Nhênhz chơưv têx tsưr ziv trâu nganhx Y têr, tiv zix zos têx tsưr ziv hlôngr yiêz, muôz siêz đuô tsơưr lươngv njuôk shuôk paz đas jos trâu nênhs moz, cxiv tsa trạm y têr tax ploz tsênhr têz qơưk, têx tsưr ziv hâur nganhx y têr côngv thôngx nhiv no, zơưv Nguyễn Quang Thuần, Phưv Bí thư Thường trực xar Yên Thắng, huyện Lục Yên, tỉnh Yên Bái puz pâuz:“Lơưr cur chiê uô tâu tsưr ziv no mak tsuv muôx chor nganhx Y têr cux xưk li tas nro xar hôiv đros uô. Tiv iz, tror yưv pênhr uô vax tsêr cxuô zav, tax tâu nganhx y têr li zoz qơưx; tiv oz zos kruôz kriê, sir zôngv pênhr jos tsơưr lươngv siêz trâu têx hâux lưv y têr; tiv pêz zos moz siêz txos yưv pênhr uô vax tsêr cxuô zav, lênhx nênhs muôx txux chi siêz trâu y têr nhoz cxuô qơư; tiv plâuz zos tsuv sêiz shuôk jông têx Y têr đrâuv công lập”./.

(Thừa Xuân-Lik Thox cxêik nhênhv)

Uô lơưr tsưr ziv côngz xưv txuôk đros oz chas têz qơưs pênhz phax shông 2020, tas cik hnuz xiêz 10/11, ntơưv thax tsav ndêx cxok kuôk cêv đriv têz 144, Bộ Chỉ huy Bôv đôiv pênhz phax tỉnh Điện Biên (VN) tưz cơưv seiz lax đros Bộ Chỉ huy txiv ngaz tỉnh Luông Pha Băng, têz qơưk Lol Tsuôk chiê ntâu grê têx luôs hâux lưv sik hux jos hâur seiz car, tsưx phưv đriv têz, trôngx đriv 2 têz qơưk. Sâuv sik thôngx siêz, sik paz lês uô têx hâux lưv li heik sâuv, 2 tos tưz sik thav, siz heik kriê lok qênhx shênhx txiv ngaz chính trị thiêz truôx tuk XH nhoz thax tsav ntus đriv. Six hơưv đhâu, 2 tos tưz sik paz ruôr por tsês tâu 3 txuz nhiês zuôr muôs, uô luôv zax zênhz lox, ntêk tâu 5 lênhx nênhs, sâu tsês muôx 310 cxênhz njiêr yuôx shơư zênhz; uô têx ntâuz ntơưr trâu têx lênhx nênhs muk lol đhâu hâur têz qơưk; đros qênhz yuôx shuôs đas jos thiêz chox muôx 100 lênhx nênhs lok hâur têz qơưk mul nhoz kuôk cêv trâu iz kro hâur 14 hnuz. Bộ Chỉ huy Bôv đội pênhz phax tỉnh Điện Biên tưz seiz njuôk shuôs, kho moz tsi zuôr nhiêx trâu 470 lênhx canr bôv, px hâur thax tsav ntus đriv huyện Phôn Thoong, tỉnh Luông Pha Băng, Lol Tsuôk. 2 tos xav tinhv, hâur six hơưv zuôr txos, tsuv tror sir jos yax kriê têx chei trâu tsôngv px 2 saz đriv têz uô jông lơưr Hiệp định lok cui tinhv seiz car đriv têz thiêz trôngx đriv, têx ntâuz ntơưr sik seiz lax, thôngx ziv mak têz qơưk tưz cir...., sik đros tsưx phưv đriv têz truôx tuk, huôv tsar./.

(Vũ Lợi-Riê Lâux cxeik, nhênhv)

Tsưr ziv uô paz txo grêk tsơưs siz zuôr nzor, zuôr cxênhz jê ntơưv huyện Phong Thổ, tỉnh Lai Châu tưz paz phax tar, txo grêk tsơưs siz zuôr nzor, zuôr cxênhz jê, hlôngr yiêz đuô tsơưr lươngv dân số. Tsưr ziv no tâu Tổng cục dân số-Tsưr ziv xênhz zus mê nhuôs hâur chuôz zis tso tơưv nhoz Cuêz tênhv số 200/QĐ-TCDS hnuz 28/8/2009. Đhâu 11 shông kriz uô, sâuv thax tsav 5 xar hâur huyện uô tsưr ziv no tsik pov muôx jiês tưs siz zuôr cxênhz jêz; chor nênhs siz zuôr nzor tâu txo grêk tsơưs ntâu. Zos tiêk shông 2016, chor nênhs siz zuôr nzor jok Bản Lang zos 22% ntâu mak txos shông 2019 tưz grêk tsơưs yuôr muôx 5% ntâu; xar Lả Nhì Thàng grêk txix 66% ntâu txos yuôr 46% ntâu thiêz ntâu luz xar txơưr đuô cux grêk tsơưs ntâu./.

(Bao LC-Lik Thox cxêik nhênhv)

Ntơưv jok Chu Lìn 1, xã Trung Chải, thị xã Sa Pa, tỉnh Lào Cai, Phongx Cảnh sát qênhz yuôx têx nênhs fêv zuôr muôs uô luôv zax zênhz-Công an tỉnh Lào Cai nhiv kruôr tok cêr, ntêk tâu 2 lênhx txir nênhx tsar yêz meir thâux gra đros ntâu zax zênhz. 2 lênhx nênhs co tâu xav zos Hạng Seo Trung, xênhz shông 2001 thiêz Tsaz Seo Sấn, xênhz shông 1996, puôr lênhx nhoz ntơưv jok Nàn Lý, xã Nàn Ma, huyện Xín Mần, tỉnh Hà Giang.

Têx chuôz zênhx sâu tâu muôx 72 cxênhz njiêr yuôx shơư zênhz, jêik tsês jông hâur luz hnaz ba lô Hạng Seo Trung êr. Trung thiêz Sấn krêz lênhk tiêk, tưz siz zâuv muk tỉnh Điện Biên zuôr chor yuôx shơư zênhz co tas muôx 540 tsov đeiv, đhâu ntơư gra lok Hà Giang chiê muôs. Trung tsênhv zos lênhx trâul Công an tỉnh Hà Giang tso chei yơưz phơưz lok sâuv tuô nênhs thiêz.

Nhiv no txuz nuv co tsênhv tror tâu lưv lươngv muôx vax huôv qênhz yuôx, uô tsênhz mênhx./.

(An Kiên-Riê Lâux cxeik, nhênhv)