Nas hmo, cử tri Yên Bái tror sêiz shuôk jông Côx hôiv li jiês nus lok têx hâux lưv cik txos zoz thôngz vận tải. Cử tri Nguyễn Hương Giang nhoz phường Yên Ninh, thành phố Yên Bái ntâuk gri chor jiês nus hâur 2 hnuz đhâu tâu uô truôx jông, muôx txơưx jênhv thiêz nus têz ndax trâu têx vênhv thix zov chênhr hâur cxuô kror hâux lưv. Ciês Bôv trưởng Nguyễn Văn Thắng têx luk têz, cử tri hêik tiêk:“Phênhv ntâu têiv plor chor luk nus tâu nus jông, huv zos. Bôv trưởng cux tưz têz lok six tsênhz mênhx, tiv zix zos sêiz car, uô têx côngz trinhx, vênhv thix đăng kiểm, lok sik têx cêr muk chênhr… Cử tri vav tiêk muôx Côx hôiv, Chinhr phuv sêiz car, Bôv Zoz thôngz Vận tải zuôr sâu tsês jông chor têiv plor têx ziv chênhv, sir jos kriz uô têx tsưr ziv tưz tso tơưv, đhâu co paz uô tâu trơưk li pêx xênhv siêz vav tok njôngr”./.

Đinh Tuấn-Lik Thox cxêik nhênhv

Ủy ban huyện Yên Châu, tỉnh Sơn La heik pâuz: Hnuz hội txir mo môngk jiês tiv 4 zuôr qir uô lok hnuz xiêz 10/6 zuôr txos no. Hnuz hội tâu uô ntơưv jok Khá, xã Sặp Vạt, đros trâu têx nuv li: Nthuôr uô lov jêv, sik tưr piêr kriê têx xiv huv kôngz nuv hâur 15 xã, thị trấn; sik tưr đhiê pax vuôk xòe, siz tưr đê txir mo môngk; muôz jông six hơưv trâu lênhx nênhs chos mo môngk tâu siz chuôs njiz, sik cơưv shâuv tsưr ziv chos, tu têx mo môngk chiê muôx tâu chor txir kaz, jông gâux. Iz chas ntơư, sik đros zuôr muôs, piêr kriê têx txir mo môngk Yên Châu; hu zâuv tsôngv kruô, doanh nghiệp tuôx ndis seiz, zok nriêr qơư sik hux jos uô nox, yưv pênhr huôv tsar ju lix./.

                                                                  Lê Hạnh-Riê Lâux cxeik nhênhv

Coz nas lok truz ntêr txix 11six iz tas hmo 8/6 txos têis cik sơưr nzor 9/6 uô trâu ntâu ntu cêr ntơưv Sơn La muôx đêx ngaz siêz. Hâur co, iz cxiê ntu cêr li Trường Chinh, Giảng Lắc, Trần Đăng Ninh… trâus đêx ngaz siêz, muôx têx ntux đêx ngaz toz muôx iz đok ntâu txos oz đok; iz cxiê ntu cêr đêx ntưk huôv chênhr sâuv plas cêr. Lơưr Tsênhv qơư njuôk ntux yar ntux nas Têz qơưk, faz Bắc tsênhv piz muôx ntux lok nas sâuv thax tsav đar, truz ntêr hâur 3 hnuz 8-10/6. Hâur jiês lok nas no, ntux lok nas lox trâu zar tsâuk ntux 9-10/6. Pêx sênhv sơưr đơưk tsuv uô jông sêiz shuôk, phax tar muôx đêx ngaz cuôr ntơưv têx thax tsav qơư kik thiêz muôx chuô lox, ar poz./.

                                                                Lê Hạnh-Lik Thox cxêik nhênhv

Hâur 3 luz hlik fuô uô luôs hâux lưv qênhz yuôx chor nênhs hâuk chơưr bia tsar yêz muk lol tâus cêr, lưv lươngv cảnh sát zoz thôngz Công an tỉnh Sơn La tưz qênhz pov, xưv bluô 6.500 ntâu lênhx nênhs uô cxâuv cui tinhv, bluô  tâu 24 tyv đeiv ntâu nhiêx. Lưv lươngv Cảnh sát zoz thôngz Công an tỉnh Sơn La tưz qênhz yuôx 4 cxênhz ntâu jiês, tso zuôr xar 17 cxênhz lênhx canr bôv chiến sĩ lês uô luôs hâux lưv qênhz yuôx, qênhz shuôs; sir jos xưv bluô chor nênhs uô cxâuv chei cheix yêz muk lol tâus cêr, lar heik zos hâuk chơưr bia uô ntêx thâuv zuôr tsar yêz. Thiếu tá Bùi Ngọc Bé, Đội tsar Đội Cảnh sát zoz thôngz-Công an TP Sơn La heik pâuz:“Đros trâu chox kriê sir jos xưv bluô cov txos qơư thiêz tsi jav lênhx nênhs tưs hlo, lưv lươngv Cảnh sát zoz thôngz TP Sơn La fuô uô hâux lưv thiêz qênhz shuôs jông hur si cxuô luz yêz muk lol, tsưr ziv zos yax kriê trâu pêx xênhv cor cav uô trơưk têx chei fuô kriê li: Tưz hâuk chơưr bia mak tsi tsar yêz muk lol tâus cêr. Iz chas ntơư, sir jos xưv bluô têx lênhx sir zôngv zax zênhz uz no thâuv tsar yêz muk lol tâus cêr, zôngx ziv uô muôx yêz siz yar siz tsông, chênhr viv li têx tsi jông li heik sâuv tưz txo grêk tsơưs ntâu”./.

                                                                 Lê Hạnh-Riê Lâux cxeik nhênhv