Bộ trưởng Y tế Mỹ A-lếch A-da hêik pâuz, Hãng dược phẩm Mỹ Phai-dơ muôx cxix cxuô hâur jiês siv vắc-xin Covid-19 li njuôk xav, têx jiês Chính phủ têz qơưs no zuôr tso tơưv luôs hâux lưv cxax yuôx tir thêir caz moz Covid-19  trâu tsôngv px têz qơưs Mỹ hâur hli 12 shông no. Hãng dược phẩm Mỹ Phai-dơ jiês tiv 2 nhiv kruôr hêik pâuz lok jiês siv yuôx tir thêir vắc-xin Covid-19 tsênhv taz tov huôv tsar uô đros Bai-ô-en-tếch têz qơưs Đức tax tâu 90%. Trơưk li njuôk xav, luôs hâux lưv cxax yuôx vắc xin, tsuv tâu cxax uô ntêx trâu chor lauk thiêz cxax trâu chor cưk yuôx kho moz./.

Tsu cxêik nhênhv-VOV-Lan BT

Sơn La zos tỉnh muôx ntâu têx liêx têz, pak đêx uz no jông chiê tu zus shuôz njêl. Nzaz nzơưv têx jông li heik co, chor shông đhâu, hâux lưv tu zus shuôz njêl tưz huôv tsar uô tâu trơưk tsưr ziv đros thiêz ntâu HTX, tổ hợp tác tâu yênhx lix. Txix ntơư, paz tsôngv px gra siêz phênhv sâu tâu, truôx tuk luz nênhx. Nhiv no, têx HTX tu zus shuôs njêl hâur thax tsav tỉnh Sơn La phênhv ntâu nhoz têx huyện hâur thax tsav pak đêx tênhv tênhz li: Quỳnh Nhai, Mường La, Thuận Châu, Vân Hồ, Phù Yên, Bắc Yên, Mộc Châu.

Shông 2020, xav hur si têx qơư tu zus shuôz njêl hâur tinhv muôx nhos 2.792 ha, tsar ndê xar muôx 9% pir li shông 2015, tâu nhos 8.826 tênhr shuôz njêl. Đros trâu têx tsênhv chei paz max huôv tsar tu zus shuôz njêl hâur tỉnh, chor HTX tu zus shuôz njêl hâur thax tsav tỉnh Sơn La tưz txuôk đros tâu tsôngv px, huôv tsar uô tâu jông têx luôs hâux lưv li heik sâuv. Txix ntơư, jux juk cxiv tsa tsưr ziv, hâux lưv huôv tsar uô nox uô hnar, sâu zuôr têx xiv huv truôx tuk, gra siêz gri hax huv, chuôz tsar phênhv sâu tâu trâu px./.

(DTPT-Riê Lâux cxeik, nhênhv)

Nhiv no, tưz hla trâu cheix ntux no, zôngx ziv uô trâu cxuô zav caz moz gênhk huôv xênhz, uô ruôr hiêv tsik jông txos lênhx nênhs li đas jos, lar hêik zos têx mê nhuôv zâu. Trơưk li thôngz sâu ntơưv  tsêr kho moz mê nhuôv zâu tỉnh Lai Châu, xav txix thâuv hli 9 txos hli 11 shông 2020, Khoa tsêr kho moz mê nhuôv zâu tưz lênhk nhav kho moz trâu 710 lênhx nênhs moz. Phênhv ntâu zos têx zav moz cik txos qơư uô pa, cik txos moz siêz njưk, trơưk plaz, moz hlưz hâu…Hâur ntơư, muôx chôngz lênhx ntâu tus mê nhuôv cux trâus moz hnhar pir li moz hưz hâu, moz siêz njưk, trơưk plaz….Chênhr zos li hêik ntơư, hâur luz chêix muôx ntux no, chor uô niêv, uô txir tsuv ndo njôngr muôz trik yo sor trâu mê nhuôv hnar, muôz cov cxix cxuô jâuz mor, grêix trâu mê nhuôv nox cov muôx txâuk đas jos tir thêir moz gênhk./.

Tsu cxêik nhênhv-Báo Lai Châu-Lan BT

Hnuz 12/11, Công an tỉnh Yên Bái heik pâuz, taz viv no nhiv kruôr ntêk cxov tâu lênhx nênhs fêv Hà Văn Hoát, xênhz shông 1985, nhoz jok Thác Vác, xã Đồng Khê, huyện Văn Chấn, tỉnh Yên Bái. Hoát tâu xav zos lênhx nênhs fêv kuôz zuôv luôs lưv tus uô đaz uô tuôs thiêz tuô nênhs tuôs lênhx nênhs hâur hnuz xiêz 06/11 shông 2020, ntơưv thax tsav xã Tà Xi Láng, huyện Trạm Tấu, tỉnh Yên Bái. Đhâu cơ quan qênhz yuôx nus, Hoát krêz lênhk tiêk: Thâuv 2 six zar hnuz kêix hnuz xiêz 06/11/2020, Hoát cheix yêz meir mul trơưk txox cêr mê txix xã Đồng Khê (huyện Trạm Tấu) trâu pêv jok Làng Mảnh, xã Tà Xi Láng (huyện Trạm Tấu). Hoát pov Shôngx Thị B (xênhz shông 2003, nhoz jok Tàng Ghênh, xã Bản Mù, huyện Trạm Tấu) muk cơư tơư uô ntêx pêv hâur ntêx, Hoát tưz đhiê châuv thiêz muôz tus nxeik co truz têk trâu đrav kaz cê, muôz tus nxêik co  khi thiêz muôz tus nxêik co zuôv uô đaz uô tuôs. Đhâu zuôv lênhx nxeik co tas, lênhx nênhs fêv co ho muôz tus nxêik Shôngx thị B jơưv chax đaz tax tuôs.

Nhiv no cơ quan muôx vax huôv qênhz tỉnh Yên Bái tsênhv taz tov uô cov cxix cxuô ntâuz ntơưr chiê muôz Hà Văn Hoát tik cêr cxâuv cov zos đrêiv chêi têz qơưs tso tơưv./.

(Danviet-Riê Lâux cxeik, nhênhv)