Thu Thùy, nênhs sâu xor xưv Đaix TNVN thax tsav faz Bắc xa mông txix Sơn La: Xor mông txix Sở y têr tỉnh Sơn La puz pâuz, 3 lênhx nênhs nhoz jê nênhs trâus moz lok ntơưv Sơn La tưz tâu njuôk shuôk tsik trâus moz jiês iz caz moz Sát Covi-2.

Uô ntêx co, đhâu thâuv muôx Bôv Y têr li hêik pâuz sêi số 27, Sở y têr tỉnh Sơn La tưz tsưr tsix qênhz shuôk, đhâu co xav jênhv 3 lênhx nênhs đros nhoz ntơưv tôv 3, phường Tô Hiệu, thành phố Sơn La zos chor nênhs chêix đros sâuv jiês yêz za VJ770 txix Nha Trang lok Hà Nội trâu hnuz 30/7 (zos jiês yêz za muôx nênhs trâus moz covid-19 số 751). Đhâu ciês co, tas nro 3 lênhx nênhs no tưz tâu chor muk cêv kuôk y têr ntơưv qơư cêv kuôk tsêx trung nhoz Trung đoàn 754, Bôv Chỉ huy quân sự tỉnh Sơn La; đros co zos njuôk shuôk moz. Xuz thơưx puz pov, tas nro 3 lênhx nênhs no đas jos cux tsênhv jông li kuz, tsik tâu pov trâus cik caz moz./.

(Thu Thùy-Lik Thox cxêik nhênhv)

Vũ Lợi, nênhs sâu xor xưv Đaix TNVN nhoz thax tsav faz Bắc xa mông txix tỉnh Điện Biên: Đhâu 2 hnuz thik tưr cơưv tiêr ntơưr lớp 12 (9-10/8), lơưr Sở Zoz zux tỉnh Điện Biên ntâuk gri sêi, jiês thik sâuv thax tsav tâu tsưr tsix ngaz tuk. Taz sik, ntơưv iz kror qơư thik sâuv thax tsav huyện Điện Biên tưz njiz trâus phiv liv, uô 7 qar thik, đros xar muôx 120 lênhx shux xênhz tsuv thik đuô môn Địa Lý trâu têis cik 11/8 chiê taz por siz bâus, tsơưr lươngv.

Đhâu ciês suôv câuv jiês thik lơưr kaz zos môn ngoại ngữ, kaz zar hnuz kêix 10/8, Sở Zoz zux tỉnh Điện biên tưz hêik pâuz lok jiês thik cơưv tiêr ntơưr lớp 12 sâuv thax tsav đros kror phiv liv chor shux xênhz tsuv thik đuô môn Địa lý trâu têis cik 11/8, Sở Zoz zux tỉnh Điện Biên tưz hêik trâu ban chox kriê thik tưr cơưv tiêr ntơưr lớp 12 tỉnh Điện Biên, đros co zos hêik trâu Ban chox kriê thik tưr trung ương. Đhâu thâuv tâu Bôv Zoz zux thôngx ziv, Ban chox kriê thik tưr cơưv tiêr ntơưr lớp 12 tỉnh Điện Biên tưz bax trâu 7 qar thik, xar muôx 120 lênhx shux xênhz tror thik tưr đuô trâu têis cik 11/8./.

(Vũ Lợi-lik Thox cxêik nhênhv)