Ntux lok nas lox txix hmo xiêz 10/10 tax txos trâu zar hnuz kêix 11/10 tưz uô ruôr hiêv, puôk tsuôx tas ntâu têx cêr muk lol ntơưv thị xã Sa Pa, tỉnh Lào Cai. Iz chas co, ntux nas lox phênhv ntâu ntơưv iz cxiê thax tsav li: Thanh Kim, Bản Hồ, Tả Van, Ô Quý Hồ, Ngũ Chỉ Sơn hâur Sa Pa, uô tox xưz poz, cxuz tas ntâu txox cêr muk lol. Iz chas ntơư, nas lox cux uô 4 tsêr cơưv ntơưr zos tsêr cơưv cxênhx iz Giàng Tra, tsêr cơưv cxênhx nhuôs zâu Hòa Sử Pán, tsêr cơưv cxênhx nhuôs zâu Nậm Cang thiêz cxênhx II Nậm Lang A trâul puôk tsuôx, tsi jông tas iz cxiê têx côngz trênhx. Đhâu hlo thâuv txeik tâu  mông lok têx ruôr hiêv tiv ntux uô, hâu nov ntơưv qơư tưz hu têx yêz câuk ar, lênhx nênhs zênhx max  tuôx đros thoz huk têx ntu cêr trâul ar, poz jêz cxuz chiê têx yêz muk lol tâu đhâu; iz chas ntơư đros cxiv kho têx côngz trênhx uz no trâul nas chuô uô puôk tsuôx, tsi jông ntơư, paz max têx chuôz zis pêx xênhv trâul uô ruôr hiêv kho têx vax tsêr, truôx tuk luz nênhx./.

 (An Kiên-Riê Lâux cxeik, nhênhv)

Tiv phiv liv txix coz nas chuô sôr 7 thiêz chuô txiêk txix faz Bắc, têx hnuz đhâu, sâuv thax tsav tỉnh Yên Bái ntâu qơư muôx ntux lok nas lox. Ntơưv huyện tox siêz Trạm Tấu tưz muôx 2 lênhx nênhs tsik pov tiv trâus đêx cuôr yôngz. Oz lênhx nênhs trâus đêx cuôr zos nhuôs Thox Anh Đ., zus shông 2019, nhoz jok Suối Giao, xar Xà Hồ thiêz tix lâus Phàng A P., zus shông 1993, nhoz jok Păng Dê, xar Bản Mù, sik đros nhoz ntơưv huyện Trạm Tấu. Zar hnuz kêix 10/10, nhuôs Thox Anh Đ tâu tuk muôv puôs muk uô si, tiv cêr bluô, Đ tuk muôv tưz luôv tơư ntos thiêz plav têk uô nhuôs Đ pôngz trâu hâur đêx; hok tix lâus P mak têis cik 11/10 thâuv tsênhv muk uô hâux lưv chêk trâus đêx cuôr yôngz ntơưv tuk đêx Cang Chi Khúa, jok Sáng Pao, xar Xà Hồ.

Đuô li, ntux nas lox cux uô ar poz lok trâus iz luz tsêr; cêr txix jok Suối Xuân muk UBND xar Tà Xi Láng muôx 9 qơư ar poz, xav tas nro trâus hiêv tas muôx 20 triệu đêiv./.

(Đinh Tuấn-Lik Thox cxêik nhênhv)

Tix lâus Quàng Văn Tính nhoz jok Phiêng Tam, xã Chiềng Đen, TP Sơn La chuôz zis zos iz hâur têx chuôz zis, qơư  sâu zuôr txir cà phê nhôngk hâur thax tsav. Muôx qơư đar 4 cxênhz ntâu xưv phaz, iz hnuz tix lâus Tính qơư sâu zuôr cà phê co zuôr, tsiv uô muôx nhos 30 ntâu tênhr txir cà phê, taz sik chuôz zis qơư tsiv uô, jov têr têx tơưr txir cà phê cux tsi tâu tâu taz por têx cui tinhv lok por hưv tênhx qơư. Chênhr zos li heik co, uô lơưr cir ntơưr, chos lul trâu Ủy ban TP Sơn La, cheix têx txir cà phê siêr shông no, tix lâus chuôz zis tsi jov uô têx cà phê ntơưv kror qơư, mak thâux gra hur si têx txir cà phê tưz sâu zuôr muk jov têr tơưr ntơưv TP Sơn La li qơư tsiv uô cà phê, nhoz kuôk đêz tsêr xar muôx 20 cêik, đhâu ntơư li thâux gra lok jiêz, kra cov kruôr chiê por hưv tênhx qơư, lar heik zos por hưv truôx tuk TP Sơn La li hâur đêx hur côngz trâu sơưr đơưk zôngv ntơư./.

(TTTB-Riê Lâux cxeik, nhênhv)

Ntu jê lok no, caz moz ơưk kêiz ol A/H5N8 pov huôv xênhz siz cik moz ntơưv iz cxiê tỉnh nhoz pêz têz qơưk. Huyện Tam Đường, tỉnh Lai Châu zos thax tsav qơư muôx chôngz chor tsiêx cxu, chiê caz moz tsik cik tâu lok hâur thax tsav qơư, huyện tưz kriz uô ntâu tsưr ziv chiê phax tar, sir jos por vêv ngaz tuk trâu chor tsiêx cxu. Chiê phax tar tâu jông moz ơưk kêiz ol, Tsênhv qơư Dịch vụ kôngz nuv huyện sik côngv đros chor xar, thị trấn sir jos kriz uô côngz xưv cxax yuôx vắc xin; yax kriê trâu pêx xênhv pâuz tsik so uô vêv xênhz têx tsêr guôx cov hur đu, tsuôs yuôx tuô lov caz moz hâur thax tsav qơư tu zus chiê tir tar cov tâu têx caz moz; kriz uô têx tsưr ziv tu zus cov ngaz tuk; xưv lik truôx jông têx vuôz tsuôz; cxax cxix cxuô vắc xin trâu chor tsiêx cxu. Thôngx cxix, hêik pêx xênhv sơưr đơưk tsik tsuv zuôr chor kêiz ol pâuz tsik tsênhz qơư tu zus lok, thâuv pov muôx chor kêiz ol trâus moz tsuv hêik ciês trâu cơ quan muôx vax huôv pâuz tuôx qênhz yuôx, njuôk shuôk, xav jênhv caz moz chiê xưv lik cov ndar six hơưv./.

(Báo Lai Châu-Lik Thox cxêik nhênhv)