Hnuz 11/8, tỉnh Sơn La tưz tso tơưv công văn số 2552, uô Thủ tướng chinhr phuv li ntâus grê ntơưv jiês khiêz phêv Thường trực Chinhr phuv lok phax tar moz Covid-19. Lơưr co, heik tsôngv box uô jông hâux lưv chox đeiv bok kror ndâux ntơưv qơư muôx chôngz lênhx nênhs, tsi chêx chôngz ntâu lênhx nênhs thâuv tsi muôx hâux lưv zov chênhr; taz por cungz cxix cxuô đeiv bok kror ndâux huv đros trâu tsôngv box; heik tsôngv box heik kriê y tế điện tử txưv zênhv; chuôz tsar seiz car, qênhz yuôx hâux lưv uô têx tsưr ziv phax tar moz; yưr lir txos qơư têx lênhx nênhs muôs đeiv bok kror ndâux, chuôz zênhx y tế đros grê siêz, tsơưr lươngv kis...

Nênhs sơưr thơưx têx chiz coaz, taz viv taz txơưx jênhv lok hâux lưv uô jông têx tsưr ziv phax tar moz ntơưv chiz coaz, taz viv. Sở y tế tror muôz siêz chinhz yênhx txơưx jênhv, truôx siêz đros cxuô hâux lưv njuôs xav muôx yưv, tsuv lok six tsưv ziv./.

(Trấn Long-Txâur Vax cxeik nhênhv)

Khắc Kiên, nênhs sâu xor xưv Đaix TNVN thax tsav faz Bắc xa mông txix tỉnh Lai Châu: Tsênhv qơư qênhz shuôk caz moz tỉnh Lai Châu puz pâuz, lênhx nênhs nhoz jê nênhs muôx moz 751 lok ntơưv tiv phaz tưz tâu njuôk shuôk tsik trâus cik caz moz Sát Covi-2 jiês 1 thiêz nhiv no chor nênhs nhoz jê lênhx nênhs no tưz tâu cêv kuôk sêiz shuôk đas jos ntơưv tsêr. Zơưv Trần Bá Hướng, Phưv Giám đốc tsênhv qơư qênhz shuôk caz moz, Sở Y têr tỉnh Lai Châu puz pâuz: “Lai Châu tưz qênhz yuôx chor nênhs cik txos thiêz tưz njuôk shuôk moz, mak lênhx nênhs nhoz jê nênhs trâus moz lok ntơưv Lai Châu tưz tâu njuôk shuôk tsik trâus moz thiêz chor nênhs nhoz jê lênhx nênhs no mak cux tưz tâu njuô shuôk tsik trâus moz jiês iz. Nhiv no cux tsênhv sik côngv đros chor nganhx yax kriê trâu pêx xênhv kriz uô têx tsưr ziv chiê phax tar caz moz lơưr Bôv Y têr hêik kriê, hêik pâuz lok y têr thiêz cài đặt Bluezone chiê nriêr pâuz chor nênhs trâus cik moz nhoz jê zuk”./.

(Khắc Kiên-Lik Thox cxêik nhênhv)

Lơưr Bộ y tế li pov cov, đhâu seiz car, sâuv thax tsav tỉnh Yên Bái muôx 2 lênhx nênhs (iz lênhx pox niêv muôx 64 shông thiêz iz lênhx txir nênhx 70 shông) ntơưv phường Tân An, thị xã Nghĩa Lộ sik đros muk sâuv luz yêz za VJ 770 cxôngx qar yêz za Cam Ranh- Khánh Hòa lok qar yêz za Nội Bài-Hà Nội hnuz 30/7/2020 muôx nênhs moz Covid-19 zos nênhs moz số 751 thiêz 791.

2 lênhx nênhs heik sâuv tsi pov gru, tsi cuz sor, tưz tâu cêv kuôk chêx chôngk ntơưv qar seiz njuôs moz đa khoa thax tsav thị trấn Nông trường Nghĩa Lộ kuz. Đhâu njuôs siv tsênhv qơư seiz car moz tỉnh Yên Bái pov 2 lênhx nênhs no tsi muôx caz moz SARS covi 2. Têx chiz coaz muôx txơưx jênhv tưz tsưr tsix tsuôk yuôx tuô caz moz tas nro tsêr nhoz thiêz thax tsav iz ndis 2 lênhx nênhs no tsêr nhoz./.

(VOV- Txâur Vax cxeik nhênhv)

Vũ Lợi, nênhs sâu xor xưv Đaix TNVN thax tsav faz Bắc xa mông txix Điện Biên: Têis cik 11/8, Ban chox kriê thik tưr cơưv tiêr ntơưr lớp 12 têz qơưk tỉnh Điện Biên tsưr tsix trâu 117 lênhx shux xênhz, đros 7 qar thik, thik tưr đuô môn Địa lý ntơưv tsêr cơưv cxênhx pêz huyện Điện Biên tiv jiês thik hnuz 10/8 chor nênhs sêiz car thik tưz muôz jax thik kênhz. Txos 7 six 35 phênhz têis cik hnuz 11/8 tas nro 117 lênhx shux xênhz nhoz 7 qar thik no tưz tâu thik tưr đuô. Chor shux xênhz uô jax thik hâur 50 phênhz. Hâux lưv tsưr tsix thik tâu uô truôx jông lơưr cui tênhv.

Thâuv tuôx trâu qơư thik tưr đuô, mak chôngz lênhx shux xênhz lok six gênhk viv tsuv tror thik đuô. Iz cxiê lênhx mak cxơưx lok jax thik đuô no, nyêi tsav lav uô đuô jax thik hâur hnuz thik uô ntêx. Taz sik, tas nro chor shux xênhz cux thôngx ziv đros tsưr tsik thik tưr đuô, viv zuôr taz por siz bâus đuô lok tsơưr lươngv jax thik thâuv tâu uô txâuk six hơưv thik./.

(Vũ Lợi-Lik Thox cxêik nhênhv)