300 ntâu lênhx tuz nxêik hluôk, nhuôs zâu cxuô mênhx cxưx nhoz xar ntus đriv Lao Khô, huyện Yên Châu, tỉnh Sơn La nhiv kruôr  tâu tsưr tsix tok tsiêz Trung thu nzor đuô đros tsưr ziv zos paz trâu chor nhuôs zâu nhoz tox siêz. Chôngz lênhx uô niêv uô txir tưz tso cêr khưr tsês chiê chox chor nhuôs tuôx cxaz chuôz txix thâuv lok six nzor. Chor nhuôs zâu tâu ban tsưr tsix khơưk muôz nduôr thax thiêz 50 lênhx muôx luz nênhx txov nhêv tâu khơưk muôz học bổng. Jiês no tsênhv muôx ntâu kror huôx tôngv jông, lov jêv li: sik tưr trâu tsuv cxuô zav nox, hu gâux đhiê pax vuôs, têx zav uô si cxôngx nzor… uô trâu hnuz tsiêz Trung thu ntơưv no hax zav lov jêv đuô./.

(Đắc Thanh-Lik Thox cxêik nhênhv)

Xor mông jông trâu têx mê nhuôs zâu nhoz tỉnh Sơn La. Cxôngx hnuz 21 txos 22/9/2019 no, tsaz yênhx plơưr trâu mê nhuôs zuôr tuôx seiz njuôs tsi zuôr nhiêx txiêx trâu mê nhuôs tsi tâu nto 16 shông nhoz ntơưv tỉnh SƠn La, muôx têx bác sĩ tuôx cxôngx tsêr kho moz plơưr Hà Nội. Qơư tsưr tsix seiz njuôs zos ntơưv tsêr kho moz đa khoa tỉnh SƠn La số 21-tuêv 4- cêr Lò Văn Giá, phường Chiềng Lề, thành phố Sơn La.

No zos xor mông jông thiêz zos jiês chiê têx lênhx uô niêv uô txir tso mê nhuôs muk seiz njuôs nzor tiv zix moz plơưr cxôngx co tâu sơưv têx tsưr ziv kho moz huv đros. Pox nhuôs tsuv tsov cưv txos hâux lưv no zov!./.

( Txâur Vax cxeik nhênhv)

Txix hmoz 9/9 txos zar zuôr tsâuk ntux hnuz 10/9, cxuô thax tsav qơư hâur tỉnh tsik so muôx ntux nas, têx qơư lok nas lox thiêz muôx chuô. Njuôk xav, jiês ntux nas no zuôr lok txos hnuz 12/9, viv li, zôngx ziv muôx yưv ar poz, đêx ngaz cuôr ntơưv têx qơư tox trôngz siêz chor huyện Mù Cang Chải, Trạm Tấu, Văn Chấn, Văn Yên; đêx ngaz ntơưv têx qơư kik nhoz tỉnh. Chiê txo grêk tsơưs têx trâus hiêv phiv liv tsik jông muôx yưv, têx tiv phaz tưz yax kriê, hêik pêx xênhv sêiz kaz truôx jông qênhx shênhx ntux nas chuô chiê phaz tar; bax tsưr ziv chiê txar chor ziv chuôz zis nhoz hâur thax tsav zôngx ziv njiz trâus ntux têz uô hiêv muk trâu têx qơư ngaz tuk đuô; pêx xênhv sơưr đơưk tsik tsuv muk đhâu têx cưx đêx, cưx ha, pư ntơưv têx tsêr têz…pos Lê Thị Thu Hà, Phưv chủ tịch UBND huyện Trạm Tấu, tỉnh Yên Bái puz pâuz:“Huyện tưz tso nênhs muk yax kriê, bax nênhs chiê txar jav chor chuôz zis zuôr njiz trâus têx phiv liv muk trâu têx qơư ngaz tuk. Txos six hơưv no, chor chuôz zis nhoz ntơưv têx qơư phiv liv mak huyện tưz sêiz kaz truôx jông. Tiv oz zos huyện tưz hêik trâu chor chuôz zis nhoz ntơưv têx tsêr têz, ntus cưx đêx, cưx ha pâuz chiê txar lok trâu ntơưv têx qơư ngaz tuk đuô”./.

(Thừa Xuân-Lik Thox cxêik nhênhv)

Nhiv kruôr đhâu, ntơưv thax tsav jos Na Phát C, xã Na Son, huyện Điện Biên Đông, tỉnh Điện Biên, tuêv côngz xưv nhoz tuêv phax tar zax zênhz thiêz nênhs phamv cxâuv công an huyện Điện Biên Đông ntês tâu iz lênhx txir nênhs nhoz hâur chuyên án zax zênhz phưx txuôx mak taz viv tsênhv qênhz yuôx. Đhâu qênhz yuôx, lưx lươngv muôx txơưx jênhv pov, sâu tau 3 đeiv zênhz đơưz tso hâur luz hnaz tax njuôz, iz luz yêz meir. Ntơưv chiz coaz công an, lênhx nênhs co heik bê zos Di Xênhv Lâux, xênhz shông 1980, nhoz jos Tào Xa B, xã Phiz Nhưx, huyện Điện Biên Đông. Di jênhv tưz zuôr tas nro chor zax zênhz no thiêz tsênhv chox mul muôs chiê sâu liv txơưv trâus ntês cxov. Nhiv no côngz an huyện Điện Biên Đông tsênhv tror qênhz yuôx, krêz đar chuyên án./.

(VOVTB-Txâur Vax cxeik nhênhv)