Txơưv tiêk tsi tâu tâu txos cheix ntux nas taz sik chor nênhs trâul moz suôz liêz ntơưv Lào tưz tsar ndê sei muôx iz cxênhz ntâu lênhx, xav txix hâur hlik hli 5 lok. Hâur co iz lênhx tưz trâul tuôs. Chiê phax tir thêir têx li heik no, iz chas luôs hâux lưv tror sir jos uô lơưr têx tsưr zv phax tar moz Covid-19, ngênhx y tế thiêz hâu nov cxuô tỉnh, TP hâur Lào chox kriê têx qơư y tế yax kriê gra siêz txux chi tsưr ziv jênhv pâuz lok phax tar moz trâu tsôngv px, qêz suô, tu đu lus têx qơư nox nhoz, thoz huk têx đêx tênhr, đêx kiêk nênhs...tsi chiê muôx caz vêiv, zôngr huôv xênhz, sđ thiêx tsi  yuô trâul muôx moz gênhs./.

(VOV-Riê lâux cxeik, nhênhv)

Vũ Lợi, nênhs sâu xor xưv Đêix TNVN thax tsav faz Bắc ntơưv Điện Biên xa mông: Têis cik 12/5, ntơưv huyện Mường Nhé, tỉnh Điện Biên tưz tsưr tsix jiês cơưv hêik pâuz cuêz tênhv lok tso nênhs uô Bí thư Huyện ủy Mường Nhé. Lơưr co, zơưv Nguyễn Quang Hưng, Tỉnh ủy viên, Chánh văn phòng Ủy ban tỉnh tâu chiê uô Bí thư Huyện ủy Mường Nhé, six cxiv 2015-2020 txix hnuz 1/5/2020. Ntơưv jiês cơưv, nov hâu Tỉnh ủy Điện Biên vav tiêk zơưv Nguyễn Quang Hưng tror sir jos phuôx huiz txux chi ntơưv kror hâux lưv yiêz, đros Ban Thường vụ, Ban chấp hành Huyện ủy Mường Nhé uô tiêr jông cxuô jênhv vưv; chox kriê pêx xênhv huôv star kinh têr-xar hôiv, taz por ngaz tuk, Chính trị ntơưv tiv phaz, jux juk gra siêz luz nênhx trâu pêx xênhv nhoz thax tsav ntus đriv, tax tâu zoz qơưx lok jênhv vưv chính trị hâur ntu yiêz./.

(Vũ Lọi-Lik Thox cxêik nhênhv)

Thừa Xuân, chor sâu xor xưv Đeix TNVN nhoz faz Bắc xa mông: Ủy ban tỉnh Yên Bái nhiv kruôr thôngz đhâu bê thiêz nhiêx txiêx paz max trâu têx chuôz zis zuôr xar pluôs hâur thax tsav njiz trâul phiv liv tiv moz Covid-19 uô hiêv txos. Iz chas co, zuôr xar 89 cxênhz lênhx zos têx chuôz zis zuôr xar pluôs nhoz hâur bê têx chuôz zis zuôr xar pluôs txos hnuz 31/12/2019 hâur thax tsav tâu têx hloz muôx vax huôv quyết tinhv côngk nhav trơưk li chei têz qơưk lol têx ziv nênhs pluôs, njiz phiv liv tiv moz Covid-19 uô hiêv, tâu paz max 250 cxênhz đeiv iz lênhx nênhs iz hlikk. Six hơưv tâu paz zos 3 luz hlik (txix hli 4 txos hli 6/2020). Chor nênhs nhoz hâur bê ntơưr zuôr tâu lênhk txeil têz qơưk têx chei paz heik sâuv zos buôk ti tâu txeik têx nhiêx txiêx iz jâuk 750 cxênhz đeiv. Xav hur tiz si têx nhiêx paz co zos 66 tỷ 500 tsov đeiv ntâu txix têz qơưk têx nhiêx txiêx./.

(Thừa Xuân-Riê Lâux cxeik, nhênhv)

 UBND tỉnh Lao cai nhiv kruôr muôx ntơưr hêik pâuz sêi lok hâux lưv uô têx tsưr ziv phax, tar moz ơưk buô Châu Phi. Lơưr co, txis hnuz 1 txos 10/5, moz ơưk buô châu Phi muôx yưv ntơưv xar Võ Lao thiêz thị trấn Khánh Yên, huyện Văn Bàn uô 4 ziv chuôz zis li 18 tuk buô tsuv muôz phâuk por tsês. Qir tiv zuôr tror muôx caz moz huôv xênhz, siz cik hâur ntu zuôr txos siêz. Viv li, UBND tỉnh chox kriê têx sở, nganhx, taz viv, tiv phaz, chor nênhs hâur ban chox kriê phax, tar caz moz nhoz tsiêx cxu tỉnh sêiz đrơưv ntâuk gri, nriêr pâuz lok caz moz, phêiz côngz txơưx jênhv trâu chor nênhs sơưr thơưx cấp ủy, chính quyền hâur côngz xưv phax, tar caz moz. Têx tiv phaz kriz uô cxuô nro têx tsưr ziv chiê phax, tar caz moz lơưr trung ương, tỉnh li chox kriê, nriêr pâuz tâu nzor, sir jos tir tar ciês ntơưv têx qơư muôx yưv caz moz…/.

(Báo LC-Lik Thox cxêik nhênhv)

Ủy ban thị trấn Hát Lót, huyện Mai Sơn, tỉnh Sơn La heik pâuz: Thâuv 3 six zar hnuz kêix, xiêz 10/5 nhiv kruôr đhâu, tix lâus Nguyễn Hữu T, 18 shông thiêz T tus cưr nhoz jok 4 muk trâu thax tsav cưx đês ntơưv jok Nà Ban, thị trấn Hát Lót đa đêx. Hmôngr tsi jông T txơưv trâul blênh tơư ntos pôngz trâu kror đêx toz, ntưk chênhr viv li tưz trâul tuôs. Thax tsav cưx đês Nà Ban co grêiv thiêz đêx nyiêz, hâur six hơưv jê lok no tưz muôx ntâu lênhx chôngz tus siz zâuv tuôx đa đêx thiêz cxeik đuôz uô si. Cxuô lênhx sđ tsuv tiz jông seiz shuôs viv hâur đêx muôx têx poz jêz bluô thiêz đêx toz, chiê txar jav tsi muôx têx tsi jông yưv siv li heik sâuv./.

(Đắc Thanh-Riê Lâux cxeik, nhênhv)