Têx shông đhâu, phongz yaox “Tas nro pêx xênhv sik côngv siêz cxiv tsa luz nênhx vênhx huôv” nhoz huyện ntus đriv Sốp Cộp, tỉnh Sơn La ziv hnuz ziv tâu uô jông đuô hâur côngv thôngx. Đhâu 10 shông uô phongz yaox, sâuv thax tsav huyện ntus đriv Sốp Cộp tưz uô tâu ntâu kror jông. Txos nhiv no, chor chuôz zis vênhx huôv muôx nhos 60% đros muôx 6.200 ntâu ziv chuôz zis. Đros co, tas nro huyện muôx 78 taz viv vênhx huôv thiêz muôx 2 xar zos jok vênhx huôv jêx jok yiêz. Txix têx uô tâu no puz pov, phongz yaox “Tas nro pêx xênhv sik côngv siêz cxiv tsa luz nênhx vênhx huôv” sâuv thax tsav huyện Sốp Cộp tưz tâu kriz uô jông hâur côngv thôngx. Đhâu co, tưz paz cxiv tsa tâu luz nênhx vênhx huôv jông, paz trâu kinh têr, xar hôiv ziv hnuz ziv huôv tsar./.

(DTMN-Lik Thox cxêik nhênhv)

Yênhx lix tâu 14 paz têx tuz nxeik hluôk nthuôr uô heir nênhs Xá Phó, heir nênhs Bố Y têx txux chi cêr lov jêv ntơưv 14 jok hâur 12 xã nhoz 7 huyện, thị xã, TP chiê nthuôr uô tâu jông têx txux chi ntơư. Têx paz tuz nxeik hluôk no tsưr tsix cơưv shâuv, nthuôr uô jông têx txux chi vênhx huôv, paz por hưv, tuôr tsês zuk heir nênhs têx txux chi cêr nênhx vênhx huôv jông thâuv nzor tsi chiê pôngz plox. Co zos têx luôs hâux lưv uô tâu xuz thơưx hâur Dưv anr “paz max por hưv tsês cxuô heir nênhs têx txux chi vênhx huôv” nhoz Chính phủ Đêx anr 2086 fuô uô hâur thax tsav tỉnh, zos Ban Mênhx cxưx tỉnh đros tsêr cơưv Cao đẳng Lào Cai uô. Ntâuk grê lok Dưv anr “Paz max por hưv tsês cxuô heir nênhs têx txux chi vênhx huôv” têx uô tâu jông, zơưv Nông Đức Ngọc, Tsar Ban mênhx cxưx tỉnh khav tinhv: Têx paz tuz nxeik nthuôr uô lov jêv ntơư phênhv ntâu tưz uô tâu jông trơưk li tsưr ziv, siêz xar. Lar heik, têx lênhx tuz nxeik heik sâuv, lơưr tưz moz siêz sir jos cơưv shâuv, uô tâu jông. Dưv anr no li têx jông zos chuôz tsar, phuôx huiz têx txux chi vênhx huôv jông thâuv nzor, paz gra siêz luz nênhx nox nhoz xênhz huôx trâu thax tsav tsôngv box heir nênhs tsơưs heik cxuô thiêz nênhs Xá Phó, Bố Y hâur thax tsav tỉnh heik taz./.

(Báo Lai Châu-Riê Lâux cxeik, nhênhv)

Công an huyện Điện Biên, tỉnh Điện Biên nhiv kruôr ruôr tâu iz kror qơư muôs zax zênhz phiv liv hâur ntu đhâu ntơưv xar Thanh Hưng. Đhâu nriêr pâuz têx xor mông txix pêx xênhv ntơưv thax tsav jok Noong Pết, xar Thanh Hưng, huyện Điện Biên pov muôx Vì Văn Thiên (zus shông 1980) nhoz ntơưv thax tsav no xưk li zuôr muôs zax zênhz, yênhx hnuz muôx chôngz lênhx nênhs muôx zênhk zax zênhz tuôx trâu lênhx nênhs noz luz tsêr, uô tsik ngaz tuk sâuv thax tsav. Thâuv pov Công an lok hâur tsêr, Vì Văn Thiên tưz cơư kror trôngx zuk qar nhoz, zôngv fov chir chir uô tuô trâu lưx lươngv công an; taz sik chor công an tưz uô jông hâux lưv thiêz cxov tâu lênhx nênhs co. Qênhz yuôx sêi Thiên li qơư nhoz, Công an huyện Điện Biên tưz sâu tâu 18g ntâu zênhz đơưz, 341 luz yuôx zax zênhz, 2 traz fov chiv chir uô đros muôk txưr cxuôk thiêz iz traz triêv ntax.

Kror hâux lưv no tưz tâu pêx xênhv ntâuk gri siêz, paz tuôr truôx ngaz tuk sâuv thax tsav./.

(Vũ Lợi-Lik Thox cxêik nhênhv)