Kror Côx hôiv biểu quyết thôngz đhâu truz ntêr six hơưv thôngz đhâu Luật taz viv hành chính tiv zix Vân Đồn, Bắc Vân Phong thiêz Phú Quốc tâu chôngz pêx xênhv, cử tri ntơưv Điện Biên thôngx ziv. Niêv tix Đặng Thị Tuyết, đội 9, xar Thanh Hưng, huyện Điện Biên, tỉnh Điện Biên hêik tiêk pêz tsuv uô jông sêiz shuôk têx xor mông tsik jông sâuv mạng xar hôiv, tsuv hêik tơưv siêz nhiêv têz qơưk cov vav mênhx, uô jông uô.

“Cur lok six thôngx ziv đros Côx hôiv li têx cuêz tênhv thâuv tưz tsik jông siêz, sâu pêx xênhv li ziv chênhv hêik cov truz ntêr six hơưv thôngz đhâu dự án Luật taz viv hành chính Kinh têr tiv zix Vân Đồn, Bắc Vân Phong thiêz Phú Quốc. Kror pêx xênhv biểu tình hâur oz pêz hnuz đhâu tsik hêik tơưv tâu siêz nhiêv têz qơưk cov huv đros, mak zuôr uô phiv liv txos ngaz tuk chính trị têz qơưk, no zuôr zos tsar tov chiê chor nênhs fêv liv zôngv yax kriê têx kror tsik zos li Đảng thiêz têz qơưk li tsưr ziv. Pêz nhiêv têz qơưk taz sik tsuv cxaz chuôz hêik ziv chênhv tsuv muôx tsưr tsix tsik zos chiv chir uô li co”./.

(Vũ Lợi-Lik Thox cxêik nhênhv)

Ủy ban tỉnh Lào Cai nhiv kruôr tso tơưv Quyết tinhv thôngz đhâu tsưr ziv nhiêx txiêx chiê khưx phưx têx trâus uô ruôr hiêv trâu tsôngv box xã Bản Lầu, huyện Mường Khương shông 2018, đros thiêz chor nhiêx muôx 14 tỷ đeiv.

No zos chor nhiêx muôz jâuv 2 trâu tsôngv box Bản Lầu. Uô ntêx ntơư, jiês iz tâu muôz thâuv hâur hli 5/2017, xar muôx 3 tỷ đeiv, zos Công ty Tứ Đỉnh (taz viv uô tsưr tsêr meir tsiv uô kuôr hlâu hâur thax tsav xã) taz txơưx jênhv muôz, viv tưz uô vuôz tsuôz kiêk nênhs tênhx qơư, uô tsôngv box zuôr xar 50 ha kôngz lôngk trâus uô hiêv. Têx nhiêx muôz thêv thiêz paz jâuv 2 zuôr zos Ủy ban huyện Mường Khương sơưr bê kêr txeik Cuiv nhiêx por hưv tênhx qơư tỉnh. Hâur co, ciês phênhv nhiêx muôz paz trâu tsôngv box têx têz pur lux trâus uô ruôr hiêv zos zuôr xar 14 tỷ đeiv, yuôr đuô li zos paz trâu iz cxiê liêx têz kôngz lôngk txơưr đuô. Six hơưv muôz chor nhiêx sâuv thêv trâu tsôngv box zos qir uô txix hnuz 15/6-30/7/2018./.

(An Kiên-Riê Lâux cxeik, nhênhv)

Tas nro tỉnh Sơn La muôx 3.315 lênhx nênhs đăngk cir cxaz chuôz chơưv kho muôx zênhk chor tsơưr zax zênhz txix yuôx Methadone. Taz sik, nhiv no tsuôk muôx 1.357 lênhx nênhs tưz đăngk cir chơưv kho, tsav muôx 1/3 chor nênhs đăngk cir cxaz chuôz, yưx 43 lênhx nênhs tưz trâus tuôs, chor nênhs txơưr mak tưz muôx jiês tsik chơưv kho. Thax tsav đar, cêr muk lok phiv liv zos qir tiv uô trâu nênhs muôx zênhk tso tsês thiêz tsik chơưv kho. Tas nro tỉnh nhiv no muôx 13 qơư chơưv kho muôx zênhk chor tsơưr zax zênhz txix yuôx methadone, hâur co muôx 12 qơư tso ntơưv 12 tsênhv qơư huyện thiêz 1 qơư ntơưv thành phố Sơn La. Đuô li, tsênhv muôx 51 qơư cungz muôz yuôx tso ntơưv chor qơư y tế xar, nhoz hâur 13 qơư chơưv kho txix yuôx Methadone.

Lơưr Sở y tế Sơn La tưz yênhx lix tổ uô hâux lưv kỹ thuật paz chơưv kho txix yuôx methadone ntơưv chor xar, nênhs moz tsik tsuv tuôx trâu yênhx tsênhv qơư huyện chiê hâuk yuôx taz sik cêr txix tsêr txos tsênhv qơư xar lok six đêz viv li  chôngz nênhs tsuôk cxaz chuôz tâu tsơưs hnuz xưz./.

(Thanh Thủy-Lik Thox cxêik nhênhv)

Txơưv tiêk tsi tâu pâuz mênhx, taz sik tsênhz tiês, muôx tsi tsơưs lênhx nhuôv zâu, lar heik zos têx nhuôs zâu heir nênhs tsơưs nhoz têx huyện tox siêz txov nhêv hâur tỉnh Yên Bái, tso ntơưr tsês chiê muk uô lox tôngv thâuv lok six nzor. Qir tiv phênhv ntâu, xuz thơưx zos yeiz pluôs. Yeiz pluôs tưz uô trâu têx nhuôs tsuv tso ntơưr tsês chiê muk đros zok nriêr đeiv nhiêx paz chuôz zis. Iz chas ntơư, tsi tsơưs lênhx tsưr sir zôngv nênhs lox tôngv cux tsênhv zuôr têx nhuôv zâu uô hâux lưv, viv grê nhiêx ntiêr têx nhuôv ntơư fênhx zis. Sir zôngv lox tôngv nhuôs zâu zos tsi trơưk chei têz qơưk. Xưv bluô zos zuôr trâus txos, taz sik lar heil mak cxuô cấp, cxuô ngênhx, ntơưv qơư, doanh nghiệp tsuv uô lơưr jông têx cui tinhv hâur Luật por hưv tsoz phưz têx nhuôs zâu. Hâur co, chuôz tsar tiês zoz zux gra siêz côngv thôngx sđ txux chi tsưr ziv jênhv pâuz; uô uô cê têx tsaz yênhx huôv tsar kinh tế-XH, cxuz cêr yeiz pluôs đos thiêz luôs hâux lưv por hưv, tsoz phưz têx nhuôs zâu; bax tsưr ziv chiê qênhz pov, tik cêr cxâuv cov txos qơư têx lênhx tiz nênhs zuôr têx nhuôv zâu tsi tâu txưv shông uô hâux lưv hnhar./.

(KT-Riê Lâux cxeik, nhênhv)