Hnuz 12/10, UBND tỉnh Sơn La tưz tso tơưv ntâuz ntơưr tso chêi uô siv tsưr tsix hâux lưv thâux xa kruô txix Sơn La muk trâu iz cxiê  tỉnh, thành phố: Điện Biên, Thái Bình, Lai Châu, Hòa Bình, Thái Nguyên, Lạng Sơn thiêz txix têx tỉnh no tuôx trâu Sơn La. Six hơưv uô siv zos txix hnuz 13/10 txos tas hnuz 20/10. Đros chor yêz thâux xa kruô công côngv, muk lok hâur thax tsav tỉnh sâuv thax tsav huyện Phù Yên mak tsuv uô lơưr tsưr ziv jâuv sik cêv kuôk sâuv yêz. Đros chor yêz trôngx jâuv mak tsik tsuv thâux chôngz đuô 50% chor nênhs tsuv tâu thâux sâuv yêz thiêz tsik chôngz đuô 20 lênhx nênhs xav tas nro nênhs tsar yêz, nhân viên sâuv yêz; tsik kriz uô cêv kuôk trâu chor yêz txax pư. Six hơưv kriz uô txix hnuz 13/10 txos thâuv muôx hêik pâuz yiêz./.

(TTTB-Lik Thox cxêik nhênhv)

Uô luôs hâux lưv cxax yuôx vắc xin phax phôngz moz Covid-19 trâu tsôngv pêx xênhv hâur thax tsav, xav txos hnuz 11/10 ngênhx y tế tỉnh Điện Biên tưz fuô uô hâux lưv cxax yuôx vắc xin tâu trâu 309 cxênhz ntâu lênhx nênhs trơưk cui tinhv. Pir li chor yuôx vắc xin tâu muôz 393 cxênhz ntâu hưx mak nhiv no ntơưv Điện Biên tưz cxax tâu 77% têx yuôx vắc xin lênhk txeik tâu. Zơưv Phạm Giang Nam, Giám đốc Sở Y tế Điện Biên heik pâuz: Txix hnuz 12-20/10, tỉnh Điện Biên cxax yuôx vắc xin jiês tiv 15 trâu zuôr xar 89 cxênhz lênhx nênhs, hâur co 77.900 ntâu lênhx nênhs cxax côngz tiv iz, yuôr đuô li zos cxax côngz tiv 2. Nhiv no chor nênhs muôx 18 shông tror zar sâuv hâur thax tsav tỉnh tâu cxax yuôx vắc xin phax phôngz moz côngz tiv iz zos 230 cxênhz ntâu lênhx nênhs. Đros trâu luôs hâux lưv cxax yuôx vắc xin hâur thax tsav, tỉnh Điện Biên thâuv tưs tưz uô đreiv 4 qơư seiz jor têx ndâux cêr muk lol chiê qênhz shuôs, phax tar moz gênhk ntơưv 2 huyện: Điện Biên Đông, Tuần Giáo thiêz thị xã Mường Lay; 100% lênhx nênhs, têx yêz muk lol đhâu têx qơư co puôr lênhx tâu qênhz shuôs jông, taz por trơưk cui tinhv phax tir thêir moz./.

(Vũ Lợi-Riê Lâux cxeik, nhênhv)

Đhâu thor ziv chênhv, tâu Bôv Công thương thôngx ziv, tỉnh Lào Cai tưz cuêz tênhv tso tsês tsik tsưr tsix Ntênhk ciêz Thương mại Ntiêx têz Việt Trung jiês tiv 21, njuôk xav zuôr tâu tsưr tsix hâur pêz luz hli kaz shông no. Tsik tsưr tsix zos tiv phiv liv txix moz Covid-19. Uô ntêx co, shông 2020, cux tiv phiv liv txix caz moz, Ntênhk ciêz no tưz tsuv tsưr tsix trực tuyến ntơưv oz kror qơư nhoz 2 saz ntus đriv, tsik muôx têx hax huv thiêz lênhx nênhs tâu zuôr muôs, muk lok trâu oz tos. Ủy ban tỉnh Lào Cai cux choz trâu têx Sở, nganhx cik txos hêik trâu saz Vân Nam (Trung Quốc) pâuz lok tso tsês tsik kriz uô ntênhk ciêz; mav sik côngv tsưr tsix trâu thâuv tưs caz moz tsik yuôx phiv liv thiêz tror chuôz cxaz uô têx hâux lưv paz thơưz thương mại thâuv caz moz tâu tir tar./.

(An Kiên-Lik Thox cxêik nhênhv)

Têik cik hnuz 12/10, lưv lươngv muôx vax huôv huyện Trạm Tấu, tỉnh Yên Bái tưz zok nriêr tâu iz lênhx nênhs trâul đêx cuôr yôngz. Iz chas co, thâuv 6 six 30 phênhz têik cik no, sơưr đơưk tưz zok nriêr tâu Phàng A P, nhoz kuôk đêz kror qơư trâul đêx nas cuôr yôngz ntơư muôx iz cêik. Nhiv no têx lưv lươngv tsênhv tror zok nriêr tus nhuôv Thào Anh Đ. Hâu nov huyện Trạm Tấu tưz chox car cxuô lực lươngx zok nriêr thiêz tsưr tsix muk đros chuôz zis muôx lênhx nênhs trâul đêx cuôr yôngz co kênh têx cêr pôngz siêz. Uô ntêx ntơư, tiv coz nas chuô lox sôr 7  cux uô hiêv txos, chor hnuz đhâu, hâur thax tsav huyện Trạm Tấu, tỉnh Yên bái muôx ntux lok nas lox, uô têx đêx huôv hloz. Zar hnuz kêix xiêz 10/10, lênhx nhuôv Thào Anh Đ tâu iz tus niêv lâul cưr tix puôs muk uô si, tiv cêr bluô, blênh tơư ntos tưz uô tus nhuôv Đ trâul pôngz trâu hâur đêx trâus đêx cuôr yôngz; yuôr tix lâus P mak têik cik hnuz 11/10 trâul đêx nas cuôr yôngz thâuv tsênhv taz tov muk txos trâu ntơưv ntu cêr hla đhâu đêx hâur jok Sáng Pao, xã Xà Hồ./.

(Đinh Tuấn-Riê Lâux cxeik, nhênhv)