ntâu thax tsav qơư txơưr đuô muôx ntâu kror liv chiê sir zôngv công nghệ siêz trâu uô kôngz nuv, taz sik chiê phuôx huiz tâu mak tsuv muôx têx tsưr ziv uô tsênhv tsênhz, huv đros đuô:“Cur vav tiêk chor bôv, nganhx, Côx hôiv zuôr tror nhênhz chơưv, uô cov tiêr têx tsênhv chêi paz sir zôngv khoa học công nghệ hâur uô kôngz nuv, muôx têx tsưr ziv kriê uô tsênhv tsênhz trâu cxuô thax tsav qơư thiêz pêx xênhv pâuz. Xưk li Sơn La muôx 4 thax tsav tâu côngz jênhv zos thax tsav kôngz nuv sir zôngv công nghệ siêz, đros muôx ntâu zav hax huv li yuôx zêx, cà phê, cuô mik”./.

Lê Hạnh-Lik Thox cxêik nhênhv

Hâur hnuz xiêz 10/6 zuôr txos, tỉnh Sơn La li chor txir khơưz jiês xuz thơưx zuôr tâu chox lok trâu tsôngv kruô nox sâuv têx yêz za nhoz hãng yêz za Vietnam Airlines. Huyện Yên Châu, tỉnh Sơn La nhiv no muôx 3 cxênhz hecta txir khơưz, chungz fênhx tax muôx nhos 30 cxênhz tênhr. Txir khơưz nyar Yên Châu kaz jông viv li tâu ntâu lênhx nênhs nhiêv nox. Thâuv ntêx, txir khơưz Yên Châu phênhv ntâu phưx vưv hâur thax tsav, taz sik 4 shông tror lok no, txir khơưz Yên Châu heik taz, tỉnh Sơn La heik cxuô tâu muôs tơưv trâu ntâu têz qơưk sâuv ntiêx têz. Lơưr zơưv Lù Văn Cường, Chủ tịch UB huyện Yên Châu puz pâuz:“Hâux lưv xiv huv txir khơưz tâu zôngv phưx vưv pluôk nox sâuv VN Airlines zos iz trus huôv tsar. No cux zos đas jos paz tsôngv box tror tsiv uô. Nhiv no sâuv thax tsav, pêz tsênhv heik kriê tsôngv box txiêr chês, muôz siêz tsiv grê xiv huv, tiv zix zos chos lơưr saz hữu cơ chiê muôs tơưv saz đrâuv têz qơưk, cux xưk li yênhx pluôk nox sâuv yêz za thiêz chox lok muôs hâur têx siêu thị lox”./.

Tuyết Lan-Txâur Vax cxeik nhênhv

Zơưv Ngô Xuân Chinh, Phưv Chủ tịch Ủy ban huyện Điện Biên puz pâuz: zar hnuz kêix 6/6, muôx xoz tuô ntơưv xar Phu Luông uô iz lênhx nênhs tuôs. Thâuv co, ntơưv Phu Luông muôx ntux lok nas lox đros xoz tuô, viv li công nhân Công ty TNHH Mắc ca Mường Then Điện Biên tưz lok trâu ntơưv luz tsêr têz chiê so chêk xoz tuô trâus luz tsêr têz no uô tix lâus Lò Văn Trần (zus shông 1991), nhoz jok Xôm, xar Phu Luông, zos công nhân hâur công ty trâus saz hnhar. Thâuv chox muk chơưv paz, lênhx nênhs no tưz trâus tuôs. Đhâu muôx yưv txuz xor xưv no, hâu nov huyện Điện Biên đros công ty tưz tsưr tsix sêiz nus thiêz paz trâu chuôz zis uô đaz uô kruô trâu nênhs trâus tuôs lơưr têx phongx cxưx ntơưv thax tsav qơư./.

Vũ Lợi-Lik Thox cxêik nhênhv

Qênhz yuôx, seiz car, yưr lir nênhs hâuk chơưr bia, zax zênhz thâuv cxaz chuôz zaoz thôngz, lưx lươngv cảnh sát zaoz thôngz Công an tỉnh Lai Châu tưz pov ntâu lênhx nênhs sir zôngv zax zênhz thâuv tsar yêz muk lok. Tsênhz mênhx, tsuôk hâur 1 ciêz hâur hlik hli 6, công an tưz uô ntâuz ntơưr 7 lênhx nênhs zôngv zax zênhz, hâur co muôx 2 lênhx zos nênhs tsar yêz ô tô thiêz 5 lênhx tsar yêz meir. Hâur tas cik hnuz xiêz 6/6, tuêv côngz xưv uô jênhv vưv sâuv thax tsav huyện Phong Thổ tưz qênhz yuôx, pov thiêz uô ntâuz ntơưr 4 lênhx nênhs, hâur co muôx 3 lênhx tsar yêz meir njuôs siv muôx zax zênhz. Hâur ntu zuôr txos, Lưx lươngv cảnh sát zaoz thôngz zuôr tror sir jos uô côngz xưv qênhz yuôx, truôx siêz yưr lir txos qơư têx lênhx nênhs hâuk chơưr bia, zôngv zax zênhz thâuv cxaz chuôz zaoz thôngz./.

Khắc Kiên-Txâur Vax cxeik nhênhv