Trơưk li thôngz sâu lok moz Covid-19 uô hiêv, txos tas hli 4 tso pov, tas nro tỉnh Lào Cai muôx 16.500 lênhx lox tôngv trâul uô hiêv, hâur co 1.500 lênhx trâul tso tsês tsi muôx hâux lưv uô. Têx hâux lưv trâul uô ruôr hiêv ntâu đuô hur si zos: Jux lix, uô jâuz uô mor nox, têx hâux lưv paz max (muôx nhos 590 taz viv); Muôv muôs, yêz thâux xa kruô (muôx nhos 200 taz viv); yuôr đuô li zos têx hâux lưv li: công nghiệp, cxiv tsa..... Trơưk li mông txix ngênhx lox tôngv, xaz pênhz thiêz XH, txos tas hli 4/2020 muôx 666 lênhx lox tôngv tsi muôx hâux lưv uô heik cov tâu paz max, tsar ndê 256 lênhx (tsav 62% ntâu) pir li shông 2019. Nhiv no, Ủy ban tỉnh tưz muôx ntâuz ntơưr chox kriê cxuô cấp, ngênhx, cơ quan, taz viv, ntơưv qơư fuô uô têx tsưr ziv paz max doanh nghiệp khưx phưx huôv tsar uô nox, paz nênhs lox tôngv; heik têx tsưr tsix nhiêx txiêx cov uô huv đros, zênhx max thiêz txâuk têx pênhr paz ntơư txos trâu lênhx nênhs, doanh nghiệp.....trâul uô hiêv./.

(KT-Riê Lâux cxeik, nhênhv)

Lơưr xor mông txix tsêr kho moz Đa khoa huyện Thuận Châu, tỉnh Sơn La, tsêr kho moz nhiv kruôr txêik kho iz lênhx nênhs moz tuôx chơưv paz cxêik têk trâus to njôngs tas, trâus saz ntơưv kror muôs, njêx muôs, hâur siêz thiêz chax baz. Nênhs moz zos C. V. L 15 shông, nhoz jok Nà Tong, xar Chiềng Ly, huyện Thuận Châu. Chuôz zis puz pâuz, qir tiv zos tiv điện thoại tơưs thâuv L cê sav điện thoại cê zôngv điện thoại uô si. Chor bác sĩ tsêr kho moz tưz sêi đrơưv chơưv paz, xưv lik têx trâus saz. Nhiv no, L tưz tror muôx jos. Têx trâus saz, têx jâuv zos trâus tuôs tiv điện thoại tơưs cuz thâuv cê sav, cê zôngv điện thoại uô uz no tưz tâu hêik pâuz ntâu, viv thâuv điện thoại tơưs mak zuôr ruôr hiêv chuôs li iz luz hôngz poz. Taz sik, tiv cor cav tsik tâu hlôngr yiêz, uô trâu txiêz nanv tsik so muôx yưv. Xưk li C. V. L cux zos iz kror tror hêik trâu sơưr đơưk pâuz tsik cxoz cê sav điện thoại cê zôngv điện thoại uô si lok sik uô cxuô zav uz no sâuv luz điện thoại co./.

(Đắc Thanh-Ly cxêik nhênhv)

Têx lưv lươngv muôx vax huôv tỉnh Điện Biên nhiv kruôr ntêk tâu Zax Chứ Thủ, xênhz zus shông 1976, nhoz ntơưv xã Keo Lôm, huyện Điện Biên Đông, tỉnh Điện Biên tsênhv thâux gra tsi trơưk chei zax zênhz nhiês mul lok đhâu cêr mê chiê muôs. Têx chuôz zênhx sâu tâu ntơưv qơư muôx 4 poz zênhz đơưz, iz luz xor tôngx mê gra ntơưv têk, iz luz yêz meir thiêz ntâu zav chuôz zênhx txơưr đuô cik txos. Krêz lênhk trâu cơ quan muôx vax huôv, Thủ heik pâuz, thâuv hnor tiêk Công an uô hâux lưv seiz jor têx cêr mê, cêr lus mul lok đhâu zuôr uô hâux lưv por hưv ntênhs chiv nhênhv 66 shông Hnuz ntâuk zênhx trok châuz Điện Biên Phủ, viv li Thủ xar tiêk, têx thax tsav, cêr mê lus mul lok co zuôr tsi muôx nênhs seiz jor, Thủ tưz huôk six hơưv, hnuz nhôngs thâuv co chiê thâux gra zax zênhz muk muôs. Nhiv no txuz plâuz co tsênhv tâu Công an tỉnh Điện Biên tror qênhz yuôx, uô tsênhz mênhx./.

(Vũ Lợi-Riê Lâux cxeik, nhênhv)