Ntơưv tsêr meir đêx tênhv Sơn La, thị trấn Ít ong, huyện Mường La, tỉnh Sơn La tas cik hnuz xiêz 9/2 krêz uô Ntênhs pov tsir ntux yiêz Đêr shông 2018. Zuôr xar 100 đeiv ntơưr ntux yiêz zos têx chiz coaz pov tsir TW thiêz tiv phaz muôx njiêz luv heik txos yênhx tix kinh têr, vênhx huôv xã hội shông 2017 tas nro têz qơưk heik cxuô thiêz tỉnh Sơn La heik taz tâu piêr kriê ntơưv no. Zơưv Lê Huy Nghĩa, tổng biên tập Pov tsir Sơn La, Chủ tịch Hội pov tsir tỉnh Sơn La puz pâuz, Ntênhs pov tsir ntux yiêz zos iz hâur têx huôx tôngv thôngz xor mông muôx chêx cuk tiv zix zos tsôngv box:

“ Hội pov tsir tỉnh thiêz têx lênhx nênhs uô pov tsir tas nro têz qơưk tưz sik côngv tês xa têx ntơưr pov tsir txos Hội pov tsir tỉnh Sơn La, no zos jiês piêr kriê lok six jong. Têx ntơưr pov tsir heik tơưv têz qơưk cux xưk li tỉnh li têx yênhx tix hâur shông 2017, chuôz cxaz đas jos huôv tsar hâur shông 2018 thiêz têx shông zuôr txos”./.

(Hoàng Long-Txâur Vax cxeik nhênhv)

Tỉnh Yên Bái tsênhv sir jos tsoz phưz tsiêz trâu nênhs pluôs, chuôz zis tâu sơưv cêr chêi thiêz trâus ntus têz uô hiêv đros tsưr ziv “Tsik chiê chuôz zis tưs tsik muôx tsiêz nox”.

Đhâu qênhz shuôk, tas nro tỉnh muôx 8.200 ntâu chuôz zis, 17 cxênhz 600 ntâu lênhx nênhs zuôr yêiz plaz hâur jiês tsiêz. Chor chuôz zis no tưz tâu pz tas nro chor cxur muôx 414 tấn. Đuô li, 23 cxênhz 500 ntâu lênhx nênhs zos chor nênhs muôx côngz trâu têz qơưk, nênhs lâul, trâus sêv khiz luz chêr, njuôk nok muôx luz nênhx txov nhêv thiêz chuôz zis pluôs njiz phiv liv tiv ntux têz uô hiêv sâuv thax tsav tỉnh cux tâu khơưk muôz huv tsiêz. Tas nro têx hã xhuv tsiv gri 8 tiv đêiv ntâu. Zơưv Vũ Lê Thành Anh, phưv giám đốc sở lox tôngv-xaz pênhz thiêz Xar hôiv puz pâuz:

“Pêz hêik trâu UBND tỉnh chox kriê chor cơ quan, tiv phaz hâur tỉnh  khov lơưr tsar tov nhoz tiv phaz, taz viv tsov cưv txos thiêz hêik chor tiz nênhs siêz jông, doanh nghiệp sâuv thax tsav sik côngv chiê paz trâu chor chuôz zis pluôs, chor chuôz zis muôx luz nênhx txov nhêv cov lơưr muôx tâu tsiêz nox shir phaz, tsâu sor”./.

                          (Thu Thùy-Lik Thox cxêik nhênhv)

Tsôngv box...yuô! Thâuv 7 six 49 phênhz tsâus ntux hnuz xiêz 9/2, lơưr six hơưv Hà Nội, sâuv thax tsav tỉnh Điện Biên muôx jiês ntux kênhs 4,1 tưv richte. No zos jiês ntux kênhs tiv 6 sâuv thax tsav tỉnh Điện Biên thiêz têx thax tsav buôk ntus đriv Việt-Lào cxôngx hâur shôngk shông 2018 txos nhiv no, môngr jông têx jiês ntux kênhs no tsi sâu jênhv ruôr hiêv tưs lok lênhx nênhs thiêz chuôz zênhx chuôz tas./.

(Vũ Lợi- Txâur Vax cxeik nhênhv)