Trơưk li zơưv Lê Phương, chi cục trưởng chi cục hải quan trôngx đriv Laox Cai hêik pâuz, hâur têx hnuz đhâu lok no, txir Thanh Long txix cxuô tỉnh faz Nam cux tsênhv six muôs trâu Trung Quốc. Xav kror đruôz đraz, iz hnuz muôx xar 100 luz yêz tuôx zuôr txir Thanh Lông trâu thax tsav ntus đriv; xav chor txir Thanh Long co muôx xar 2 cxênhz tấn.

Chênhr zos li hêik ntơư, xav txix hâur shôngk shông txos trâu nhiv no, muôx xar 540 tấn txir Thanh Long tâu muôs đhâu trôngx đriv muk trâu Trung Quốc, tsar ndê 360% pir li shông 2017; têx nhiêx muôs txir Thanh Long sâu tâu xar muôx400 triệu USD./.

                                                          (Tsu cxêik nhênhv-Trấn Long)

Ntơưv tsênhv qơư Hội Nghị-vênhx huôv tỉnh Điện Biên, Hội nthuô uô cêr lov jiês tiv 5, shông 2018, tưz uô sâuv câuv đhâu oz hnuz tưr lov jêv lul. Muôx 500 lênhx tuz nxêik hluôk tuôx txix 17 đoanx, nthuôr uô 110 jax cêr lov jêv li: Hêik gâux, hêik cưr cxiêx, đhiê pax vuôs….Ntơưv jiês suôx câuv nthuôr uô cêr lov jêv no, ban tsưr tsix tưz muôz huv puz trâu chor đoanx uô tâu cêr lov jêv jông, tâu sđ kruôk txos./.

                                           (Tsu cxêi nhênhv-KT báo Điện Biên)

Uô chính sách paz txưv cxur trâu shux xênhz ntơưv têx tsêr cơưv thax tsav txov nhêv, huyện Sốp Cộp, tỉnh Sơn La tưz tos jênhv thiêz muôz 308 ntâu tênhr cxur jiês tiv 3 shông cơưv 2017-2018 thiêz jiês tiv 1 shông cơưv 2018-2019 trâu shux xênhz tsêr cơưv niêv txir zus mor sâuv thax tsav. Côngz xưv uô mor nox trâu shux xênhz ntơưv têx tsêr cơưv tâu uô jông, tas nro huyện muôx 19 tsêr cơưv muôx shux xênhz nox su ntơưv tsêr cơưv thiêz tsưr tsix uô mor trâu 2 cxênhz 268 lênhx shux xênhz nox su ntơưv tsêr cơưv./.

(KT- Txâur Vax cxeik nhênhv)

Gôngr đas jos cxiv tsa thax tsav ntus đriv truôx vênhs, ntâu shông đhâu, têx lênhx bộ đội Zênhx pênhz phax Sì Lở Lầu ( huyện Phong Thổ) tỉnh Lai Châu tưz sik côngv đas jos đros cấp ủy, chinhr quyênx tiv phaz thiêz tsôngv box têx mênhx cxưx cxaz chuôz cxiv tsa nôngx cxênhz yiêz. Đrpss tsưr ziv “ 4 sik đros” thiêz “ Zênhx pênhz phax zos tsêr nhoz, ntus đriv zos têz qơưk, tsôngv box zos cưr tix nus muôk” têx lênhx cán bộ chiến sĩ tưz mul kho tsêr nhoz, cxiv tsêr yiêz trâu pox nhuôs, khov co chor tsêr fênhz suôz lav nhoz sâuv thax tsav txu grês yuôr tsi nto 50 luz. Sir jos yax kriê pox nhuôs hlôngr yiêz tsoz chos, chuôz tsar chiv chos tưz gôngr phênhv txu grês ntâu chor ziv chuôz zis pluôs hâur niêx shông..../.

(KT- Txâur Vax cxeik nhênhv)