Shông 2018, huyện Trấn Yên muôx tsưr ziv chos 500 ha têx njuôs shôngz Bát độ, hâur ntơư xã Lương Thịnh sir jos chos 100 ha, xã Hưng Khánh 50 ha, Hồng ca 200 ha thiêz Kiên Thành 150 ha.

Iz jiês no, huôk njôngr thâuv têx hnuz ntux yar mê njik, têx xã hâur thax tsav njuôk hov, cêv kuôk liêx têz  chos njuôs shôngz tsênhv vênhv tôngv tsôngv box chos li chas cov txâuk têx têz tưz tâu choz. Têx cơ quan car uô đreiv luôs hâux lưv no tso canr bôv kỹ thuật muk têx thax tsav qơư kriê tsôngv box uô ar, bax zuz shôngz thiêz chos trơưk cui tinhv, taz por cov têx njuôs shôngz chiêx./. 

                                        (KT-Riê Lâux cxeik, nhênhv)

9.200 ntâu ziv chuôz zis txar qơư nhoz yiêz chor côngz trinhx tsêr mêir đêx tênhv sâuv thax tsav tỉnh Lai Châu tưz phênhv tưs truôx tuk luz nênhx thiêz uô xênhz yar. Đros bax jông ar nhoz trâu pox nhuôs, kror tsuv cưv txos xuz thơưx mak tỉnh Lai châu tsêx trung zos bax ar uô xênhz yar thiêz huôv tsar uô xênhz yar trâu pox nhuôs. Ntơưv chor thax tsav qơư nhoz yiêz, chor tsoz chos tưz tâu chos li cao sư, yuôx zêx, mắc ka, chos cxaz chiv blêx, poz cưk, huôv tsar tu zus, ntâuk muôz suôz njêl…zơưv Lê Trọng Quảng, phưv chủ tịch UBND tỉnh Lai Châu puz pâuz:

“Đros têx chox kriê li co viv li pox nhuôs luz nênhx tưz jông đuô thâuv ntêx. Viv li chox kriê uô xênhz yar nhoz no zos kror uô trâu tas nro ntu txar lok qơư nhoz yiêz thiêz uô đros zos cxiv tsa jêx jok yiêz, kho đuô uô xênhz yar ntơưv thax tsav nõ”./.

                                              (Tuyết Lan-Lik Thox cxêik nhênhv)

Trơưk li tsưr ziv, chiv kôngz ntux yiêz shông no, tas nro tỉnh Lào Cai tsêz chos tâu 10.100 ha blêx, hâur ntơư huyện Văn Bàn tsêz chos tâu ntâu yax zos 3.326 ha, txuôk lơưr co zos huyện Bảo Yên 2.635 ha, huyện Bát Xát 976 ha, TP Lào Cai 508 ha..... Chiv blêx cheix ntux yiêz shông 2018 tsêz chos  lis đuô pir li têx shông uô ntêx viv njuôk xav shông no  ntux no njiv lis đuô thiêz uô hiêv lox txos thâuv hâur hli iz, hli 2, ndax trâu six hơưv uô têx blêx. Đhâu ciês tsiêz têz qơưk, thâuv ntux sor mê njik tuôx, tsôngv box sđ tưz zênhx max lêis sâu chiv blêx cheix ntux tsâus, lêix thiêz uô ar, tsêz têx zuz liês trâu./.

                                       (KT-Riê Lâux cxeik, nhênhv)

Nhiv kruôr đhâu, ntơưv thax tsav Trạm qênhz yuôx ntus đriv pênhz phax Keo Muông, Đội phax tar zax zênhz thiêz nênhs phamv cxâuv Đônx pênhz phax Chiềng On (Bộ đội pênhz phax Sơn La) tưz cxov tâu Phạm Thị Chịa (SN 1988), nhoz ntơưv jok Móng Nặm thax tsav Móng Nặm thiêz Nang Chư Giang, zus shông 1985, nhoz ntơưv jok Phiêng Xa, thax tsav Phiêng Xa, huyện Xiềng Khọ, tỉnh Hủa Phăn (sik đros nhoz têz qơưk Lào) lok kror cxâuv thâux gra tsik zos chêi tsơưr zax zênhz.

Sâu tâu 3.200 luz yuôx zax zênhz tổng hợp, 25 gam zênhz đơưz, 2 luz điện thoại thiêz iz cxiê zav cik txos. Nhiv no Đônx pênhz phax Chiềng On tưz choz zok lênhx nênhs đros cxuô zav trâu cơ quan txơưx jênhv tror qênhz yuôx uô tsênhz mênhx./.

                                    (KT-Lik Thox cxêik nhênhv)