Ntux nas lox truz ntêr txix hnuz 11/7 txos têik cik 12/7 tưz uô hiêv ntâu txos têx tiv phaz tỉnh Yên Bái. Nhiv no đros côngz xưv khưx phưx têx trâus hiêv, chor huyện, thành phố hâur tỉnh tsênhv kriz uô chor tsưr ziv tir tar qênhx shênhx ntux nas chuô đêx ngaz cuôr tror tâu njuôk xav tiêk txơưr txar phv liv hâur chor hnuz zuôr txos…Zơưv Phùng Tiến Thanh, trưởng phòng kinh tế thành phố puz pâuz: “Pêz tưz muôx chor tsưr ziv tsênhv tsênhz sêiz jor hnuz hmo, nriêr pâuz tsik so thiêz sêi tiv zix têx xor mông lok qênhx shênhx ntux nas chuô. Đhâu co hêik pâuz chiê lênhx tov thành phố hêik chor xã, phường txar pêx xênhv muk đhâu têx qơư phiv liv, zôngx ziv muôx ar poz; chox kriê qênhz yuôx chor cêr trâus đêx ngaz, chox kriê chor nganhx, xã, phường bax têx tsưr ziv, chuôz zênhx chiê tok, chox pêx xênhv muk đhâu têx qơư muôx đêx ngaz…”./.

                                                                                                                         (Tuấn Xuân-Lik Thox Cxêik nhênhv)

Lơưr Sở zoz zux, thox cxov tỉnh Điện Biên li thôngz sâu, chor nênhs thik tưr tâu cơưv tiêr ntơưr cxênhx pêz hâur tỉnh shông no muôx 97% ntâu, chuôz ndê xar muôx 5% pir li shông uô ntêx. No cux zos shông tiv 2 tsik so tỉnh Điện Biên muôx chor nênhs thik tưr tâu cơưv tiêr ntơưr cxênhx pêz muôx 90% ntâu. Kror shir phaz zos hâur 36 qơư muôx shux xênhz đăngk cir dự thik, mak muôx 13 tz viv thik tâu muôx 100%. Cux ntơưv jiês thik shông no, điểm chor môn thik puôr lênhx siêz đuô pir li chor shông uô ntêx. Zơưv Nguyễn Sỹ Quân, Giám đốc sở zoz zux thiêz thox cxov tỉnh Điện Biên puz pâuz: Shux xênhz Điện Biên li điểm thik trungz fênhx shông zos 5,28 điểm, ndê 0,94 điểm pir li shông uô ntêx, kik đuô điểm trungz fênhx tas nro têz qơưk 0,11 điểm. Toán zos môn thik muôx chor điểm thik tsik tâu tâu tiv zix, muôx 11 điểm; chor môn tsênhv yuôr mak môn tưs cux uô tâu điểm./.

                                                                                                                         (Vũ Lợi-Lik Thox cxêik nhênhv)