Phưv Thủ tướng Trịnh Đình Dũng hêik tỉnh Sơn La uô cov tiêr jông pov cov nhênhz chơưv txox cêr muk chênhr Hòa Bình-Mộc Châu, muôz trâu Thủ tướng Chính Phủ sêiz shuôk, cuêz tênhv. Hâur tsar tov pênhr jos tsênhv tsơưs, Phưv Thủ tướn hênhr kruôk tỉnh Sơn La tưz sik côngv jông đros chor Bôv, nganhx thiêz Ủy ban tỉnh Hòa Bình sir jos, bax jông thiêz hu grus yưv pênhr chiê uô dự án. Đhâu xar muôx 3 shông nhênhz chơưv, bax, txos nhiv no ntâuz ntơưr nhênhz chơưv uô zos Ủy ban tỉnh Sơn La chox kriê uô tưz tâu têx Bôv, nganhx, tiv phaz cik txos tso ziv chênhv  thiêz tâu Bôv tsưr ziv thiêz yưv pênhr qênhz shuôk lơưr cêr chêi têz qơưk li cuiz tênhv./.

                                  (VOV4-Lik Thox cxêik nhênhv)

Tiv trâus zênhr shar viv chuô txiêk, têx hnuz đhâu sâuv huyện Sìn Hồ tỉnh Lai Châu tror pov muôx ntux lok nas thiêz no njiv, uô zênhr shar txos cưk kriê thiêz shux xênhz li hâux lưv kriê thiêz cơưv ntơưr. Nganhx zaoz zux huyện Sìn Hồ tưz muôx ntâuz ntơưr chox kriê têx tsêr cơưv sik côngv đros chinhr quyênx têx tiv phaz tsov cưv tsoz phưz mê nhuôs shux xênhz, their jông têx qơư cơưv ntơưr, nox hâuk cov jông. Pos Nguyễn Thị Giang, Phưv Phongx zaoz zux thiêz thox cxov huyện Sìn Hồ puz pâuz:“ Phongx cux tưz chox kriê têx tsêr cơưv tsuv muôx đêx sor chiê phưx vưv shux xênhz 2 cxênhx cơưv zos cxênhx 1 thiêz cxênhx mê nhuôs zâu. Hâur côngz xưv tsoz phưz mê nhuôs cơưv bán trú tsuv taz por tsơưr pưr hâur têx hnuz ntux no njiv. Thâuv so ntơưr tsêr cơưv tsuv muôx tsưr ziv kriê cxaz trâu shux xênhz chiê taz por tsaz yênhx cơưv, tsi cxoz zuôv uô tsaz yênhx chiê cov taz por ”./.

                         (K.Kiên- Txâur Vax cxeik nhênhv)

Ntơưv thax tsav jok ntus đriv Bản Quẩn, xar Bản Phiệt, huyện Bảo Thắng, tỉnh Lào Cai, Công an tỉnh Lào Cai nhiv kruôr pov tas nro muôx 9 hnaz tsax txir pôngr lux zos têx thungr ntơưr, saz hâur muôx 10 poz fov ntơưr thiêz 24 luz fov ntơưr jông xưk li hôngz poz muôx ntơưr Trung Quốc. Ntơưv six hơưv qênhz yuôx xav jênhv tsik tâu tsưr chor hax huv co.

Đhâu thâuv uô ntâuz ntơưr sâu tsês chor hax huv co, lưx lươngv txơưx jênhv tưz uô têx ntâuz ntơưr, hlơưr por tsês chor hax huv co lơưr cuiz tênhv./.

                                       (An Kiên-Lik Thox cxêik nhênhv)

Shông 2018, tỉnh Yên Bái muôx yưv 197 txuz txiêz nanv zaoz thôngz, uô 49 lênhx nênhs tuôs, 226 lênhx trâus saz, liêv 314 luz yêz cxuô zav; txu grês 20 txuz, 4 lênhx nênhs tuôs, 12 lênhx trâus saz pir đros shông 2017. Chiê txu grês tâu qênhx shênhx no, Trung tá Vũ Thanh Tùng, Phưv tsar phongx cảnh sát zaoz thôngz, Công an tỉnh Yên Bái puz pâuz:“Đros thiêz côngz xưv yax mông, pêz cxơưz tiês côngz xưv qênhz yuôx, seiz car chiê pov, yưr lir têx uô cxâuv lok taz por zaoz thôngz. Cxơưz tiês thiêz uô jông têx tsưr ziv taz por zaoz thôngz. Hâur co, muôx têx njiêz luv chiê pêz tsov cưv zos yưr lir nênhs hâuk chơưr bia, nênhs mul chênhr mul tul thâuv cxaz chuôz zaoz thôngz”./.

                          ( Thừa Xuân- Txâur Vax cxeik nhênhv)