Phêv ziv cxơưz tiês yưv pênhr tỉnh Sơn La shông 2017 zuôr tâu tsưr tsix hâur 2 hnuz 16,17/7 ntơưv huyện Mộc Châu, tỉnh Sơn La. Phêv ziv muôx lênhs tov côx hôiv, chính phủ; 23 Bộ, nganhx, Trung ương; 10 Đại sứ quán, 7 lênhx paz txưv pênhr ODA cxaz chuôz. Đrâuv co tsênhv muôx hlôngr njêx muôs 9 zênhx hangx, 15 tập đoàn kinh têr, 70 doanh nghiệp hâur thiêz đrâuv luôk oz chas têz qơưk. Phêv ziv tâu tsưr tsix zos six hơưv chiê tỉnh Sơn La heik kriê têx kror muôx jos, bê têx dự án zaz zâuv yưv pênhr, tỉnh li têx cam kết đros têx lênhx nênhs yưv pênhr. Lơưr co, tỉnh Sơn La tso tơưv bê têx dự án hu grus yưv pênhr lol thax tsav tỉnh cxôngx nhiv no txos shông 2020, đros 18 dự án nhoz hâur têx vênhv thix kôngz nuv, công nghiệp, jix vuv- qơư ju lix thiêz cơ sở cxuô zav, tsêr cơưv ntơưr...../.

                                                                                                           (Hồng Việt-Txâur Vax cxeik nhênhv)

Uô ntêx qênhx shênhx ntux nas chuô đêx ngaz cuôr ziv hnuz ziv txơưr txar phiv liv ntơưv thax tsav Tây Bắc hêik cxuô, tỉnh Điện Biên hêik taz, nganhx tênhv jos tỉnh Điện Biên tưz tso nzir cán bộ muk tiv phaz chiê xưv lik tâu têx phiv liv chiê taz por ngaz tuk tênhv tênhz 110 KV muôx cxix xcuô sâuv thax tsav. Chi nhánh tênhv jos hluô siêz Điện Biên muôx jênhv vưv sêiz car tso oz trạm biến áp 110 Kv Tuần Giáo thiêz Điện Biên thiêz chor xor tênhv 110 Kv Thuận Châu-Tuần Giáo; Tuần Giáo-Điện Biên…ntêr muôx 164 cêik cêr. No puôr lênhx zos chor xor tênhv zov chênhv cungz tênhv sâuv thax tsav tỉnh. Zơưv Hoàng Văn Chiến, Giám đốc chi nhánh tênhv jos siêz tỉnh Điện Biên hêik:“Chiê taz por cxiv luôs tênhv tâu tso ngaz tuk mak taz viv tsik so tso cán bộ qênhz yuôx tex qơư phiv liv, zov chênhr tsik chiê muôx yưv ar poz ntơưv têx qơưk nhoz jê đêx uô poz nđê tênhv. Txix co taz por tênhv jos tâu tso ngaz tuk thiêz xưv lik ndar six hơưv têzz phiv liv muôx yưv hâur chêix ntux nas chuô”./.

                                                                                                                    (Vũ Lợi-Lik thox cxêik nhênhv)

Tsi so hâur 2,3 hnuz đhâu sâuv ntâu tiv phaz nhoz tỉnh Yên Bái muôx ntux lol nas lox uô đêx sâuv tul đêx Liêz ntu đhâu thax tsav tỉnh pur tuôx. Tas cik hnuz xiêz 10/7, đêx ndê txos 29,43 yiv, zar hnuz keix đros hnuz, đêx ndê txos 29,56 yiv. Đêx pur siêz tuôx tưz uô ngaz iz cxiê mênhv chêx ar jôngz nuv thiêz pox nhuôs li tsoz chos cxuô zav nhoz sâuv ntus đêx. Đêx tror ntưs lol, njuôs pov 12 six zuôr txos, đêx sâuv tul đêx Liêz zuôr tax 29,60 yiv. Tỉnh Yên Bái tưz chox kriê têx tiv phaz seiz jông qênhx shênhx ntux nas, canhv pov, heik kriê tsôngv box phax tar đêx ngaz./.

                                                                                                                      (Thừa Xuân- Txâur Vax cxeik nhênhv

Zar hnuz kêix 10/7, chính quyền thị trấn Than Uyên, huyện Tân Uyên, tỉnh Lai Châu xav jênhv, hnuz 9/10 sâuv thax tsav nhiv kruôr muôx iz lênhx nênhs trâus đêx cuôr yôngz. Tsênhv tsênhz, zar hnuz kêix 9/7, pov đêx huôv sâuv đêx Nậm Chăng nhoz thax tsav, chôngz lênhx pêx xênhv nhoz thị trấn Than Uyên tưz siz zâuv muk muôz tơưl. Thâuv muk lêix liêx lok, pov đêx cuôr ntâu tơưl, zơưv Lù Văn Sinh, nhoz jok 24, thị trấn Tân Uyên cux đros sơưr đơưk muôz tơưl. Thâuv tsênhv sir jos muôz zar char tơưl hâur luz đraz đêx lok sâuv ntus, zơưv Sinh tưz plav tơưl pôngz trâu hâur đêx. Thâuv pov zơưv Sinh trâus đêx cuôr, chôngz lênhx nênhs tưz sir jos paz. Taz sik, tiv đêx lox ntưk chênhr, viv li thâuv cuôr yôngz muôx 200 yiv mak trâus plox đêx thiêz tsik pov. Đhâu muôx ciês txuz hâux lưv no, pêx xênhv tưz hêik trâu chính quyền tiv phaz thiêz ziv chuôz zis pâuz chiê zok nriêr. Txos têik cik 10/7, chính quyền tiv phaz thiêz nênhs hâur tsêr tưz zok nriêr tâu zơưv Sinh. Nhiv no chính quyền tiv phaz thiêz chor tsưr tsix đoanx thể jok cux tưz tuôx sêiz nus, paz trâu chuôz zis uô đaz uô kruô trâu nênhs trâus tuôs./.

                                                                                                                              (Khắc Kiên-Lik Thox cxêik nhênhv)