Txix thâuv hmo ntux txos têis cik sơưr nzor hnuz 11/5, sâuv thax tsav huyện Bắc Yên, tỉnh Sơn La muôx yưv ntux nas lox, uô trâu txox cêr 37 txix thành phố Sơn La muk chor huyện Bắc Yên, Phù Yên (Sơn La) thiêz tỉnh Yên Bái muôx yưv ar poz uô cêr muk lok tsik tâu hâur ntâu six hơưv. Ciês muôx yưv ar poz, Công ty Cổ phần sêiz car, kho đuô thiêz cxiv tsa côngz trinhx Zoz thôngz II Sơn La-taz viv muôx jênhv vưv taz por zoz thôngz sâuv txox cêr no tưz sir jos thoz huk têx ar poz jêz poz co. Nhiv no zos six hơưv piz hla trâu chêix ntux nas đêx ngaz cuôr nhoz Tây Bắc, đros thax tsav zos tox trôngz ntâu, cêv kuôk, muôx ntâu ntu phiv liv, đaz tuôs; viv li, chor nênhs cxaz chuôz zoz thôngz sâuv ntu cêr no tsuv uô jông sêiz shuôk, tsik muk đhâu têx qơư phiv liv thâuv muôx ntux lok nas lox, lok sik taz viv taz por zoz thôngz tsik tâu khênhr muk đhâu./.

(Thu Thùy-Lik Thox cxêik nhênhv)

Cux hâur hnuz 11/5, iz jiês đêx cuôr yôngz sâuv tul đêx Thia ntu đhâu thị xã Nghĩa Lộ, tỉnh Yên Bái tưz uô zênhr shar txos hâux lưv kho đuô tuk qox Ngòi Thia- trâus puôk tuôx hâur jiês đêx nas cuôr yôngz thâuv hli 10/2017 uô 8 lênhx nênhs tuôs thiêz plox mông. Đêx cuôr yôngz tsi taz uô zênhr shar txos côngz xưv uô qox Ngòi Thia mak iz cxiê zav meir, chuôz zênhx cux trâus đêx ngaz tas. Hâux lưv no uô tsôngv box thị xã Nghĩa Lộ lok six cxơưx, viv cxôngx thâuv tul qox Ngòi Thia trâus poz, tsôngv box li hâux lưv mul lok njiz ntâu phêv liv; zos hâux lưv kho đuô qox trâus zênhr shar mak côngz tsinhx zuôr kênhz tâu uô tiêr./.

(Tuấn Xuân- Txâur Vax cxeik nhênhv)

Chiv ntux yiêz shông 2019, pêx xênhv tỉnh Lào Cai chos muôx 9.990 ha blêx. Nhiv no, moz đạo ôn thiêz iz cxiê zav caz hmoz li tur đax, đơưz đraz kâuv, đax blôngx… tsênhv uô hiêv txos chor blêx ntơưv tiv phaz. Lơưr zơưv Phạm Quốc Cường, Phưv chi cik trưởng chi cục chos kôngz lôngk thiêz por vêv đrox tsuôs puz pâuz: ntu zuôr txos njuôk xav moz đọa ôn zuôr uô hiêv ntâu txos têx blêx, tiv zix zos uô hiêv txos hnaz blêx. Zos tsik sêiz shuôk jông thiêz phax tar ndar six hơưv, zuôr uô hiêv ntâu txos chor blêx./.

(KT-Lik Thox cxêik nhênhv)

Tuêv côngz xưv nhoz Phongx phax tar zax zênhz thiêz nênhs phamv cxâuv Bộ đội pênhz phax tỉnh Điện Biên nhiv kruôr pov, ntês tâu 2 lênhx nênhs thâux tsi trơưk chei 8 đeiv zax zênhz. 2 lênhx nênhs co zos Tsưz Xênhv Vax xênhz shông 1994 thiêz Nu Xênhv Vax xênhz shông 2000 puôr lênhx nhoz jos Ka Hâu, xã Na Ư, huyện Điện Biên, tỉnh Điện Biên. Tsưz thiêz Nu jênhv tiêk tưz sik đros mul jos Pang Hốc, huyện Mường Mày, tỉnh Phong Sa Ly, Lào gra chor zax zênhz ntơưv iz lênhx txir nênhx muôx bê hu uô Phình lok qar yêz kruô tỉnh Điện Biên choz trâu iz lênhx txir nênhx nênhs Choz tsiz nhoz tỉnh Lào Cai, thâuv uô yênhx côngz Tsưz thiêz Nu tâu thêv nhiêx côngz zos 40 tsov đeiv. Taz sik thâuv tsênhv gra mul txơưv trâus lưx lươngv muôx txơưx jênhv ntês cxov. Nhiv no 2 lênhx nênhs no thiêz  chuôz zênhx sâu tâu tưz tâu choz trâu lưx lươngv muôx txơưx jênhv tror krez đar qênhz yuôx./.

(Vũ Lợi- Txâur Vax cxeik nhênhv)