Thừa Xuân nênhs sâu xor xưv nhoz Đeix nta suôz Vn iz suôv Tây Bắc tso mông cxôngx Yên bái: Tsêr kho moz đa khoa tỉnh Yên Bái nhiv kruôr tos chơưv kho pos Phạm Thị Nghĩa Cúc, xênhz shông 1930, ntơưv xã Yên Thái, huyện Văn Yên, tỉnh Yên Bái tuôx chơưv kho viv trâus lor tês, lor cxa ndêx puôz tiv ntos tox, Thâuv tos jênhv, tsêr kho moz đa khoa tỉnh Yên Bái tsi yuôr chor nyar B viv li fuô moz tsi tâu chiê chơưv nênhs moz. Ciês thâuv co, tsêr kho moz đa kho tỉnh tưz vênhv tôngv chuôz zis, pos li nênhs cxênhz jê tuôx tso nyar. Thâuv pâuz tâu xor mông, đoàn hluôk nênhs Công an tỉnh Yên Bái tưz phuôx tôngv sâuv chinhz yênhx txưv zênhv hâur lưx lươngv thiêz muôx 4 lênhx đoàn viên hluôk nênhs sâu bê cxaz chuôz tso nyar ntơưv tsêr kho moz đa khoa tỉnh. 4 lênhx cán bộ, chiến sĩ công an Yên Bái li hâux lưv uô jông no zos hâux lưv muôx ziz njiêz ndar txos chiv nhênhv 75 shông hnuz chax chês Công an pêx xênhv (19/8/1945-19/8/2020), 15 shông hnuz nênhs tas nro tsôngv box por vêv txiv ngaz têz qơưk (19/8/2005-19/8/2020)./.

(Thừa Xuân-Txâur Vax cxeik nhênhv)

An Kiên, nênhs sâu xor xưv Đaix TNVN thax tsav faz Bắc xa mông txix Lào Cai: Thâuv qênhz yuôx ntơưv thax tsav ntus đriv, nhoz jok Cửa Suối, xar Nậm Chạc, huyện Bát Xát, tỉnh Lào Cai, Tôv côngz xưv Đôiv cảnh sát qênhz yuôx-Công an huyện Bát Xát pov thiêz cxov luz yêz lox biên số BKS 24C-104.61 txix thành phố  Lào Cai tuôx. Lưx lươngv txơưx jênhv pov sâuv yêz thâux muôx 100 hnaz tsax hax huv, hâur chor hnaz ntiv lok six ntâu plâuz tsiêx cxu, khi uô yênhx poz, tas nro hnhar muôx 6 tấn. Tsưr luz yêz no zos Nguyễn Việt Bắc (zus shông 1979, nhoz ntơưv tôv 10, phường Bắc Cường, thành phố Lào Cai) tsik muôx ntâuz ntơưr tưs lok têx hax huv no hlo. Nguyễn Việt Bắc hêik tiêk, thâux chor hax huv no trâu Nguyễn Hồng Trúc (zus shông 1982, nhoz ntơưv phường Minh Phương, thành phố Việt Trì, tỉnh Phú Thọ).

Nhiv no, tas nro chor hax huv co tưz trâus sâu tsês chiê uô cov tsênhz mênhx xưv lik trơưk cêr chêi têz qơưk./.

(An Kiên-Lik Thox cxêik nhênhv)

Hnuz 12/8, UB xã Mường Nhé, huyện Mường Nhé, tỉnh Điện Biên sik côngv đros têx nganhx muôx txơưx jênhv tsưr tsix muôz phấu por tsês 16 tul buô trâus moz ơưk buô châu Phi. No zos qơư huôv moz yiêz đhâu iz ntu tsi pov muôx moz ơưk buô châu Phi huôv xênhz sâuv thax tsav huyện.

Uô ntêx co, chuôz zis zơưv Đào Hồng Ngọc nhoz tuêv số 2, xã Mường Nhé li paz buô muôx 16 tul pov trâus moz. Hnuz xiêz 7/8/2020, chuôz zis zơưv Ngọc ciêr chênhr pov trâu chiz coaz muôx txơưx jênhv tuôx seiz njuôs. Hnuz xiêz 10/8 chêx cuk njuôs siv zos trâus moz ơưk buô châu Phi. Ciês thâuv muôx chêx cuk njuôs siv, UB xã Mường Nhé tưz đros têx chiz coaz muôx txơưx jênhv tsưr tsix phâus por tsês chor buô trâus moz. Thôngx cxix, cungz yuôx, môngr jêz siz tsuôk tuô caz moz guôx tu zus ntơưv chuôz zis zơưv Ngọc thiêz thax tsav buôk co./.

(Vũ lợi-Txâur Vax cxeik nhênhv)