Nhiv kruôr no, Ủy ban tỉnh Sơn La tso tơưv tsưr ziv lok sâuv txeik tok têx lênhx pêx xênhv trâul uô ruôr hiêv tiv moz Covid-19  txix TP HCM thiêz iz cxiê tỉnh faz Nam tror lok hâur thax tsav qơư txix cheix yêz za tsi tas nhiêx txiêx. Iz chas co, six hơưv yêz za thâux xa chor pêx xênhv heik sâuv njuôk xav zuôr qir lok trâu hnuz 13/10/2021; têx lênhx tâu tok lol zos pêx xênhv hâur tỉnh Sơn La, tsênhv muk nhoz thiêz uô hâux lưv ntơưv tỉnh Bình Dương, Đồng Nai thiêz TP HCM, xar tror lok hâur tỉnh Sơn La tiv muôx moz Covid-19 uô ruôr hiêv. Xav hur si têx lênhx tâu tok lol hâur jiês no muôx nhos 217 lênhx, zos têx lênhx tsi trâul moz, đhâu seiz njuôk shuôs 3 hnuz, tsi pov trâul moz SARS-CoV-2 xav txix thâuv sơưr cêr txix Bình Dương, Đồng Nai thiêz TP HCM chiê lok hâur tỉnh Sơn La, taz por muôx txâuk đas jos thâuv ndê trâu sâuv yêz lok hâur qơư nhoz. Têx lênhx tâu tok lol uô ntêx zos chor nênhs lâul, nhuôv zâu; pox niêv xênhz tuz ci hâur chêr, pox niêv tsênhv muôx nhuôv mê tsi tâu tâu muôx 3 shông ntơư, nênhs lox tôngv tsênhv trâul muôx moz gênhk thiêz iz cxiê lênhx lox tôngv trâul pôngz hâux lưv uô njiz trâul phiv liv./.

 (Thu Thùy-Riê Lâux cxeik, nhênhv)

Pos Vũ Thị Hiền Hạnh, Phưv Chủ tịch UB tỉnh Yên Bái puz pâuz: Tsôngv box cxôngx TPHCM thiêz têx tỉnh faz Nam tror lok tiv phaz jiês no zuôr tâu tỉnh paz qơư nox nhoz, njuôs siv tsi pôngz nhiêx txiêx hâur ntu cêv kuôk chêx chôngk. Lơưr pos Hạnh, Chính phuv li nghị quyết số 16 cui tênhv, nênhs cêv kuôk tsuv khiêz nhiêx txiêx cêv kuôk muôx: nhiêx nox thiêz xênhz huôx. Taz sik tsôngv box cxôngx TPHCM thiêz têx tỉnh faz Nam tror lok nhiv no tsênhv njiz ntâu phêv liv viv cêv kuôk ntêr, tsi muôx hâux lưv uô, tsi muôx phênhv sâu...Viv li, tỉnh Yên Bái zuôr paz chor nhiêx txiêx cêv kuôk, nhiêx txiêx njuôs siv caz moz SARS Cov 2. Tâu pâuz, jiês no, muôx zuôr xar 1 cxênhz 300 lênhx tsôngv box tỉnh Yên Bái đăng cir lok tiv phaz thôngz đhâu têx chiz coaz muôx txơưx jênhv tỉnh. Chính quyênx tiv phaz tưz cxiv tsa tsưr ziv tos tas nro têx lênhx nênhs no hâur 2 txos 3 jiês cxôngx cêr yêz za; hâur co, jiês xuz thơưx zuôr uô txix đraz hli 10, đros muôx nhos 460 lênhx tsôngv box tâu tos tror lok tiv phaz./.

(TTTB-Txâur Vax cxeik nhênhv)

Têx hnuz lok no, thâuv Lào Cai qir uô luôs hâux lưv cxax yuôx phax phôngz moz Covid-19 trâu chôngz lênhx ntâu tus, mak ntơưv têx xã, lar heik zos hâur thax tsav tox siêz Lào Cai, lok six chôngz lênhx pêx xênhv, hur si chor nênhs tsi pâuz ntơưr, tsi yuô pâuz lok Choz Tsiz cux muôx tsưr ziv zok nriêr cêr tuôx trâu têx qơư cxax yuôx phax phôngz moz chiê tâu heik kriê, cxax yuôx. Txix hnuz xiêz 07/10 txos nhiv no, qơư cxax yuôx phax phôngz moz gênhk ntơưv Phongx seiz njuôk shuôs moz thax tsav Cán Cấu, huyện Si Ma Cai, tỉnh Lào Cai, ciês thâuv tas cik sơưr nzor tưz muôx lok six ntâu lênhx pêx xênhv tuôx sơưr uô yênhx hax nhoz tok chiê tâu cxax. Phênhv ntâu zos tsôngv box heir nênhs tsơưs, tsi yuô tâu muôx txux chi tsưr ziv jênhv pâuz, tsi tâu pâuz mênhx txos têx caz moz Covid-19, taz sik lơưr cux njênhs njôngr trâu hâu nov thiêz têx lênhx cưk yuôx. Zơưv Hảng Seo Sú, nhoz jok Seng Sui, xã Lùng Thẩn heik:“Tsuôk hnor xã tiêk, cxax yuôx chiê phax phôngz moz Covid-19, pêz chiê siz zâuv tuôx xưz. Cur tsênhv heik têx cưr tix nênhx tsa tiêk, zos lênhx tưs tsi tâu cxax mak tuôx cxax chiê muôx nzir đas jos phax tir têx moz gênhk. Bác sĩ cux heik, zos cxax chor yuôx no trâu zuôr tsi yuô trâul cik tâu caz moz Covid-19”./.

 (An Kiên-Riê Lâux cxeik, nhênhv)

Xor mông txix Tsênhv qơư sêiz car phax tar moz Covid-19 tỉnh Lai Châu puz pâuz, tiv phaz nhiv kruôr sâu jênhv 2 lênhx nênhs trâus moz Covid-19 zos tsôngv box cxôngx tỉnh Bình Dương tror lok. Lơưr qênhz yuôx, hli 2/2021, têx lênhx nênhs moz no cxôngx tỉnh Lai Châu muk Bình Dương chiê uô hâux lưv; hâur co 1 lênhx uô ntơưv xã An Điền, thị xã Bến Cát, 1 lênhx uô ntơưv qơư công nghiệp Tân Bình. Hâur têx hnuz cxôngx xiêz 2 txos xiêz 8/10, 2 lênhx nênhs no muk yêz meir đros têx lênhx nênhs txơưr cxôngx Bình Dương lok txos Hà Nội thiêz tâu lưx lươngv muôx txơưx jênhv paz chox lok txos qơư seiz car moz Covid-19 số 01 ntơưv xã Sơn Bình, huyện Tam Đường, tỉnh Lai Châu. Tỉnh Lai Châu nhiv no cux tsênhv chuôz tsar yax mông, vênhv tôngv tsôngv box tsênhv nhoz thiêz uô hâux lưv ntơưv têx tỉnh muôx moz nhoz faz Nam tsi cxoz chiv chir tror lok tiv phaz. Zos xar tror lok tiv phaz tsuv đăng cir đros chinhr quyênx tiv phaz qơư zuk nhoz uô nênhx; đhâu co chinhr quyênx tiv phaz zuôr thôngz pov txos têx chiz coaz muôx txơưx jênhv. Đhâu co têx tiv phaz zuôr cxiv tsa tsưr ziv tos tsôngv box tror lok tiv phaz cov taz por./.

(K.Kiên-Txâur Vax cxeik nhênhv)